Obadeitsche Sprochn
(Weidagloadt vo Obadeitsch)
| Der Artikl is im Dialekt Obaboarisch gschriem worn. |
S Obadeitsche zejt zu de Haptsprochgruppm vom Houchdeitschen und wead im Sidn vom deitschn Sprochraum gsprocha.
S Obadeitsche untascheid si darin vom Mittldeitschn, dass de Zwoate Lautvaschiabung in stärkam Moß durchgefiat worn is.
Zum Obadeitschen zejt ma in dem Sinn s Alemannische und s Boarische. De fränkischn Sprochn Ostfränkisch und Sidfränkisch liegn im Iwagangsbereich vom Obadeitschen zum Mittldeitschn (Mainlinie bzw. Weisswuaschtäquator) und wean manchmoi aa am Mittldeitschn zuagordnet. Aa s ausgstorbane Langobardische wead wegn da voiständig durchgefiatn hochdeitschn Lautvaschiabung zu de obadeitschn Sprochn zejt.