Otnbuag

Otnbuag (amtli: Ortenburg) is da drittgresste Moakt am niedaboarischn Landkroas Bassa und stootle okennda Eaholungsort.

Woppn	Deitschlandkoatn
	48.53333333333313.216666666667358
Basisdotn
Bundesland:	Bayern
Regiarungsbeziak:	Niedabayern
Landkroas:	Landkroas BassaVorlage:Infobox Gemeinde in Deutschland/Wartung/Landkreis existiert nicht
Hechn:	358 m ü. NHN
Flächn:	60,74 km2
Eihwohna:	7417 (31. Dez. 2015)Vorlage:Infobox Verwaltungseinheit in Deutschland/Wartung/Noch nicht auf Metavorlage umgestellt
Bevökarungsdichtn:	122 Einwohner je km2
Postleitzoi:	94496
Voawoi:	08542
Autokennzeichn:	PA
Gmoaschlissl:	09 2 75 138
Moaktgliedarung:	112 Ortstei
Address vo da Moaktvawoitung:	Am Stausee 1 94496 Ortenburg
Buagamoasta:	Stefan Lang (CSU)
Log vom Moakt Otnbuag im Landkroas Bassa
Karte

Vorlage:Infobox Gemeinde in Deutschland/Wartung/Moakt

De evangelische Moaktkiach.

Eadkund

Log

Otnbuag ligt am sognenndn Klousdawinke und am Hoizland sidle vo da Doana und neadle vo da Rott am niadaboarischn Higeland. Da Groußtei vo da Gmoa ligt am Woifadoi. Otnbuag sejba ligt diagad a da Woifa, de wo bei Veizhof a Doana mindt. D Gmoa umfosst uma 60 km² und ligt aufarana Hähn vo 358 m.

Nachbargmoana

A da Natt ligade Gmoana hand Hoaba, Beidlschbo, Veizhof, Fiaschtnzei und Griasboch. A wengal weida weg hand Bocking und Bassa.

Ortstei

D'Moaktgmoa hod d'Moakttei:

Afham · Au · Aunberg · Bärndobe · Baumgoatn · Berghof · Bindaring · Birka · Blosn · Blindham · Boschaling· Broadreit · Buach · Buachad · Butznberg · Demmlstodl · Dobl · Doafbo · Doi · Drittndoi · Elexenbo · Froschau · Golla · Gassnmo · Giaßhibe · Gebatsham · Greil · Hacklmei · Heimbaring · Hierling · Hifering · Hilking · Hinden · Hinterhoaberg · Hinterschloß · Hochhaus · Heck · Hefl · Hoizkiacha · Hibing · Irnged · Isarhofa · Joging · Kaiseroang · Koied · Koined · Kamm · Kluagsed · Knaling · Kollmann · Kinebo · Kroned · Kradoi· Kihige · Leingoat · Lengfein · Lindn · Lohfeid · Luaghof · Luisendoi · Moahof · Moasberg · Moosham · Neihaus · Neistift · Nicklguad · Niedaham · Oastaham · Obahoatdobl · Oberiglbo · Obaed · Ockaschberg · Otnbuag · Ottned · Paulberg · Rameschbo · Rauschaed · Rehrn · Sammarei · Schoikham · Scheined · Schlott · Schmeized · Schefbo · Schweibe · Schwiewog · Seinau · Spiage · Stoabo · Stoanakiacha · Undahoatdobe · Underiglbo · Undaed · Undadonad · Ualmanning · Vordahoaberg · Voadaschloß · Wockasbeag · Wappmosbeag · Weghof · Weibeag · Weng · Weweck · Wimbeag · Woifa · Wiading · Wurmaing · Zei

Gschicht

Da Moakt Otnbuag ums Jea 1620 noch am Aquarei vom Molagrof Friedrich Casimir.

Da am Woifadoi liegade Moakt Otnbuag ka auf a 900-jaarige Gschicht zruckschau. Umara 1120 lossand se de Grafen vo Otnbuag do niada. A da seim Zeid kemmand d'Edelfreien vo Kamm, de wo am 13. Joahundat auf Bossa, Hois ziangand. De Grafn vo Otnbuag, wo ausm Haus vo de Spanheimer stammand, baund dageng d'Stammbuag iwam Ort, wo spada da Mittlpunkt vo da reichsunmittelboan Grafschaft Ortenburg woan is.

