Nisch'nbüidstock Christus am Ölberg
| Der Artikl is im Dialekt Weanarisch gschriem worn. |
Da Nisch'nbüidstock „Christus am Ölberg“ steht im 10. Weana Beziak Favoritn, Beziaksteu Oberlaa, aun da'r Eck'n von da Laaer-Berg-Stråß'n und da Friedhofstråß'n (früacha „Hintere Zeile“ g'hass'n).
Dea denkmoig'schützte Büidpfeula håt an viaseitat'n Sock'l, då drauf a gleich hocha g'schwungana Owateu mit an G'sims[1]. Owa'n Pfeula is a nåch drei Seit'n offana Aufsåtz mit drei Nisch'n aubråcht. Auf da viat'n g'schlossanan Nisch'n-Rückwaund is a modean's Foabmosaik mit da Ölberg-Szene. Früacha woa duat'n a Målarei auf Blech mit'n gleich'n Motiv zum sehg'n. Des Ziag'ldåch tragt aun da Spitz'n a Metoikreiz.
Entstaund'n düaftat da Nisch'n-Büidstock aum End vom 18. oda'r aum Aufaung vom 19.Joahrhundat sein, ob's davua duat'n bereits a sakral's Objekt geb'n håt, is nimma mit Sichaheit zum feststöi'n.
Literatur Werkeln
- Werner Schubert: Favoriten. Verlag Beziaksmuseum Favoritn, 1992; S. 177.
Weblinks Werkeln
- Pfarre Oberlaa, Marterln und Bildstöcke (zua Nr. 2 scroll'n)
- Luftbüidaufnauhm vom Staunduat
Beleg Werkeln
Koordinaten: 48° 8′ 19,9″ N, 16° 24′ 0,4″ O