Mark Zuckerberg

Da Mark Elliot Zuckerberg (* 14. Mai 1984 z White Plains im US-Bundesstoot New York) is a US-amerikanischa Unternehma. Er is da Grinda und Voastondsvoasitzende vom sozialn Netzweak Facebook. Zua Zeit hoit da Zuckerberg an Otei vo 24,7 Prozent on da Firma.^[1]

Da Zuckerberg hod in Harvard Computerwissenschaftn studiat. De Grindung vo Facebook, scho wearend da Studienzeit, hod eam - nach Forbes - zum jingstn Milliadea olla Zeitn gmocht. Sei Vamegn wead af 17,5 Milliardn US-Dollar gschetzt.^[2]

Auszeichnung

Am 15. Dezemba 2010 hod s New Yorka Time-Magazin en Zuckerberg zua „Person vom Joa“ auszeichnet. Dea Titl wead seit 1927 vo dea New Yorka Zeitschrift vagem.

Sunstigs

Im Oktober 2010 is da Fiction-Fuim^[3] The Social Network uaaufgfiat wuan, dea wo auf da Gschicht vo Facebook aufbaut.^[4]
Sei Netzseitn FaceMash.com hod da Zuckerberg am 20. Novemba 2010 beim Auktionsdienst Flippa fia ebba 30.000 US-Dollar vasteigat.^[5]

Schau aa

Features vo Facebook

Literatua

Sascha Adamek: Die facebook-Falle. Wie das soziale Netzwerk unser Leben verkauft. Wilhelm Heyne, Minga 2011, ISBN 978-3-453-60180-2.
Juan Faerman: faceboom. Wie das soziale Netzwerk Facebook unser Leben verändert. südwest, Minga 2010, ISBN 978-3-517-08656-9.
David Kirkpatrick: Der Facebook-Effekt. Hinter den Kulissen des Internet-Giganten. Carl Hanser, Minga 2011, ISBN 978-3-446-42522-4.
Ben Mezrich: Die Gründung von Facebook. riva, Minga 2011, ISBN 978-3-86883-154-2.
Jakob Steinschaden: Phänomen Facebook. Wie eine Webseite unser Leben auf den Kopf stellt. Carl Ueberreuter, Wean 2010, ISBN 978-3-8000-7488-4.