Boarische Wikipedia

Maria-Theresien Tola

(Weidagloadt vo Maria-Theresien Dolar)
Der Artikl is im Dialekt Owaöstareichisch gschriem worn.

Da Maria Theresia Tola (dt.: Maria-Theresien-Taler) is aa da Levantina Tola gnent wuan . Ea woa ned nua a Zohlungsmiddl in da Östarich-Ungarisch Monarchie, sundan aa in Nuad- und Ostafrika, Indonesien und Brasilien. In Ethiopien woa ea nu bis 1945 a gütigs Zohlungsmiddl.

A modenane Nochpregung. De Pealn aun da Brosch und des X noch da Joareszoi sann a wengl aundas.

Da Tola Werkeln

Dea Tola (dt. Taler) is 1741 eigfiat wuan und hod in Weat vo zwoa Guidn ghobd (dt. Gulden). Da Avers (Brustbüdl) zoagt de Eazheazogin vo Östareich, de Maria Theresia, de midm Kaisa vom remisch-deitschn Reich, em Fraunz Stephan vo Lothringen vaheirat woa. Es hod mera Avers gem, owa ois de Maria Theresia 1780 vaschtuam is, hod ma nua mea des Avers vo 1780 vawendt.

  • Da Kroasduachmessa vom Tola is 3,95 Zantimeta und ea is 2,5 Müllimeta dick.
  • Da Feisüwaghoit hod 23,389 Gramm oda 0,751974 Feiunzn.
  • Sei Feighoit hod 833,33 af 1000 Teu. Des is a Rauhgwicht vo 28,0668 Gramm.

De Schrift af da Vuada und Hintaseitn zoagt: M. THERESIA. D. G. R. IMP. HU. BO. REG. // ARCHID. AVST. DUX. BURG. CO. TYR. 1780. X. Des san lateinische Okiazungan und soid hoaßn: Maria Theresia Dei Gratia Romanorum Imperatrix, Hungariae Bohemiaeque Regina, Archidux Austriae, Dux Burgundiae, Comes Tyrolis. 1780 (östareichische Nidalaund).

  • Iwasezt: Maria Theresia, vo Gods Gnodn Kaisarin da Rema, Kenigin da Ungarn und Behmen, Eazheazogin vo Östareich, Heazogin vo Burgund, Gräfin vo Tiroi. Des X soi`s Andreaskreiz sei und soid ob 1750 de Heaschoft iwa de östareichischn Nidalaund auzoagn.
  • De Raundpregung hoaßt IUSTITIA ET CLEMENTIA. Af Deitsch: Gerechtigkeit und Milde.

Des gsetzlige Zohlungsmiddl Werkeln

An Tola midm Obüd da Maria Theresia (1717-1780) hods scho seid 1741 gebm. Owa 1770 hods a Münzrefoam gebn und do is des Gwicht vom Tola af 28,14 Gramm und an Süwaauteu vo 832/1000 festglegt woan. Des hod ma schpoda af 28,06 Gramm und an Süwaauteu vo 833/1000 gendat und so hod a 23,385 Gramm Süwa gwogn..

Obm 7.Novemba 1750 is a schtodm Reichstola eigfiad woan und hod em Weat vo zwoa Guidn ghobd.

  • Ois a Bayern am 20.Septemba 1753 in Konvenzionstola eigfiad, hod se vian östareichhischn da Naum Maria Theresientola eibiagat.
  • Ois da Kaisa Franz Stephan von Lothringen, ia Gemoih am 18.August 1765 vaschtuam is, hod de Maria Theresia iahn Witdibschleia neamma oglegd. Und so hod ma aus pietätische Gründ a des Büdl vo da Herrscharin (Midm Schleia) afm Tola vaendat.

In Östareich woa a bis 1858 a gütigs Zohlungsmiddl, ob do is a nua meah ois Haundlsmünzn prägt wuan.

