Ludwigsthoi
Ludwigsthoi (amtli: Ludwigsthal) is a Oatstei da Gmoa Lindberg im nidaborischn Landkroas Reng.
Ludwigsthoi Ludwigsthal Gmoa Lindberg Koordinaten: 49° 3′ 24″ N, 13° 14′ 10″ O
| |
|---|---|
| Höhe: | 611 m |
| Postleitzahl: | 94227 |
| Vorwahl: | 09922 |
 Schloss Ludwigsthoi
| |
Log Werkeln
Ludwigsthoi ligt an da B 11 zwischa Zwiesl und Boarisch Eisnstoa. De Boarische Woidboh, de vo Bladdling af Eisnstoa und zruck vakeat, hoit do o.
Gschicht Werkeln
1826 hod da Gloshittnmoasta Georg Christoph Abele aus Neihurkenthoi im Behmerwoid, a Gloshittn baut und a Joa spada noch König Ludwig I gnennt. 1830 losd se da Abele noch Plän voum Praga Baumoasta von Zobel duachn Hofbaumoasta-Polia Lexa a Herrnhaus baun. In da Glosshittn is vo 1828 bis 1848 weiß, nacha greans Spiaglglos gmocht worn. Im März 1860 homs an ganzn Bsitz gantmäßig vosteigat. Gsteigat homdn da Metzgamoasta Josef Pauli und da Biabraua Josef Kammermeier, oi zwoa vo Zwiesl, fia 44.000 Guldn.
Am End voum 19. Joahundat homs af Hoiglos umgstejt und nachm Zwoatn Wejdgriag hom duat 200 Leid goawat. 1981 is de Gloshittn zua gmocht worn. 2006 is de oide Hittn unta de Schnämassn zambrocha. Da Varein Pro Nationalpark hod 2008 s Schloss vo de Hittnherrn pacht und a de Wohnheisl vo de Glosmocha san no do. De Kristallglosmanufaktur Ludwigsthoi hod 2001 a Schaugloshittn hie gstejt und mocht so mid da Tradition da Gloskunst in Ludwigsthoi weida.
Da Prinz Otto woa voum 1. Juni 1876 mearare Wocha afn Schloss in Ludwigsthoi. Seine Dogdan hom eam gsogt, du muast a weng umananda laffa, im Woid. Des hod a gmochd und sei Liablingsweg am Reng entlang noch Renghittn drogt no heit den Nama Prinznsteig.
De Expositur Ludwigsthoi is 1894 baut woan, 1912 woas nacha a Pfoarei.
Sengswiadigkeidn Werkeln
Die neiromanische Pfoakiacha Hl. Herz Jesu is 1893/1894 nach Plän vo Johann Baptist Schott baut. Da Mingara Kinstla Franz Xaver Hofstötter (1871-1913) hods neiromanisch ausgstatt und inna reich bemalt.
Vaeina Werkeln
- TSV Ludwigsthoi
- Freiwillige Feiawea Ludwigsthoi
- Fischareivaien Ludwigsthoi
- Schitznvaein Ludwigsthoi
- ESV Zwiesl am Bohhof Ludwigsthoi
Im Netz Werkeln
Commons: Ludwigsthal – Sammlung vo Buidl, Videos und Audiodateien