Leonidas

Leonidas (aa Leonidas I., griachisch Λεωνίδας, da Lewengleiche) ausm Gschlecht vo de Agiaden wor vo 490 v. Kr. bis 480 v. Kr. Kini vo Sparta.

Moderne Gedenktofe: "Wandara, kimmst du auf Sparta, nacha sog eana, du host uns do liegn gseng, so, wia des Gsetz des valangt!"

Schlocht ba de Thermopylen

Historische Bedeitung hod da Leonidas ois Fejdherr vom Hellenenbund ba da Schlocht bei de Thermopylen im Joar 480 v. Kr. ealangt. Bei dea Schlocht hod de griachische Streitmocht (ebba 5.200 Mo, drunta 300 Spartiatn) en Thermopylenposs blockiat, ums persische Reichsheer mit oana Gsamtstärkn vo 50.000 - 100.000 Mo untan Xerxes I. aufzhoidn. Zeascht worn de Griachn damit sehr eafoigreich, hom dena persischn Elitetruppm schwaare Valuste zuagfigt, ohne sejm greßare Valuste z hom. Erscht wias vo zwoa Seitn umzinglt worn und da greßte Tei vo de griachischn Truppm si zruckzogn hod, hod si des Bladd gwendet. Da Leonidas hod mit nua 600 Mo weidakämpft, hod drei Dog lang de Stellung ghoidn und is nacha mit da gsamtn spartanischn und da thespischn Moschoft gfoin. Ea hod owa dadurch en Vormarsch vo de Persa vazegat und so zum Endsieg vo de Griachn in am Persakriag beitrogn.

Hoplitn

Beleg

Diodor, Bibliothéke historiké, 11, 4–11.
Herodot, Historien, 5, 41; 7, 175; 7, 202–225; 8, 15; 8, 21; 8,71; 8, 114; 9, 10; 9, 64; 9, 78.
Junianus Justinus, Philippische Geschichte, 2, 11.
Pausanias, Reisen in Griechenland, 1, 13, 5; 3, 3, 9; 3, 12, 9; 3, 14, 1; 7, 6, 3; 8, 52, 2; 10, 20, 2; 10, 22, 8.
Strabo, Geographica, 10; 429; 467.

Literatua

Nicholas G. L. Hammond: Sparta at Thermopylae. In: Historia. Nr. 45, 1996, S. 1–20.
Günther B. Philipp: Wie das Gesetz es befahl? Bemerkungen zu einer neuen Leonidaslegende. In: Gymnasium. Nr. 75, 1968, S. 1–45.
Helena P. Schrader: Leonidas of Sparta: A Boy of the Agoge, Wheatmark, 2010.

Im Netz

Commons: Leonidas – Oibum mit Buidl, Videos und Audiodateien

Leonidas and the 300 Spartans with explanatary animations, videos and rare images from Spartas Archaeological Museum