Wo a iwaroi Zohlungsmiddl woa Werkeln

Weu Östareich vo da Adria aus mid da Levante Haundl betriebm hod, is da Tola a in Nuadostafrika und bei de Araba recht bliabd gwest. De Araba hobm a boa Naum via de Süwamünzn ghobd. Z.B: Abu Kush (Vota vom Vogö (Vogel)), Abu Noutke , Vota vo de Pearln, weu a Odla und Pearln afm Diadem af da Kaisarin zan segn san.

Im nuadlign Schwoazafrika hod a de Naum ghobd:

  • Rial kebir = großa Tola; Rial Namsawi = östareichischa Tola; Abu Teir = Vota vom Vogö; Abu gnuchtu = Vota da Zfriednheid.
  • A Sklav hod 12-15 Tola kost.
  • A guads Roß woa 15-20 Tola weat.
  • Und via a Müchkuah hod ma 3-5 Tola hielegn miaßn.

Weu a im Nuadn vo Afrika so beliabt woa is a vo oanign eiropäischn Schtootn nochgmocht wuan.

  • Ois 1935 Italien untan Mussolini Ethiopien (Abessinien) eaowan woit, hod a in Östareich augfrogd, ob a ned de Origineu Druckschteckl hobm kennt.
  • Weu na des austrofaschistische Östareich gean ois Gegngwichtl und Beschitza gegn em deitschn Nazionalismus braucht hod, is ma af sei Aunsinnan eigaunga und hods Eahm auf 25 Joah vapocht.

Wo ma mid Eahm zoit hod Werkeln

In Nuadafrika, wia in Egyptn, bei de Berbaschtootn, im Sudan, In Abessinien (Ethiopien) woa a bis 1945 ois fat Lady offiziö a gütigs Zohlungsmiddl.

  • In de arabischn Schtootn bis in Jemen owi und va duat, duach eahnan Seehaundl bis Westindien und Indonesien und a in Sidkina.
  • In Schwoazafrika, an da Ostküstn bis Somalia owi.
  • An da afrikanischn Westküstn hod ma damid de Sklavn zoiht, de ma in de Südschtootn eigfiad hod.
  • Und wehrend em Sezionskriag hobm de Nuadschtootn des Baamwoiimbargo vom Sidn so umgaunga, das de Baamwoi vo de Egypta ghaft hobm. Und de is wida mid Maria Theresien-Tola zoiht wuan.
  • Natiali hod ma a mid eahm in da Tiakei zoihn kena.
  • A in Brasilien hod man augnumma, vamuatli is des a vom Sklavnhaundl heakema.

Es gibd kam a Münzn de a so a launge und intaressante Gschicht hod und viam Dollar, so augseghn woa und fost wödweid ois Zohlungmiddl augnumma woan is.

Da Maria Theresien Tola is a gean za Schmuckschtickl vaoawad woan, ois Auhenga oda Broschn.

Prägeschtön Werkeln

  • Wean
  • Kremnitz
  • Karlsburg
  • Mailaund
  • Prag
  • Utrecht
  • Günzburg
  • Venedig
  • Wean.........vo 1920-1937 und vo 1956-1975, eppa 53 Müllionan.
  • Rom..........vo 1935-1937, eppa 19,5 Müllionan.
  • Paris........vo 1935-1957, eppa 12 Müllionan.
  • London.......vo 1936-1961, eppa 20,16 Müllionan
  • Brüssl.......vo 1937-1957, eppa 11 Müllionan
  • Birmingham...vo 1949-1955, eppa 3,5 Müllionan.
  • Ois Zaum, wean de Prägschtättn iwa 390.000.000 Tola pröägt und in Vakeah brocht hobm.

Schau aa Werkeln

Litaradua Werkeln

Im Netz Werkeln

Kuazfüm iwa de Prägung:

Voh „https://bar.wikipedia.org/w/index.php?title=Maria-Theresien_Tola&oldid=837992“