Moskau-Nizza-Express

Schnöüzug vo Moskau noch Nizza

Da Moskau-Nizza-Express (DRV 409 Moskau - Nizza bzw. DRV 408 Nizza - Moskau) vo Moskva Bjelorusskaja (Moskau weißrussischa Bauhnhof) noch Nice Ville (Nizza Stod) is seit 2010 bei weitm de längste Zugvabindung, de wos duach Östareich fiaht. Er bringt de reichn Russn owe aun'd Cote d' Azur. De Wogn wean vo da PID gstööt; in Östareich zwischn Breclav und Brenna wiad a vo ana Taurus-Lok bspaunt. Ea bsteht aus zwoa Speisewogn, drei Salonwogn und sechs Schlofwogn.

Bauhnsteigaunzeig
Da Moskau-Nizza-Express aum Weana Hbf
Zuglaufschüdl

Da MNE foaht amoi in da Wochn, iwa Wjasma - Smolensk - Orscha Central - Minsk - Brest Central - Terespol - Warszawa Wschodnia (Ostbf) - Warszawa Centralna - Warszawa Zahod. - Katowice - Zebrzydowice - Bohumin - Breclav - Wean Hbf - Linz Hbf - Innsbruck Hbf - Brenner - Bozen - Verona - Milano Rogoredo - Genova - San Remo - Bordighera - Ventimiglia - Menton - Monaco-Monte Carlo. Zuastieg is nur mit Reservierung megli, es kennan laut RZD nua Vabindungan mit Züü oda Aunfaung in Russlaund oda Weißrusslaund buacht wean. Fia de 53 Stundn und 3279 Kilometa launge Foaht duach Weißrusslaund, Poin, Tschechei, Östareich, Italien und Fraunkreich muasst 306 Euro in der zweiten Klass hiiblättan, 1200 Euro in da Luxusklass.

Da MNE foaht jedn Dunnastog vo Moskau oh. In Brest Centralny aun da weißrussischn Grenz wean de Wogn vo Braatspur auf Noamäuspur umgspuat, des haßt, de Wogn fahrn langsam durch a Haisl, in dem de Radl im Fahrn an de jeweilige Spua opaßt wean. In Wean Hbf is a am Freitog um 12:41, in de Gegnrichtung aum Sunntog um 16:41. DRV haßt Schnöözug fia Reisevaaunstoita.

Im Netz Werkeln