Oberiglbo

Oberiglbo (amtli: Oberiglbach) is a Ortstei vom Moak Otnbuag am niedaboarischn Landkroas Bassa.

Oberiglbo Oberiglbach Moakt Ortenburg 48.569303113.1704186377
Höhe:	377 m ü. NN
Postleitzahl:	94496
Vorwahl:	08542
Karte De Kiach St. Martin z Oberiglbo

Log

Lieng duad Oberiglbo am Iglbo guade via Kilomeda noadwestle vo Otnbuag.

Gschicht

D friaste uakundliche Nennung vo Iglbo kimmd aus da Regierungszeid vom Bossaua Bischof Reginmar (vo 1121 bis 1138). Unda de Zeign vo am Gütatausch vom Bischof hand unda andam a oa Ministerialen vo da Kiacha gnennd, drunda a Altman de igilpach. Nu a boa Moi kemmand in Urkundn vom 12. und 13. Joahundat zoagn af, de wos se noch Iglbach nennand. D Undascheidung vo Ober- und Underiglbo is dann eascht am 14. Joahundad afkemma.

Anno 1808 is da Steiadistrikt Iglbo im Landgricht Veizhof buidt worn. Mim zwoatn Gmoaedikt vo anno 1818 is d Gmoa Oberiglbo grindt worn, de wos donn eftas Umbuidt worn is und donn 1821 mid da Gmoa Unteriglbo zua arana Gmoa Iglbo mid 41 Ortstei zammglegt worn.

Oberiglbo hod ara eingne Schui ghod. Vo anno 1904 bis 1910 woa da Erhard Kutschenreuter Lehra z Oberiglbo. Kiachle gseng woa Oberiglbo a Filiale vo da Pfarrei Aukiacha, bevoa daoss 1921 d Expositur Oberiglbo earicht worn is.

Am 1. Oktoba 1970 hod se d Gmoa Iglbo mid da Gmoa Seinau zua neia Gmoa Woifaau (Wolfachau) zamgschlossn. 1978 hamds oba donn d Gmoa Woifaau wenga da Gebietsreform am Moakt Otnbuag agliedat.

Sengswiadigkeitn

• D Kiach St. Martin. De wos seit am Beginn vom 15. Joahundad spätgotisch baud und a da Midd vom 18. Joahundad drinnad barockisiad worn is.

Varei

• D Freiwillige Feiawehr Oberiglbo, grindt 1883
• D Jogdgnossnschoft Iglbo
• Edelweißschitzn Oberiglbo

Im Netz

Entstehung der Gemeinde Iglbach