Nutza Dischkrian:Weggatgroasta/Archiv2007

De oijde Weggatgroaster-Diskussionseitn bis zua Iabaschrift Kurów is vo mia glöscht unn do einibaut woan...

Berchtsgoan

Gfreit mi, dass'd dem Artikl wos guads doa mogst. I daad ma an Deina Stejn koan Krampf mit dene Hakkaln und Strichaln eine, des soiddad neamand davo abhoitn, do herin mitz'macha! I persönlich lias de Artikl aa liaba mit ned ganz so vui kryptische Wundabuchstam, liast se oafacha, schreibt se oafacha, und ma braucht koa Sprachwissnschaftsdiplom dafia ;-) Etliche vo uns, mit dene i Kontakt hob, moanan eh: "a jeda nach seim Gusto" --Libellulia 15:31, 15. Feb. 2007 (UTC)

Donkschee firs Muatmocha! Des mit de Hakkln und Strichaln moan i nehmi aa - des liest und schreibt se pfeigrod wiara "Lautschrift". Aba fir den, ders mog, is jo vialleicht des Häigste ... ;-) Weggatgroaster 15:53, 15. Feb. 2007 (UTC)

LOL - schee gsogt - fia a freie Enzyklopädie :-)

Zwengs da QO, schaug da moi dortn de Zsammafassung o, wo i gmacht hob. Vielleicht werd davo da oa oda anda ermutigt, se a eigne Meinung z'buidn oda se z'eissan. --Libellulia 14:50, 18. Feb. 2007 (UTC)

Mein herzlichn Glickwunsch zu da Eliminierung vom foischn Bundesland! Wia is des jetzad ganga? --Libellulia 13:04, 23. Feb. 2007 (UTC)

Schaug da de easchte Zeiln von da Infobox o - dee ho i zeascht a iabasetzt - des woa a Fehla ...

Unn wia findst mei Iabasetzung vo de ondana Obsätz, z.B. zua Gschicht? vo Berchtsgoan ;-)

Schee iss' dei Ibasetzung, wann i den Artikl so oschaug griag i boid a unruhigs Gwissn weng Reichahoi ;-) --Libellulia 13:43, 23. Feb. 2007 (UTC)

Des wead scho - nua net hudln unn liaba Obsatz fia Obsatz ois goa nix mocha. I dat sowieso voaschlogn, dass ma noch unn noch vo a jedn Seitn de eigsaamtn Wikilinks wenigstns mit am Stub afuilln, damit se des roat a wengal lichtn tuat ...

Oba wia scho gsogt: Nua net hudln ... ;-) Weggatgroaster 14:42, 23. Feb. 2007 (UTC)

Da boarische Wintaschlof

Do duad se oiwei no nix, auf da WP:QO. I glaab, dé san olle am Fasching ;-) I wart nachand amoi biss eanan Rausch ausgschlaffa ham. Scheen Gruaß, --Libellulia 10:01, 19. Feb. 2007 (UTC)

Du, i hoff du bist ma ned bees, i hob auf da WP:QO Dein Kommentar mit den andan zam in a Kapitl Kommentare packt. Mei Vorschlog wár, dass ma obn blos Oazeila mit am Pro einesetzn. I woidd da aba ned aso weit vorgreifn, hob aba bei deim Gsatzl ogmerkt, dass se's auf de 3 beziagt. Sog ma Bscheid, wanns da aso ned passt, bin fia Vorschläg offn. I woidd des blos glei macha, vor des scho wieda so a unübasichtliche Gschichtn werd de uns zu koana Entscheidung bringt. Scheen Obmd, --Libellulia 21:18, 19. Feb. 2007 (UTC)

Geht scho kloa - ois, wos da Iabsichtlichkeit heifa tuat, find i guat ...

