Kubikmeta

Der Artikl is im Dialekt Weanarisch gschriem worn.

Kubikmeta is de SI-Einheit fias Voluman. A Kubikmeta is a Wiafl von aan moi aan moi aan Meta. Schreim tuad ma des ois m³.

So wia beim Kwadrat, gibz natialich aa beim Kubik- olle Variantn vo de Länganeinheitn.

Kubikzantemeta

As Zeichn waa cm³, oft gschrim ois ccm, wiad bsundas vawendt beim Hubraum vo aan Vabrennungsmotoa.

In aan Kubikmeta bassn genau ozöhte 1 Mülliaunan Kubikzantimeta, des san 10⁶ ccm.

Kubikdezimeta

Do gheat dm³. Wäus dessöbe is, vawendt ma do efta „l“ fia Lita. Aa Lita san 1000 Kubikzantimeta, umgekeat hod a Kubikmeta tausnd Lita. Des wiad aa gean bei Motoan vawendt, zum Beispüü is a Wogn mit zwaa Lita aana, des wos an Motoa mid 2000 ccm hod.

Kubikkilometa

Gibz aa, des waa km³, oisa aa Kilometa hoch drei. Des is scho a gaunzscheens Trumm, so gabat ma vielleicht des Voluman von an Beag oda von aan Meea au, oda des Bia, wos im Siiddeitschn Raum iwas Joa gsoffn wiad.