Projekt Gutenberg-DE
| Der Artikl is im Dialekt Berchtsgoanarisch gschriem worn. |
As Projekt Gutenberg-DE biatet deitschsprochige, digitalisiate Texte im Internetz o. Finanziat wead des ganze iwa Weabung. Dodobei hondlts se in de moastn Fejj um Text vo Schriftstella bzw. Autorn, de voa mea oijs 70 Joa vastoamn san unn auf deran Weak deshoijb koa Uahebarechtsospruch mea bsteht. Trotzdem bgründt de Fiama Hille+Partner an uahebarechtlichn Ospruch fia sämtliche Inhoijt mit da Sammlung vo de Weak, mit da HTML-Aufbreitung unn Valinkung vo de Text, mit da Zsammastellung unn de fia de Fiama gschriebanen Zuasotztext, wia Ealäutarungan unn Autoaenogomn.
Juaristisch is a soijchana Uahebarechtsospruch oba aoij oag unsicha ozseing. Insbsundane ko Hille+Partner koan Uahebarechtsospruch auf de Inhoijt vo dr Biacha omeijdn, do de Text breits Public Domain san. Bziagli vo da Frog, ob de Konveatierung ins HTML-Foamat ausreicht, um an uahebarechtlichn Schutz vo da HTML-Foamatierung bospruachn zkennan, bleibt de Entscheidung vo am heijan Gricht obuwoatn.
Da bwusst ähnli gwejjde Nom soij meglichaweis an Oschein eaweckan, oijs dads se dodobei um an deitschsprochigan Zwoag vo dem freian intanationaln Public-Domain-Projekt Project Gutenberg drahn, de breits 1971 vo Michael Hart gründt woan is. De Nomansgebung is oba 1994 mit am Hart sei Zuastimmung eafoijgt.
Im Gengsotz zum frein intanationaln Project Gutenberg, des emnfoijs deitsche Text enthoijt, is oba beim Projekt Gutenberg-DE a Hearuntalodn vo komplette Text nua mit Einschränkunga megli, weil de Firma Hille+Partner immaterielle Monopolrechte on de vo ia vatriebanan unn vo Freiwuijgen elektronisch aufbreitatn Public-Domain-Text bospruacht (vgl. Copyright-Hiweis vo da Fiama H+P).
Voijständig frei zuagreifboa, oijso ohne Uaheberospruach auf de Aufoabeitung unn nedkommerziell wean deitschsprochige E-Texte auf da Seitn vo da freian digitaln Bibliothek https://web.archive.org/web/20190120115743/http://www.digbib.org/ vaeffantlicht.
Im Juni 2007 is des Projekt in iabaoabata Veasion sowia mit 500 neian Biachan online gsteijt woan.
Schau aa
Werkeln- GaGa (Gemeinsam an Gutenberg arbeiten, Internetz-Seitn, de wo des vateite Korrektualesn vo Biachaseitn oaganisiat)
- Virtuelle Bibliothek
- Wikisource
Im Netz
Werkeln- http://gutenberg.spiegel.de/ – Netzseitn des Projekt Gutenberg-DE
- http://www.gaga.net/ – Des Projekt GaGa is Zualiafara fiar as Projekt Gutenberg-DE.
- Projekt Gutenberg kriagt a Genglese-Poatal – heise online: Vateilts Korrektualesn fia Projekt Gutenberg-DE, sieg aa kritische Anmerkung
- http://www.gutenberg.org/browse/languages/de – deitschsprochige Litaradua vom freien Project Gutenberg
- https://web.archive.org/web/20070819063703/http://energia.cl-ki.uni-osnabrueck.de/lit/gb_html.php – Texte vo dem Projekt Gutenberg-DE oijs Plaintext.