Owazentrum
| Der Artikl is im Dialekt Stod-Soizburgarisch gschriem worn. |
A Owazentrum (Pl.: Owazentren) is in da deitschn Raumplanung und drüwa auße in da Wirdschoftsgeografie a zentrala Ort vo da hechstn Stufm im System vo de zentraln Orte, des wos si da Christaller Walter ausdocht hod, a deitscha Geograf.
Omtli festglegt wern de Owazentren - genau a so ois wia d'Middlzentren - in de Pläne und Programme vo da Londes- und Regionalplanung vom jeweuling Bundesland. Rund um so a Owazentrum - in dem sein Eizugsgebied - gibts normalaweis mehrane Middlzentren und do rundumadum wieda mehrane Untazentren. In Owazentren griagt ma ned netta Sochn und Dienstleistungen, de wos ma dauand oda regümäßig brauchd, sondan a spezialisiade Sochn und Dienstleistungen, zum Beispüi:
- bsondane Wornhaisa
- Spezialgschäftln
- Fochklinikn
- Theata
- Museen
- Unis, Fochhochschuin und ondane Hochschuin
- regionale Behördn