Isaac Newton

Sir Isaac Newton (* 4. Jenna 1643 in Woolsthorpe-by-Colsterworth in Lincolnshire, England † 31. Meaz 1727 in Kensington) woa a englischa Physika, Mathematika, Astronom, Alchemist, Philosoph, und Vawoitungsbeomta.

In seina Zeid, wo zwischn natialicha Theologie, Natuawissnschoft und Philosophie no ned schoarf trennd woan is, hod ma an Newton an Philosophn gnennt.

1687 hod a de Philosophiae Naturalis Principia Mathematica aussabrochd. Se guit ois oans vo de Weake mid'm greßtn Eihfluss af de Wissnschoftsgschicht und hod de Grundlong fian Groußtei vo da klassischn Mechanik gschoffa. In dem Weak bschreibd a de Gravitationsgsetze vo da universoin Gravitation und de Bewegunsgsetze. Domid hod'a iwa 300 Joar de Physik mitbstimmd. Ea hod aa des easchte Spiaglfeanroah baud. In da Mathematik hod'a unobhängig vom Gottfried Wilhelm Leibniz de Infinitesimoirechnung entwickld.

Zweng seina Leistunga, voa oim in da Physik und Mathematik, guit da Newton ois oana vo de greßtn Wissnschoftla vo oin Zeidn. De Principia Mathematica wean ois oans vo de wichtigstn wissnschoftlichn Weake eihgstuafd.

Wiadigung

Nochm Newton san des Newtonsche Näharungsvafoahn und de SI-Eihheit vo da Kroft (Newton), de Newtonsche Axiome sowia de Newton-Cotes-Foamln bezeichnd worn, außadem da Asteroid (662) Newtonia sowia a Mondkrata.

Schriftn vom Newton

Method of Fluxions (1671)
Of Natures Obvious Laws & Processes in Vegetation (unvaeffntlichd, ca. 1671–1675)^[1]
De Motu Corporum in Gyrum (1684)
Philosophiae Naturalis Principia Mathematica (1687)
Opticks (1704)
Reports as Master of the Mint (1701–1725)
Arithmetica Universalis (1707)
The System of the World, Optical Lectures, The Chronology of Ancient Kingdoms und De mundi systemate (posthum vaeffentlicht 1728)
Observations on Daniel and The Apocalypse of St. John (1733)
An Historical Account of Two Notable Corruptions of Scripture (1754)

Beleg

↑ Newton's alchemical works online bei da Indiana University Bloomington (IUB)

Im Netz

Wikisource

Boarischa Text: Isaac Newton – gmoafreie Originaltext (engl.)

Commons: Isaac Newton – Oibum mit Buidl, Videos und Audiodateien

Spruch: Isaac Newton – Zitat af Boarisch

Literatur von und über Isaac Newton im Katalog der Deutschen Nationalbibliothek
George Smith: „Isaac Newton“ in da Stanford Encyclopedia of Philosophy (englisch, inklusive Literatuaogobm)
Robert Rynasiewicz: „Newton's Views on Space, Time, and Motion“ in da Stanford Encyclopedia of Philosophy (englisch, inklusive Literatuaogobm)
Andrew Janiak: „Newton's Philosophy“ in da Stanford Encyclopedia of Philosophy (englisch, inklusive Literatuaogobm)
Rob Iliffe: The Newton Project@1@2 (Seite nicht mehr abrufbar; Suche in Webarchiven) mit Textausgobm und Faksimiles, Sussex 2007
Über Isaac Newton und die Entstehung der Gravitationstheorie, vo Chr. Pinter (dt.)
Projekt vo da Indiana University de alchemistische Notizn vom Newton zan dechiffrian (englisch)

[1] Newton's alchemical works online bei da Indiana University Bloomington (IUB)

[1]