De Grafn zeind seit do zu de ogsengsdn und mächtigstn Gschlechta vom Boarischn Hochadl, so dass sa se a da Macht mid de Wittelsbecka wettgeifad ham. Eanane gresstn Besitzausdehnungan homs am 12. und 13. Joahundat, wo se eanane Bsitzungan vom Brixndoi bis a d'Obapfoiz ziangand.

Am 13. und 14. Joahundat kimmd d'Familie vo de Duschl aus Seinau. Se hand vo Ministeralien vo de Grafen vo Hois und Otnbuag bis an Rang vo de Ritter aufgsting. Am 14. Joahundat hams an niadaboarischn Raum mid am Bau vo ganz fui Buang und mim Bau vo eanana Stammbuag Schloss Söldenau prägt. Oa Mitglied vo da Famij, Heinrich Tuschl, hod ois oana vo de reichstn Edlmona vo seina Zeid geit. Ea is a da berihmte Ritter Allein a da sog wo aus a so hoaßt. Mim Doud vo seim Bua Schweikers III. wa eana Gschlecht goa.

Zeascht hod as Grafngschlecht und da Ort "Ortenberg" ghoaßn, bis 1531 da damois regiande Reichsgraf, da Christoph, wega am Erbstreit sei Grafschaft und den Ort in "Ortenburg" umgnennd hod. Mim ändan vom Nam woit d'gräfliche Familie eanane Erbansprich auf Kärntner Grafschaft Ortenburg vadeitlichn. D'otnbuaga Reichsgrafn ham den Streit oba ned gwunga weis koa Vawandschaft vo dem ausgstoamna Adlsgschlecht gem hod. D'umbennenung vom Ort is oba bis heid ghoitn woan.

1563 fiad da Graf Joachim, gstitzt aufn Augschbuaga Religionsfrien vo 1555, in Otnbuag d'lutherische Lean ei. Otnbuag is duach des zuana Enklavn im katholischn Umland woan. 1626, undam Dreißgjahring Kriag, hod se da Friedrich Casimir Glaubensflüchtlinge aus Estarreich um Otnbuag ogsiedld, vo dene de Ortsteile Voada- und Hintahainbeag kemman.

Duach d’Gräfin Amalia Regina is 1703 in Otnbuag d’oigmeine Schuipflicht eigfiad woan - 99 Jea voa da Eifiarung in Bayern. 1805 hod da Graf Joseph Carl d’Reichsgrafschaft Otnbuag gega as ehemolige Klousdaamt Tamboch dauschd und Otnbuag is dann boarisch woan. D’Grafn wonand seit do in Tambach bei Coburg.

1892 is in Otnbuag d’katholische Kiacha vom Johann Baptist Schott im neiromanischn Stil baud woan, 1899 is d’katholische Expositua z’Otnbuag zua ana eingna Pfarrei eahom woan.

Duach d’Gmoagebietsrefoamen vo 1972 bis 1978 is Otnbuag, zam mid fünf andane Gmoan zua flächanmaßi drittgreßtn Gmoa am Landkroas Bossa woan.

Religion

Otnbuag wa zeascht a evangelische Enklavn im katholischn Umland. Heid gibt’s foingde Pfarrein am Gmoagebiet:

• Evangelische Pfarrei Otnbuag
• Katholische Pfarrei Dorfbo
• Katholische Pfarrei Hoizkiacha
• Katholische Pfarrei Neistift
• Katholische Pfarrei Otnbuag
• Katholische Pfarrei Sammarei
• Katholische Pfarrei Unda-/Oberiglbo

Eihwohnaentwicklungan

Da Moaktbloz z Otnbuag

Joa Eihwohnazoi 1840 4422 1900 4859 1939 5372 1950 7444 1999 7172 31. Dezemba 2003 7300 30. Juni 2004 7315 30. Juni 2005 7328 30. Juni 2006 7307 31. Dezemba 2007 7130 31. Dezember 2009 7126 30. Juni 2010 7092 31. Dezemba 2014 7059 31. Dezemba 2015 7090

