Knedl

Der Artikl is im Dialekt Hausrukfiatlarisch gschriem worn.

Knedl (Plural: Knedln, dt. Knödel, ndt. Klöße oda Klopse, engl. dumpling) san a dipisch boarisch und estareichisch Schbeis, de entweda aus Eadepfi-Doag, aus Mej oda aus Sömibrod gmocht wean, siass oda soizig sei kinan und so wias san ois Zuaschbeis gessn wean, oda gfüd ois Hauptschbeis. Knedl gibts a in da bemischn Kuchl, doat hoassns "Knedlíky".

Oatn fu Knedl

Es gibt an ganzn Haufn fu faschidane Knedl, in jeda Region gibts an ganzn Haufn fu untaschiadliche Rezept, fu Diaroi, iwa Boarn, bis Ost-Estareich und Bemen und desweng gibt s a olahand fü faschidane Knedl. De bekantasdn han:

Soizige Knedl

Bemische Knedl
Doag-Knedl
Eadepfi-Knedl
gresde Knedl
Kas-Bress-Knedl
Seavietn-Knedl
Sömi-Knedl

Gfüde Knedl

Brak-Knedl
Grami-Knedl
Hasche-Knedl
Schbeg-Knedl

Siasse Knedl

Supn-Knedl

Kas-Bress-Knedl
Lewa-Knedl

Knedl intanazional

A aussahoib fu da boarisch-estareichischn-bemischn Region gibt s Knedl. Auf Englisch hoasst ma Knedl a Dumplings".

Beischbü:

Matzah Kneydl: Bei de jidisch redadn Judn gibts de Matzah Kneydel (Plural: Kneydlach), de aus Mö, aus Oa, Schmoiz und Pfefa gmocht wean. Bein Schmoiz muas ma owa Hendl-Schmoiz nema und es deaf a koa Buta dabei soei, sunst san s nemli ned koscha.
Thüringer Aschkloß
Sächsischer Wickelkloß
Lausitzer Kloß
Holsteiner Buchweizenkloß
Italienische Gnocci, des san kloane flachejde Katoffeknedln ois Beilag oda Hauptgricht wia Nudln. In Welschtirol hoaßen de Speckknödel canederli und in Friaul chineglis

Intanationale Vawandtschaft vo de Knedl san z. B. de echtn Puddings, wia da Englische Plumpudding.

Wos a nu intresant is

In Estareich und Sid-Diaroi nend ma a Hauswiatschofts-Schui in da Umgangsschbroch a Knedlakademi.

Des virtuelle Knedlmuseum im Intanet.^[1]

in Sidostbayern vasteht ma unta dem Wort "knedln" a des Spuin mid dem Busen vo ana Frau

Schau aa

Listn vo boarische Speisn

Beleg

↑ http://www.klossmuseum.de/

[1] ttp://www.klossmuseum.de/

[1]