Mephistopheles

Mephistopheles (kuaz: Mephisto) is da Nama vom Deifi im Fauststoff.

Neizeitliche Theatamaskn vom Mephisto

Briafmarkn vo 1979: Da Faust mitn Homunculus in da Hand, Mephisto

De Etymologie vom Nama is ned genau kleat. Am woarscheinlichstn wead die Heakumft ausm Hebräischen ogsegn: ois a Vabindung vo de zwoa Partizipien mephir, aa mefir (Zasteara, Vadeaba) und tophel (Liagna).

Mephistopheles in da Literatua

Johann Faust

In de Faust-Sogn um de historische Person vom Johann Georg Faust is da Mephistopheles a Deifi, wo mitn Faust an Pakt eingeht. Da Mephisto muass am Faust solang deana, bis dea an ganz bestimmtn Sotz sogt. Nacha muass da Faust auf imma und ewig am Deifi deana.

Christopher Marlowe

Im Drama vom Christopher Marlowe De tragische Gschicht vom Doktor Faustus ausm Joar 1589 tritt da Mephistopheles nebman Beelzebub ois Gsandta vom Luzifer af und schliasst mitm Faust an Deifespakt.

Goethe

Ba Goethe in da Faust-Tragedie (Faust I, Faust II) is da Mephisto da Gegnspuia vom Heinrich Faust. Ea schliasst mitm Herrgod a Wett ob, dass a an Faust vom rechtn Weg obringa ko.

Schau aa

• Deifi
• Goidans Kaiwal
• Moloch

Literatua

• Irene Gerber-Münch (1997): Goethes Faust. Eine tiefenpsychologische Studie über den Mythos des modernen Menschen.
• Carl Gustav Jung: Psychologie und Alchemie.
• Carl Gustav Jung: Symbolik des Geistes.

Im Netz

• Suach noch Mephistopheles in da Deutschen Digitalen Bibliothek

Beleg

• Schau aaa: Mephisto af de.wikipedia.org