Bolitik

Moaktgmoarod

Da Moaktgmoarod setzt se seit da Kommunalwahl 2014 a so zam:

• CSU: 10 Sitz
• Überparteiliche Wählergemeinschaft Ortenburg (ÜW): 5 Sitz
• SPD 4 Sitz
• ÖDP/Aktive Bürger: 1 Sitz

Buagamoasta

Erschda Buagamoasta seit da Kommunalwoi 2014 is da Stefan Lang (CSU), dea den vo da ÜW gsteidn easchtn Buagamoasta Hans Halser, Reinhold Hoenicka (CSU) und Friedrich Gebessler (CSU) foigt. Da Stefan Lang is mid 66,49 % as Amt gweid woan.

Da zwoate Buagamoasta is da Ludwig Nothaft (CSU), da dritte Buagamoasta is da Heinrich Stocker (ÜW).

Vawoidung

D’Otnbuaga Gmoavawoidung is as Vawoidungshaus z’Undaiglbo und as Rodhaus z’Otnbuag aufteild.

Woppn

Blasoniarung: „Aufm roudn Grund a schraga suibana Wechslzinnboikn.“ As heidige Woppn vo da Gmoa oriendiad se am Famijwappn vo de oidn Grafn z’Otnbuag. A voahea heagnummas Woppn wos in da Mittn teild wa, im oban Teil a Wechslzinnboikn und in da undan heiftn a Buag is heidzdog neama ibaliefat.

Kuitua und Sengswiadigkeitn

Theada

As Theater Maskara fiad d’oidn Tradition vo Commedia dell'Arte weida und fazeid Märchen fia jung und oid.

Bauwerk

Otnbuaga Schloß

Schloss Otnbuag

Rapoto I., regierenda Graf vo uma 1120-1186, hod ums Jea 1120 d’Otnbuag bau lossn, de wo oba im Jea 1192 vom Herzog Leopold vo Estarreich obrennd woan is. Am Landshuada Erbfoigegriag wiad d'Otnbuag 1504 wieda zlegt. Is eascht wieda vo 1562 bis 1567 vom Graf Joachim aufbaud woan. Seit 1972 is as Otnbuaga Schloß in Privatbsiz. As Schloß is zwischn 1972 bis 1991 restauriad woan und hod iazad a Schlossmuseum mid prunkvoim Renaissance-Innenhof mid Arkadn, und da berühmten Renaissance-Hoizkassettndeck in da Schloßkapein.

Es hod in Otnbuag amoi zwoa Buang gem. De zwe Buang ham de Oatsteile Hindaschloß und Voadaschloß d’Nam gem. D’heidzdog zum bsichtigende Buag is as eidane vo de zwe Schlessa und is damois Oid-Otnbuag gnennd woan. As Nei-Otnbuaga Schloß im Oatsteil Hindaschloß is bei de Napoleonischn Griag vo de franzesischn Truppn zamgschossn woan und d’Ruin Ende vom 19. Joahundat ganz odrong woan. Eahoitn blim hand grod a unda de Grundmauan weid vazwoagts Tunnlsystem wos undam sogenndn „Trompetagrom“ duachegehd und beide Buang midanand vabundn hod und no bis a d’60a Jea vom 20. Joahundat ois Okiazung bzw. bei de Weidkriag ois Vasteck und Fluchttunnl heagnumma woan is. In da Mittn vo de 70a Jea oba hand de Haupteigänge vaschitt woan und danoch fia unbenutzboa eaklead woan.