I ho zoar fia 3 gstimmt, aba i bfiacht, s wead se auf 1 oda Umzuag aussageh - schaun mer moi ... ;-) Weggatgroaster 21:34, 19. Feb. 2007 (UTC)

Danke fia's Vaständnis. Wos moanst zu meina Idee mit da "Kategorie:Humor z'boarisch"? So kánnt ma 1 und 2a untabringa... --Libellulia 21:41, 19. Feb. 2007 (UTC)

boarische/Deitsche Artikl/Kategorien - Naman

Griasde Weggatgroaster, konst auf Wikipedia:Qualitätsoffensivn/Umfrage:Artikel und Kategorien-Namen geh und mid obstimma. Scheene Grias aus Niedabaian --Birnkammer fabian 16:16, 5. Mär. 2007 (UTC)

Märsse fia den Hinweis - ealedigt s. 2.a ... Weggatgroaster 16:31, 5. Mär. 2007 (UTC)

Königssee

Griasde Weggatgroaster, da Benutzer:Florian_Schott hod do an Artikl üban Kenigssee ogfanga, weil er a richtig scheens Buidl davo gschossn hod. Jetz gangads drum, dass ma den lokaln Dialekt eifliassn lossadn. Es geht scho mid da Wahl vom Lemma los, wia sogt ma des "auf echt"? Do bist Du natiale noch nachanda dro wia i oide Reichahollarin ;-) Obgseng dodavu, dass i ned vui vom Kenigssee woas, hob i a zur Zeit a rechte Hektik mit meim Studium und kimm ned reglmässig zum schreim. Desweng und weng Deim kilometatechnischn "Herkunftsvorsprung" woitt i da Bscheid song, vielleicht bist Du jo inspiriert. Und i glaab i wer jetz langsam mim Feiadog-Ausschlaffa ofanga, sonst schreib i zvui Grampf :-)
Frohe Ostern, --Libellulia 03:10, 6. Apr. 2007 (UTC)

Mei "Herkunftsvorsprung" hot se insofean reduziat, ois scho long nimma in da Gengd wohn und mi deszweng jo aa do herent "Weggatgroasta" nenn ... ;-)

Aba i denk, wann i a wengal mea Zeit ho, kunnt i wos vo da deitschn WP iabasetzn - do san aussadem aa vui scheene Buijdl unn a guads Diagram (des wead i glei a amoi einiz'steijn vasuacha).

Oiso schaung ma moi. Weggatgroaster 11:47, 6. Apr. 2007 (UTC)

Gnau gnumma miassad i mi aa òis Weggatgroaste oomejdn ;-) Wo hòds na Di hivaschlòng? I moan òba, sein Dialekt valernt ma ned so schnej, vo dem her besteh i auf Dein "Herkunftsvorsprung", wos an Keenigssää ògeht *g* Dankda da schee fir's Textn, Lemma findn, Tabelliern etc. So kemma uns scho damid seng lòssn òis Exil-Berchtsgoana-Landla :-) --Libellulia 17:43, 6. Apr. 2007 (UTC)

Scho erledigt ;-) Den Literaturhiweis find'e àà in koana Hisicht tragisch. Ma kànnt natiarle, fòis ses gebt, nu a boar andane Beispui dazuadoa, kennst dò wejche? I miassad do mein Vodan frong, der hòds eha mid sowòs, aber der is jetz erschtamoi zwoa Woocha in Urlaub... --Libellulia 13:03, 10. Apr. 2007 (UTC)

No amoij a gonz a dicks Märssi!!

Von weganst ondane Beispuij bin i aa scho auf da Suach - so oda so miassatn no de boarischn Schriftstella wia Ludwig Ganghofer, Ludwig Thoma, Oskar Maria Graf, Josef Filser usw. no an Atikl kriang, moan i. S' wia imma a Zeitfrog ... ;-)

Aba i frog mi aa, wievuij Leit eigentli auf da boarischn WP nochschaung, um Infoamtionan z'kriang - unn wenn ja, weijchane de donn suacha ... Weggatgroaster 13:15, 10. Apr. 2007 (UTC)

Des Thema is und bleibt kompliziert. Ausm Gfui raus erwartn glààbe de meistn "Konsumentn" am èhan a Spass-Wikipedia. Ob dò de Mundart-Asterix-Heftln dro schuid san oda dass speziell da boarische Humor aso bekannt is, i woass' neda ;-). Dò kimmt dann òba scho glei des Veto vo da Foundation, dass des ned geht... Und auf des Prestige vo da Wikipedia wuima jò àà ned vazichtn, des is jò de beste Gelengheid, Aufmerksamkeit fia des Projekt z'griang.

