Pirron und Knapp woan a estareichisches Musikaduo, des wos vo 1946 bis 1961 Kabarettschloga wia s "Tröpferlbad", "Camping" oda s "Goggomobil" auf Weanarisch gsunga hod und damit zua Legendn wuan is.

Mitglieda Werkeln

"Pirron und Knapp" woa a Pseudonym, vabuang hom si dahinta:

  • Robert Cuny de Pierron (Pseudonym: Pirron, späda: Bobby Pirron) is am 16. Oktoba 1918 in Zürich gebuan und am 19. Dezemba 2007 in Wean gstuam. Ea woa da Sohn vo da Weanaliadsängarin und Operettndiva Carola Ruska und staumt vo an oidn Odlsgschlecht o. Ea hod zeascht a Hotöfochschui absolviat und is nocha Kinstla wuan. Ea woa Sänga, Zieharmonikaspüla, Conferencier und Kabarettist. Noch da Auflesung vom Duo "Pirron und Knapp" is a no 35 Joa ois Solokinstla eafoigreich gwesn und hod no 8 Schoiplottn aussabrocht.
  • Josef Gnapp (Pseudonym: Knapp) is am 27. August 1917 in Wean gebuan, wo a am 12. Feba 1999 aa gstuam is. Vom Beruaf woara Eisngiaßa, späda Sänga und Kabarettist. Noch da Trennung vom Pirron hoda fia a Vasicharung gorbeit.

Textbeispü Werkeln

Tröpferlbad (Zitat, 1. Strophn) - Aunhean auf Youtube)
Am vagaungnan Freitog woan mia zwa im Trepferlbod,
daß Se net dabei woan, des is schod, schod, schod, schod
Druntn mitn Kassier, do hot a Frau gmocht an Bahö:
“Wos, Se sogn I bin a oide Fee, Fee, Fee, Fee?
Wos san den Sie dann, sie zrupfta Bisam!
Warn Se ka Amtsperson, heratn Se an aundan Ton.
Doch wei ich fein bin und net gemein bin, stöö I mi nimmamea mit Ihna her!
Se glaum, wei Sie do in den Vogelhaisl sitzn,
kennans a schwoche Frau tyrannisian?
Gehts hoits mi zruck, sonst kumm i no ind Hitzn und tua dem Koatnbändiga,
Koatnbändiga, Koatnbändiga no ane schmiern!”

Diskografie (Auswahl) Werkeln

vo de woascheinlich 16[1] Schoiplottn vo Pirron und Knapp san de foigandn bekaunt:

  • Das Fräulein Vera / Fifi (Die Waschmaschine) (Single)
  • Camping / Atombombiges (Single)
  • Im Kino / In der Straßenbahn (Single)
  • Im Warenhaus / Saunarock (Single)
  • Hausmasta Rock / Das Ländermatch (Single)
  • Knapps tönende Pirronschau Nr. 1 / Wirtschaftswunder (Single)
  • Im Tröpferlbad / Blitzo / In der Straßenbahn / Im Kino (EP)
  • Bella Venezia /Mondsüchtig / Atombombiges / Camping (EP)
  • Hausmasta Rock / Das Ländermatch / Das Fräulein Vera / Fifi( Die Waschmaschine) (EP)
  • Der schlaue Fuchs weiß es (Schoifolie ois Weabegschenk vo Rekord Kohlebriketts)
  • Kleine Bambina / Cowboy-Jimmy (78rpm Schellackplottn "Standard")
  • Die große Lachparade 1 (LP)
  • Die große Lachparade 2 (LP)
  • Die große Lachparade 1 + 2 (CD)

Auszeichnung Werkeln

  • Fia de Plottn „Die große Lachparade 1“ hods 1984 de Goidane Schoiplottn gem.

Schau aa Werkeln

Beleg Werkeln

  1. https://www.discogs.com/de/artist/1365758-Pirron-Und-Knappy

Im Netz Werkeln