Moaktkiach

D’evangelische Moaktkiach prägt vom Sin hea kemmad scho vo weim as Buidl vom Ort. D’Kiacha ghead wega da mid da Reichsgrafschaft vabunda Gschicht zu de Kuituahistorischn Gebäude vom Ort. Sie wara amoi a Woifoatskapein Zu unseren Lieben Frauen vor dem Markt. Noch da Bstätigung vo da Reichsunmittlbarkeit vo da Grafschaft im Joa 1573 hod de grouße Umgstoitung vo da Kiach ogfangd wos zua evangelisch-lutharischn Pfarrkiach woan is. Zwischn 1703 und 1706 hods dann a ia heidige Gstoid griagd. D’kiach is a fia eanane fuin prunkvoin Grabdenkmäler vo de ehemalign Grafn bekannt.

St. Laurentius

D’evangelische St. Laurentius-Kiach.

D’evangelische Kiach St. Laurentius im Ortsteil Stoanakiacha zeid zu oane vo de eidastn Kiacha vom Woifadoi. Duach iam Beinam Stoanakiacha hoaßt a da Ort a so. Bis zua Reformation in Otnbuag was oane vo de greßtn katholischn Kiachan im Bossaua Raum. Seit da Reformation wiads ois Friedhofskiacha heagnumma.

Konfirmandn-Haus

As Konfirmandn-Haus ghead zu de Wahrzeichn vo Otnbuag. Vo Sin aus kam a scho schnei den imposantn roudn Zigebau ausm 19. Joahundat seng. Seit 1892 hand dot evangelische Kinda aus da Diaspora vo Niedabayern und da Obapfoiz auf d’Konfirmation voabreit woan.

Heid is as Konfirmandn-Haus oas vo de zwoa modeana Internatsgebäude, de wo zua Evangelischn Realschui Otnbuag ghean.

Woifoatskiach Sammarei

Im Ortsteil Sammarei stehd a bedeitnde Woifoatskiacha.

Spoat

Otnbuag hod ganz vui Meglichkeitn zum betreim vo Spoat, wia zum Beispui as Freibod, mehrane Tennisbloz a Minigoifanlog in Undaigebo und mehrane Fuaßboibloz. An Haufa Varein fia Eisstockschiaßn, und am Sportverein, mid de Abteilungen Fuaßboi, Fechtn, Leichtathletik Turnen und Faustboi. Da Verein is 1893 ois Turnverein grind woan, hod iba d'Joa de andan Abteilungen und 1969, an 1931 grindn Fuaßboi Varein FC Ortenburg dazuagriagt und hoaßt seit do ASV Ortenburg. Dazua gibt’s a no an Haufa Wander- und Fohrralweg de duachs ganze Gmoagebiet gengand.

Regelmäßige Vaanstoitungan

Rittaspui

Im zwoajaarign Rhythmus findn d’Otnbuaga Rittaspui stod. Zum seng hand z. B.:

• a mittloidalicha Moakt
• da prunkvoie Eizug vom Herzog mid seina Gemahlin und
• dem groußm hefischn Gfoig mid iba 200 Leid
• as Mittloidaliche Tuaniagspei "Die Ritter von Camelot"

Otnbuaga SchlossKuitua

D’Otnbuaga SchlossKuitua is a Vaanstoidungsreih mid Angebote wia Konzerte, Voaträge und Austeiungan. Zamgsteid wiad des ois vom Förderkreis Bereich Schloss Ortenburg. De oanzlna Vaanstoidungan hand auf da Webseite des Vereins aufgfiad.

Otnbuaga Voiksfest

As Otnbuaga Voiksfest Ofang August zeid zu de greßtn Festa vom Landkroas.

Parks

Seit a boa Jeazehnt hod Otnbuag Ausflugszui fia Touristn wia an Vogepark Ianged und am Otnbuaga Wuidpark. Beide hans vom 1. Abrei bis 31. Oktober fia Bsuacha off.

Wiadschaft und Vakea

Wiadschaft

De Wiatschoft z Otnbuag is middlständisch prägt.

Undanehmen

• Bausysteme Kroasl
• Kason
• Micro Epsilon GmbH
• Millennium Visions GmbH Dekoration und Feuerwerke
• Niederbayerische Schotterwerke
• R. Scheuchl GmbH

Vakea

Da Moakt Otnbuag ligt 20 km westle vo Bassa, 10 km sidle vo Veizhof a da Doana, 12 km noadwestle vo Bod Griaschbo und 20 km neadle vo Pocking. Iba d’15 km entfeande Anschlussstej an Passau-Mitte besteht a a Anschluss a d’A 3. D'B is iba as 10 km entfernte Veizhof zum dareicha.

