Notaresco
Notaresco is a Gmoa mid 6907 Eihwohna (Stond: 31. Dezemba 2015) und liegt in da Näh vo Castellalto und Morro d’Oro in da italienischn Provinz Teramo. De Ortschoft is Mitglied vo da Comunità Montana del Vomano, Fino e Piomba.
| Notaresco | ||
|---|---|---|
|
| |
| Staat | Italien | |
| Region | Abruzzen | |
| Provinz | Teramo (TE) | |
| Koordinaten | 42° 39′ N, 13° 54′ O | |
| Häh | 267 m s.l.m. | |
| Fläch | 37 km² | |
| Eihwohna | 6.907 (31. Dez. 2015)[1] | |
| Dichtn | 187 Eihw./km² | |
| Postloatzoi | 64024 | |
| Vorwoi | 085 | |
| ISTAT-Nummera | 067032 | |
| Voiksbezoachnung | notareschini | |
| Schutzpatron | San Gennaro (19. Septemba) | |
| Hoamseitn | Notaresco | |
Geografie Werkeln
Zu de Ortstei (Fraktiona) zejn: Caporipe, Capracchia, Cordesco, Grasciano, Guardia Vomano, Pianura di Notaresco, Pianura Vomano, Saggio, Torrio, Valle Vignale und Villa Scapoli.
De Nochboagmoana san: Atri, Castellalto, Cellino Attanasio, Morro d’Oro, Mosciano Sant’Angelo und Roseto degli Abruzzi.
De Gmoa liegt uma 23 km vom Haptort vo da Provinz, da Stod Teramo und 13 km vo da Adriagstod entfeant.
Gschicht Werkeln
Noch'm Kriagseihtritt vo Italien im Juni 1940 hod's faschistische Regime in Notaresco a Intaniarungsloga (campo di concentramento) earicht. De Intaniatn woan in zwoa privatn Wohnhaisan, vo da Casa Mazzarosa und da Casa Carusi, untabrocht. De easchtn Intaniatn woan ausländische und stootnlose Judn, de 1942 ins Intaniarungsloga Ferramonti di Tarsia iwarstejt worn san, um Plotz fia Jugoslawn z gwinna. Mid da Okunft vo de Jugoslawn hom se de Intaniarungsbedingunga vascheaft. De letztn Insossn hom's Loga eascht im Jenna 1944 valossn.[2]
Sengswiadigkeitn Werkeln
De romanische Kiach San Clemente al Vomano in da Näh vo da Fraktion Guardia Vomano is im 12. Joarhundad earicht worn. De Kiach ghead zua Abtei vo de Benediktina.
As archäologische Museum G. Romualdi in Notaresco vafigt iwa archäologische Funde im Umkroas vo da Gmoa aus da Jungstoazeid und Oidstoazeit. Es san in da Fraktion Grasciano de Reste vo ana remischn Villa gfundn worn.[3]
Persenlichkeitn Werkeln
- Renato Pirocchi (1933–2002), Autorennfoahra
Bevejkarungsentwicklung Werkeln
| Joar | 1861 | 1881 | 1901 | 1921 | 1936 | 1951 | 1971 | 1991 | 2001 | 2015 |
|---|---|---|---|---|---|---|---|---|---|---|
| Eihwohna | 3850 | 4211 | 5069 | 4903 | 6032 | 6641 | 6130 | 6502 | 6770 | 6907 |
Quej: ISTAT
Kulinarische Speziajitetn Werkeln
In da Umgewung vo da Gmoa wean Rebn vo da Soate Montepulciano fia'n DOC - Wein Montepulciano d’Abruzzo obaut.
Im Netz Werkeln
- Offizielle Webseite der Gemeinde Notaresco (italienisch)
- Informationen über die Gemeinde Notaresco (italienisch)
Beleg Werkeln
- ↑ Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2015.
- ↑ Carlo Spartaco Capogreco, I campi del duce. L’internamento civile nell’Italia fascista (1940-1943), Torino 2004 (Einaudi), S. 220–221; Klaus Voigt, Zuflucht auf Widerruf. Exil in Italien 1933-1945 (Band 2), Stuttgart 1993 (Klett-Cotta), S. 68
- ↑ La Villa Romana di Grasciano