Und dann gebt's hòid no de Mèglikeit, dass ma's ois Herausfordarung siagt, wòs fia s' bitta notwendige Dahoitn vo da boarischn Spròòch zum doa und in dem Zuag àà glei no z'zoang, dass Leid, de (boarischn) Dialekt renn, ned zwangsleiffig blèèda oda primitiva san wia andane - vielleicht sogòr eha wortgwandta, wei's zwoaspròchig san?! Recht schee find e àà, dass i sejbad profitier, indem mei aktiva Wortschatz ned eischlòfft, und i intressante und manchmoi spassige Artikl in vawandte Dialekte lesn ko. Mei Herz hèngt hòid schoo am Boarischn.

Und mei persönlichs Zui is jò, z'zoang, dass ma àà òis entspannta, lustiga Boar einigamassn gsellschaftsfähige Umgangsforma ham ko und a Daseinsbereichtigung hòd. Da tierische Ernst vo manche Pedianer (vor òim vo dene, wo se blos zum "vo-omm-òba-Schimpfn" herbegemm) werd ma bisweiln a weng z'drugga. Desweng schaug e hòid a weng drauf, dass ma koana wòs formals ans Zeig flickn ko, und bhòit ma mein Humor gròd extra :D Des bringd me scho glei wieda auf a Idee fia mei Benutzaseitn, òiso pfiatde, --Libellulia 14:35, 10. Apr. 2007 (UTC)

PS: an Josef Filser gebts sogar scho, vom Florian.

Donkschee fia den Hiweis!

Onsunstn siag i des a gnaua so wia du - grod aa vo wegan dem aktivn Woatschat unn so ... ;-)

Wann ses ausgeht, wead i mi no um de ondan Schriftstella seim kimman unn se aus am deitschn WP iabasetzn.

Woaßt du vielleicht a no a Voalong fir an Stub? Donn duat ma se a weng leichta, wenigstans an Atikl ozfonga ... Weggatgroaster 15:12, 10. Apr. 2007 (UTC)

Schaug da amoi des oo: de:Wikipedia:Artikel#Umfang_.28Stubs.29 - de ham dortn bschlossn, dass' koane Stub-Bickal mehr gemm soi. Desweng hòbe àà koa Voalòng findn kenna, hòd me scho gwundat. I glààb òba, es werd se àà aso koana aufreng, wann a Artikl amoi a Zeidl aso dostèht. --Libellulia 15:44, 10. Apr. 2007 (UTC)

Märssi no amoij fia olle deine Hiweis!! Weggatgroaster 16:13, 10. Apr. 2007 (UTC)

Gern gscheng :-) --Libellulia 20:38, 10. Apr. 2007 (UTC)

Kurów

Could you please write a stub http://bar.wikipedia.org/wiki/Kur%C3%B3w - just a few sentences based on http://de.wikipedia.org/wiki/Kur%C3%B3w ? Only 3-5 sentences enough. Please.

PS. Article about Kurów is already on 163 languages. If you do that, please put interwiki link into English version. If your village/town/city hasn't on PL wiki, I can do article about it. (I'm first author of requests) Pietras1988 ^TALK 12:03, 8. Apr. 2007 (UTC)

Done - many greetings to Kurow! (Do you want to win a record?!?) Weggatgroaster 14:28, 8. Apr. 2007 (UTC)

Very thx. You are great! I want do this article on all languages on the world. Article about Kurów is already the best --> here are stats. Pietras1988 ^TALK 16:47, 8. Apr. 2007 (UTC)

Und wos is mit Dir?

