Mucknbatscher

A Mucknbatscher, aa Floingdatscha, Fliangduscha, Fluingklatscha oda Fliangbracka is a Drum aus Blastik oda Leda zum Daschlong vo Fliang, Muckn, Schnogn, und andere kloane Krabbeviecha.

Funktion

Wemma a Muck daschlong wui, na huid ma gscheid aus und haut mitm Batscher schnoi auf dia Muck nauf. Dabei druckts bei der ois zam, dass doad is. Es gib awa mitlawei o Mucknbatscher mit Elektro-Funktion. Do funktioniad des a weani andast: Bei dera weat des Viech mit am Strom, der wo aus a Batterie kummt reglrecht gruit.

Oartn

Friaras hods no Muckenbatscher aus Leda mit am Hoizstü gem, wo voan a Drum aus Leda hignoglt is. Heit wern aba moastns bloß no wejchane aus Blastik mit am netzfeamign Drum gnomma. Des hod mearane Grind:

Material wead eigspoat wega de Lecha
Blastik is billga ois wia Leda
Des Viech losst si bessa fonga, weis weda duach an Schottn, no duach an Luftzug weggscheicht wead.

Anekdodn

"De Oberpfäizer san imma obenaaf do hilft a koa Fliangdatscha!" - Ausgsprochen (bei am Besuch) duach: Generalvikar Fritz Morgenschweiß (Regensburg).

Im Netz

Commons: Fliegenklatschen – Sammlung vo Buidl, Videos und Audiodateien