Keplerkiachn
| Der Artikl is im Dialekt Weanarisch gschriem worn. |
De Keplerkiachn, min richtign Nauman St. Johann Evangelist, umgaungssprochlich aa: Johanneskiachn g'hassn, is a remisch-katholische Pfoakiachn aum Keplerplozz im 10. Weana Beziak Favoritn. Se stähd unta Denkmoischutz.
As Patrozinium[1], da Dog van Evangelist Johannes (27. Dezemba), foit gleichzeidig auf'n Gebuazzdog van Johannes Kepler[2].
Gschicht Werkeln
De Keplerkiachn woa de easchte Kiachn, de wo in Favoritn baud wuan is, – nua de Kiachna von de späta dazua kummanan Beziaksteu' Obalaa und Untalaa san öta. 1872 is füa de Keplerkiachn da Grundstaa af an ehemolich'n Exaziaplozz ba da Favoritn-Lina g'legd wuan und 1876 hod da Erzbischof Johann Rudolf Kutschker as Gotteshaus g'weit. Baut is noch de Plän van Architekt Hermann Bergmann wuan.
De Kiachn is a Basilika mid drei Schiff[3], in da Baufuam vo da Neorenaissance. Se is 52 m laung, as Kiachnschiff is 18 m hoch, de zwaa Tiam mid eanare Pyramidndachln san 50 m hoch. Genau hinta da Kiachn liegd da Pfoahof und danem as Magistratische Beziaksaumt, sowia a städtischn Schui.
Ziaka 25 Joah is de Keplerkiachn de anziche Kiachn in Favoritn g'wesn, in dem Pfoarrgebiet hozz zeidweis um de 100.000 Katholikn geem. Eascht 1902 is de (gressare) Antonskiachn ois zwoate im Beziak g'weiht wuan.
Duach Bombn is de Keplerkiachn im Zweitn Wötkriag, 1944/1945 stoak bschädicht wuan.
De Orgl is 1968 van Orglbaua Rudolf Novak konschtruiad wuan.[4]
Literatua Werkeln
- Werner Schubert: Favoriten. Verlag Beziaksmuseum Favoritn, 1992; S. 133-134.
Im Netz Werkeln
Commons: Johannes-Evangelist-Kirche – Sammlung vo Buidl, Videos und Audiodateien- Homepage vo da Pfarre Zum Göttlichen Wort
- Gschicht vo da Kiach (Memento vom 20. Juni 2009 im Internet Archive)
Beleg Werkeln
- ↑ schau ba: Patrozinium
- ↑ schau ba_ Johannes Kepler
- ↑ schaug bei Basilika (Seite nicht mehr abrufbar; Suche in Webarchiven)
- ↑ Informateaunan zua'r Orgl (Seite nicht mehr abrufbar; Suche in Webarchiven)
Koordinaten: 48° 10′ 43″ N, 16° 22′ 32″ O