Erschtamoi Dankschee dassd mi vorgschlong host. Fui mi geehrt :-) Und wia is des mit Dir, mechatst Du aa Admin wern? Nachand daad i Di aa gern vorschlong. Sog ma Bscheid, nachad mach i des. --Libellulia 10:07, 20. Jul. 2007 (CEST)

Bi grod eascht wieda ausm Ualaub zruck - donkschee fia de Nochfrog, oba de Zeit daleits ma oafoch (no?) ned fiar a so a Omt. Bi scho froh, wenn i no vielleicht den oan oda ondan Atikl einisteijn ko ...

Hiazt muaß i eascht no nochschaung - oba wennst di weijn host lossan, winsch i da scho amoij auf Vadocht ois guade unn vui Glick! Weggatgroasta 02:55, 7. Aug. 2007 (CEST)

Dem mecht i nu hinzufüng, dass du im Gengsotz zu am bstimmtn aundan eha mit meim Pro rechna deafatst *gg* --i bin da Man77und do kaunst mit mia redn 19:35, 13. Aug. 2007 (CEST)

Märssi fia de Bleamal - i hoff blos, dass dea ondane ned no duachdraht, wenn ea ned schneij gnua a Kariär in da boarischn WP mocht. Oiso bessa eam ned goa so oag dratzn, sundan oiwei blos freindli aaflaffa lossn ... ;-) Weggatgroasta 02:02, 14. Aug. 2007 (CEST)

Sorry i muaß di oafoch - weil i so lochn kunnt - drauf hinweisn: Bitte schau auf mein Diskseitn --i bin da Man77und do kaunst mit mia redn 11:08, 14. Aug. 2007 (CEST)

I woas ned - i find des goa ned so lustig, weil i a sowas gnau bfiachtet hob. Dea Bua scheint nimma z'wissn, wohi mit seim zuvui Testosteron ...

Den Löschantrog bei de Facken soijat ma sofoat wieda entfeana unn meinzweng duach an Hiweis mit da Bittn um Weitaboabeitung setzn (gibt des auf boarisch?) - brauchts dazua an Admin? Sunst moch ichs seiba ... Weggatgroasta 14:37, 14. Aug. 2007 (CEST)

Schaust moi do: Vorlage:Skizzn --i bin da Man77und do kaunst mit mia redn 08:44, 15. Aug. 2007 (CEST)

Märssi - hob i hiazt glei einiduscht - i hoff, des geht se hiazt friedli zsamm und aus dera gonzn Schweinerei wead a so no a bessana Atikl ... ;-) Weggatgroasta 14:30, 15. Aug. 2007 (CEST)

Herzlichn Glickwunsch...

...zu Deim erstn prämiertn Artikl :-) --Libellulia 15:11, 16. Aug. 2007 (CEST)

Märssi - bin i sakrisch stoijz drauf ... ;-) Weggatgroasta 15:18, 16. Aug. 2007 (CEST)

Oskar Maria Graf

Griasde Weggatgroasta, I glaub da Artikl iwa n Oskar Maria Graf is fu dia, oda? Laida schded då néd bsondas fü drin und es wa a laichts, dés wås auf da hochdaidschn Wikipedia schded auf Boarisch zan iwasézn. Kintast du dés fialaicht måcha? Wãn néd, dãn dua s nemli I, åwa dãn iss håid Owaésdaraichisch und ned Owaboarisch, wås iagendwia bled wa.

Schau da amåi in Artikl Ludwig Thoma ã, doat håb I schã gweakt und wås heazoagboas draus gmåcht. Wai iwa boarische Themen miassn mia schã mindestns glaich fü schdê håm, wia d hochdaidsche Wikipedia. Mõanst néd a? --El bes 16:24, 22. Okt. 2007 (CEST)

In da naxtn Zeit daleits ses fia mi neda, do no wos dazua ziabasetzn - wonns di oag druckt, donn schreib hoijt wos dozua oda schreibs nei in deim Dialekt somt Hakln unn Ösn ... ;-)

I hob hoijt grod wenigstns as Minimum iawa den Autoa histeijn woijn, oba as Bessane is da Feind vom Guadn - oijso bocks ruhig o. --Weggatgroasta 02:08, 26. Okt. 2007 (CEST)