Trepfalbod
Trepfalbod is in Wean a effentliche Bodeaunstoit, wo si de aafochn Leit, di dahaam ka Bodezimma haum, urnlich bodn kennan. Nochdem owa heit praktisch a jeda a Bodezimma dahaam hod und kaa Mensch is meah ins Trepfalbod geht, san inzwischn de meistn Volksbäda zuagspeat oda min Eibau von aana Sauna zu an Woambod umbaut wuan. [1]
Gschicht Werkeln
In da zweitn Hööfte vom 19. Joahundat is de Stod Wean wegn da zunehmendn Industrie gwoxn wia narrisch. In dera Zeit, de wos ma „Grinderzeit“ gnaunnt hod, san tausende Leit aus da Umgebung und a aus de aundan Lända von da Monachie in de Stod kumman und haum spekuliat, doss do a gscheidare Oawat ois wia dahaam kriagn. 1910 hod Wean meah ois wia zwaa Mülliaunan Eihwohna ghobt. Ma kau so vuastöön, doss de Wohn- und de Hygienevahötnisse a totale Katastrophn woan. Wegn dem hod de Stod Wean bschlossn, doss Voiksbäda baun tan, de sognaunntn Trepfalbäda.
Des easchte is am 22. Dezemba 1887 eaeffnet wuan. Des Bad is in Neubau gwesn, des is heit da 7. Hieb, und hod trennte Kabinan zum Umziagn fia 42 Männa und 24 Weiba ghobt. Fia gaunz Eiropa woa des an absolute Rarität ois eastes Reinigungsbod fian Massnbetrieb. Im easchtn Joah san 78.000 Leit drin gwesn. Bis zum Easchtn Wöödkriag hod de Weana Stodvawoitung no weitare 18 soichane Bäda baut. 1914 san sagenhofte 3,5 Mülliaunan Leit in de Bäda drin gwesn, davo woan owa nua 30 Perzent Weiba, de haum si woahscheinlich do liaba dahaam im Wossaschaffl in Dreck owegwoschn.
Da Nauman Werkeln
Da Nauman „Trepfalbod“ is deswegn entstaundn, wäu jo des Wossaresavoaa am Dochbon wor, und waunn vüü Leit bod haum, is des Wossa nuameah trepfalweis grunnan.
Bedeitung Werkeln
Joahzehntelaung woan de Bäda grod fia de Oaweita und Oaweitarinnan de aanzige Meglichkeit, si gscheit zum woschn. Insofean woans a Segn fia de Xundheit vo de Weana.
Schau aa Werkeln
A Denkmoi hod dem Trepfalbod des Duo Pirron und Knapp gsetzt, min Schloga „Im Trepferlbad“.
Beleg Werkeln
- ↑ Dahaam-Seitn von da Gmoa. Abgerufen am 13. Dezember 2015.