MediaWiki Dischkrian:Mainpage

Hoamseitn

Da Sinnierer moant: "d Haptsaitn is iweraoll d Haptsaitn". Des is easchtns koa Argument und zwoatns foisch. Vialleicht triffts jo auf de Nord-Nord-West-Boarischn Sprochgruppn zua, woass ned worauf se des "iweraoll" beziagt soit, owa...

• Es gibt etliche Wikipedia Hoamseitn, wos ned aso hoasst, zum Beispui af da franzesischn fr.wikipdia

• Aa af deitsch sogn Profis zu sowos ned oft "Hauptseite" sondern "Startseite", "Frontpage", "Einstiegsseite", "Leitseite" und natialich "Homepage" ;-) Hoamseitn is deshoib a bessare Iwasetzung fia "Mainpage". ("Hauptseite" hod irgend a deitscha Wikipediana anno dozumoi Wort fia Wort iwasetzt, ohne an deitschn Sprochbrauch zu dem Begriff z kenna, deswegn miassn mia des no lang ned nochmochn, aa wanns iatz in vui deitsche Wiki-Klone reproduziat wiad.)

• Hoamseitn klingt aa boarisch authentischa

--Schmei 16:37, 5. Apr. 2009 (CEST)

Na guat, niat iwerol, ower i ho schou gschaut ghått, wej das bå de åndern Dialekt-Wikipedien hoisst, und dej schraim iwersetzt aa Haptsaitn. Min Nordboarischn hout des iwerhapps nix zon tou. Af Hoamsaitn how'e schou denkt, ower des passt niat hundertprozente. Und af da Englischn hoisst aa mainpage, niat homepage. -- Sinnierer 18:36, 5. Apr. 2009 (CEST)

Des mitm Norboarischn woa jo bloß a kloana Seitnhieb ;-)

S is natialich aa ned so wahnsinnig wichtig, owa "Hoamsaitn" hod oafoch wos Boarisches drauf und je mehra mia uns af a sinnvolle Oat und Weis vom Deitschn obhem kinna desto bessa, oda?

Bezogn af de Wikipedia is natialich nix andas wia a Portal, drum hoassts jo ba vuin a Portal:blablaba, wia aa ba de Franzosn. Owa fia mi is Hoamseitn scho aa a korrekta Begriff fia de Haptseitn. (Fia de Gsamt-Wikipedia-Netzseitn is natialich des de Hoamseitn: [1], owa fia uns ist de Haptseit de Hoamseitn...)

--Schmei 19:32, 5. Apr. 2009 (CEST)

Hoamseitn is hoid Westmittlboarisch åghaucht, des wird d' Ostöstareicha wieda ned so schmeggn, obwoih, schreim eh relativ wenig mid... Hoamseitn gfoid mir recht guad, kunnt ma hernemma... Haptseitn find i recht Freistoot-Boarisch... --Mucalexx 19:46, 5. Apr. 2009 (CEST)

Fir mi hout des nix mit dean zon tou, ob des ejtz Nord-Sid-Ost-West-Boarisch is oder niat, und aa nix mit dean, das'e ån Daitschn bichad blaiwad (ower aa niat grod extra umkejert tou'e wos, nou henkad'e'me quase arschlings åne), sundern min Unterschid mainpage == Haptsaitn, homepage == Hoamsaitn, ålso iwersetzt asn Englischn oder vo da EN-Wikipedia, und aa såchmasse. -- Sinnierer 20:21, 5. Apr. 2009 (CEST)

Sinnierer, schaug amoi do iba de Synonyme zua Hauptsein: Homepage, Hauptseite & Co --Matthias Klostermayr 20:55, 5. Apr. 2009 (CEST)

EN, wej schou gsågt: http://en.wikipedia.org/wiki/Homepage - D Hoamsaitn von ara Wikipedia is d Haptsaitn. -- Sinnierer 21:07, 5. Apr. 2009 (CEST)

Ånderscht gsågt: D Hoamsaitn hoisst nåmamasse Haptsaitn. -- Sinnierer 21:12, 5. Apr. 2009 (CEST)