Effantliche Busveabindungan bstengand beim Veizhofra Banhof und dem z’Bossa. De Verbindungen hand mehra fia Schüla und Berufstätige. Es gibt grod unda da Woch Verbingungen, am Dog unregelmäßig und head scho boid auf dnocht auf.

D’1908 eröffnete Bahnstreck Veizhof–Otnbuag, is 1962 zum Teil steiglegt woan. Auf am Teil vom Bahndamm is 2002 a Ralweg vo Otnbuag noch Moahof baud woan, iazad a scho bis Gnaling, wo oba no bis Veizhof weida geh wead. Fian Güterveakeah laufd d’Streck bis Moahof no.

Medien

D’lokale Zeidung is da Veizhofra Anzeiger, wos da Bossaua neia Bress oghead.

Effentliche Einrichtungen

Es gibt effantliche Einrichtungen vo da Gmoa. D’vawoidung fia d’Biaga vo da Gmoa is am ausglogadn Vawoidungsgebäude im Ortsteil Underiglbo zum finden. Am historischn Rodhaus am Zentrum vom Moakt, wo a Touristninfoamation und a Biacharei gibt. As Boarische Roude Greiz is mid ana Roudkreizbreitschoft, ana Wossawacht-Ortsgruppn und ana Sozialstation vadren. In da Fiaschtnzeia Stroß bfind se as 2005 nei baude Inge-Gabert-Haus, as neie Seniorenzentrum.

Buidung

D'Moaktgmoa Otnbuag hod drei Kindagoatn im Gmoagebiet. An evangleischn und an kathoischn am Ort seiba und an katholischn z'Neistift. Dann gibts a no a Grun- und Hauptschui mit Ganzdogsbeitreiung z'Otnbuag, a Grundschui z'Neistift, d'Evangelische Realschui Otnbuag mid Intanat und d'Columbia-Neef-Realschui, grod fia Diandl, z'Neistift. Dazua gibts ano Kuase und Foatbuidungan fia Eawachsane a da Voikshochschui z'Otnbuag.

Berihmtheitn

• Hans Joachim Schellnhuber (* 1950), Klimafoascha
• Heinrich Deubel (1890-1962), ehem. Kommandant vom Konzentrationsloga Dachau
• August Gebessler, (1929-2008), Kunsthistorika, President vom Landesdenkmalamt Baden-Württemberg und da Voasitznde vo da Vereinigung vo de Landesdenkmalpflega
• Katharina Koch (1811-1892), Natur- und Volksdichterin
• Johann Esaias von Seidel (1758-1827), bedeitnda boarischa Buachdrucka und Volega
• Sebastian Carl Christoph Reinhardt (1738-1827), Künstler
• Georg Wonna (1637-1708), Lutherischa Theologe, Gymnasialprofessor z Rengschbuag, 1685-1708 Superintendent und Scholarch z Regensburg
• Friedrich Casimir von Ortenburg (1591-1658), Kinstla und Regianda Graf vo Otnbuag vo 1624 bis 1658, hod 1624 an Haufa Flichtling ghoifa a neie Bleib zum findn.
• Joachim von Ortenburg (1530-1600), Regianda Graf vo Otnbuag vo 1551 bis 1600, hod 1563 d'Reformation in Otnbuag eigfiad

Sunstigs

In Otnbuag findn oft Drahoabatn fia d'ZDF-Feansehserie Forsthaus Falkenau fia den ausdenktn Ort Küblach stod.

Im Netz

 Commons: Otnbuag – Sammlung vo Buidl, Videos und Audiodateien

Wikisource

Boarischa Text: Ortenburg in der Topographia Bavariae (Matthäus Merian) – gmoafreie Originaltext

• Otnbuag: Woppmgschicht vom Haus der Bayerischen Geschichte
• Otnbuag: Amtliche Statistik vom Bayerisches Landesamt für Statistik und Datenverarbeitung (LStDV)