Mitzwa

A Mitzwa (hebr. מצוה, Gebot; Plural: Mitzwot) is im Judntum a Vuaschrift oda a Gebot vaum God. De Mitzwot kumman entweda aus da Tora oda vau de Rabbiner.

Im Talmud wiad de Aunzoi vau de Mitzwot aus da Tora mit 613 beziffat und aus da Rabbiner-Tradition mit 7. De Zehn Gebote san a Teu vau de Mitzwot aus da Tora.

Noch jidischn Recht deafn bis auf aans (s easchte) olle Gebote vau da Tora bei Lemsgfoa brochn wean.