Puderant

A Puderant, aa Pudarant (englisch: womanizer), is a Weiwahöd; a Maun, mit an bsundas stoakn Sextrieb.

Da John F. Kennedy hod si aa ois Puderant an Nauman gmocht

Pudarant kummt vau "pudern" wos sovü wia "poppen" bzw. "fickn" haast. Pudan hod uaspringlich nix mit "pudan" (pudern) z duan, sundan mit "budan" (Budan ausrian). Dabei riat ma mit an Stessl in da Müch solaung um, bis "Budda" (Butter) draus wiad. "Budan" fia "fickn" is daun voiksetymologisch ois "Pudan" (Pudern) interpretiat wuan.

Beispielsatz

• De Mitzi Wassaptschick und ia Pudarant san zum Heirichn gaunga."
• Gäh schau, dea Pudarant hod scho wieda a Schickfut iwas Glanda bong.

Synonyme

Synonyme vau Pudarant san:

• Casanova, Futkarli, Schiaznjaga, Don Juan, Belami, Gigolo.

Zitat

I bin a Vuaschtodcasanova und des bleib i aa,
da fesche Gustl mid da immahoatn Rearn.
Und wauns es sogts i bin a Futkarli, daun hobts jo Recht.
I bin mid Leib und Söö a echta Puderant.
I reiß a jede auf, de wos bei uns ins Beisl kummt
und noch zwa Schtund hob is im Haustoa zuweglahnt.

aus: Georg Danzer, Vorstadtcasanova

Schau aa

• Kiddlschliafa

Beleg

• Robert Sedlaczek: Wiener Wortgeschichten: Von Pflasterhirschen und Winterschwalben.Haymon Verlag, 2012. ISBN 978-3709970171