Otto Clemens

Otto Clemens (* 21. Oktober 1946 in Wean) is a estareichischa Bühnen-, Fernseh- und Füümschauspiela und Fernsehsprecha. De östareichischn Fernsehzuschaua kennan eam ois de Stimme vo de Universum-Dokumentationen.

Leem

Aufgwoxn isa in da Brigittenau, in da Universumstroßn 50. Duatn woara in da Voiksschui und am Realgymnasium. Otto Clemens hod in Wean Schauspiel studiat und aa beim Walter Lott vom Actors Studio in New York, damita des Method Acting vom Lee Strasberg daleant.

Theata und Füüm

Zu seina bühnanmäßign Laufbahn zöön Mitgliedschoftn zum Burgtheater, zum Volkstheaters und zum Theater in der Josefstadt. Sei Oawat am Burgtheater hoda 1985 gschmissn, wäus bei de Proom zu Die Frau vom Meer von Henrik Ibsen Wickln gem hod weng da Regie von da Angelika Hurwicz. Vüü Schauspülakollegn hom sei konsequente Hoitung bewundat und hom si mid eam solidarisiat. Und recht hoda ghobt: De Auffiahrung is a Griff in Gatsch wuan.

Weng seine eafoigreichn Doastöllung vom Arnold in dem Stickl vom Gerhart Hauptmann Michael Kramer is eam 1987 von da Stod Wean de Josef-Kainz-Medäulie valiehn wuan.

Min Theater Der Kreis unta da Leitung vom George Tabori hoda Tuaneen gmocht bis noch Wellington in Neuseeland und Adelaide in Australien. Do hodaraa easchtmolig in englischa Sproch Theata gschpüüt.

Aa beim Füüm hod da Otto Clemens in a boa internationaln amerikanischn Produktionen mitgschpüüt: Unta aundan nem da Meryl Streep und James Woods in Holocaust – Die Geschichte der Familie Weiß 1978 unta da Regie vom Marvin J. Chomsky, wo a an SS-Offizia doagschtööt hod. In da TV-Serie Wagner min Richard Burton in der Titelroin woara da Gönner Karl Tausig.

A bsundare Leidnschoft vom Otto Clemens is des Schreim vo Drehbiachln.

Fernsehsprecha

Ziemlich zeitig hod da Otto Clemens nem seine Hockn am Theata und beim Füüm augfaungt, ois Sprecher in zoireiche Heagschpüü mitzum tuan.

Im Fernsehen hod a mit seina Stimm vua oim de erfolgreichstn historischn TV-Dokumentations-Reihen vom ORF prägt, de do san: Österreich I und Österreich II oder Hört die Signale vom Hugo Portisch und Sepp Riff. Otto Clemens is aa da deitsche Erzööhla von dem bisher teiastn Computer-Animations-Sechstäula von da BBC. Des woan Dinosaurier – Im Reich der Giganten und Die Erben der Saurier.

Seit 1987 is a denan estareichischn und deitschn Fernsehzuschauan bekaunnt wegn dera vüüfoch auszeichnetn Natur-Dokumentationsreihe Universum, die jede Wochn Eigenproduktionen vom ORF und Koproduktionen mit aundare Senda (BBC, Discovery Channel,...) zaagt. Do gebiaht in Otto Clemens a wesentlicha Auntäu vom Eafoig wegn seine Stimm. Se haum eam aa aan Exklusivvatrog aubotn, damit sei Stimm aa unvawexlboas Element von dera Reih is. Des hoda owa oglehnt, wäula si ned auf a anziche Soch festlegn woit. ServusTV hod 2011 min Otto Clemens ois Dazöhla a neiche Sendung Terra Mater augfaungt, de sofoat an großn Zuschauaeafoig brocht hod. 2014 hoda des owa wieda beend, damit a wieda wos aundas mochn kau.

Privat

Otto Clemens ist vaheirot und hat zwaa Buam. Derzeit (2015) lebta in Wean.

Sprecha

Auswoi

Die letzten Paradiese (Reihe)
- Neuseeland: Land der Legenden
- Südtirol: Schätze der Natur
- Afrika: Kenia/Tansani - Im Land der Massai
- Jäger am Kap der Stürme
- Afrika: Mozambique
- Afrika: Wildes Äthiopien
Die geheime Welt der Termiten
Planet der Drachen - Die Zukunft der Reptilien
Dinosaurier – Im Reich der Giganten

Füümografie

Füüm

1976: Glückliche Zeiten
1978: Der Mann im Schilf
1980: Die Matrosen von Cattaro (nach Friedrich Wolf)
1986: Rosa und Rosalind
1995: Tödliche Liebe

TV

1970: Hallo Freunde (TV Musical)
1972: Die Abenteuer des braven Soldaten Schwejk (TV Serie)
1977: Der Fehlschuss (TV Film)
1977: Ein echter Wiener geht nicht unter - Der Unfall (TV Episode)
1978: Alpensaga - Der Kaiser am Lande (TV Episode)
1978: Tod auf der Autobahn (TV Film)
1978: Holocaust – Die Geschichte der Familie Weiss (TV Serie)
1978: Cella oder Die Überwinder (TV Film)
1979: Ein Baby hat leicht schreien (TV Film)
1982: Tatort - Mordkommando (TV Episode)
1983: Wagner (TV Serie)
1991: Ein Geist verschwindet (TV Film)
1992: Salzburger Nockerln (12-teilige TV Serie)
1993: Wenn die Nachtigall verstummt (TV Film)
1994: Saubere Aktien (TV Film)
1996: Tatort - Mein ist die Rache (TV Episode)
1999: Medicopter 117 - Die Vergewaltigung (TV Episode)

Theata

Theater der Courage
Die Komödianten
Theater mbH.
Echoraum
Theater im Künstlerhaus
Theater der Jugend
Studiobühne Villach
Sommerspiele Kobersdorf
Theater Drachengasse
Der Kreis (George Tabori)
Burgtheater
Theater in der Josefstadt
Volkstheater

Gostauftritt

Anton Brucknerhaus, Linz
State Opera, Wellington, New Zealand
Union Hall, Adelaide, Australia
Wiener Konzerthaus
Wiener Musikverein

Auszeichnungan

Nominierung zur Josef-Kainz-Medaille 1974
Josef-Kainz-Medaille 1986