Pueblo (Siedlung)

Pueblos san moderne und historische Siedlunga vo Indianan im Sidwestn vo da USA.

Heakumft und Bauweise

Pueblo is a spanisches Woat, des wo ausm Lateinischn vo populos (Leit) kimmt und Doaf bzw. Siedlung moant. De easchtn spanischn Eaobara hom den Begriff gnutzt, um Indianasiedlunga z beschreim, de wo aus Stoana oda Lehmziagl (adobe) fest gmauat san. De Bautn hom in da Regl mearare Stockweak. Pueblos woan vo hundatn bis tausendn Leit bewohnt. Zua Zeit vo da eiropäischn Eaobarung hods no mea wia 100 soichane Deafa gebn, heit san no 19 Pueblos bewohnt.

Des Taos Pueblo is as bekonntaste no bewohnte Pueblo. Es guit ois de äjtaste dauahoft bewohnte Siedlung vo da USA. 1992 hod de UNESCO Taos Pueblo zum Wejdkuituaeabe eakleat.

De eindrucksvoistn Pueblos san in Colorado im Mesa-Verde-Nationalpark. De Pueblos san in Fejsnnischen einebaut und san emfois UNESCO Wejdkuituaeabe. Dea Nationalpark is zum Schutz vo de historischn Indiana-Gebiete eigricht woan. A boa Bautn, wias Spruce Tree House san no gsondat duach de Mesa Verde Wilderness gschitzt, se san fia Bsuacha nimma zuagänglich.

De Pueblos eainnan an den Ksar vo de Berber in da Sahara.^[1]

Beleg

↑ André Maurois: Die Geschichte Amerikas. Rascher, Zürich 1947, S. 25: "In gewissen Gebieten, besonders im Südosten (Arizona und New Mexico) gab es Stämme, die seit vorgeschichtlicher Zeit sesshaft geworden waren und Städte gegründet hatten, die Pueblos, die an die Ksours in der Sahara erinnern."

Im Netz

Pueblo Taos (englisch)

[1] André Maurois: Die Geschichte Amerikas. Rascher, Zürich 1947, S. 25: "In gewissen Gebieten, besonders im Südosten (Arizona und New Mexico) gab es Stämme, die seit vorgeschichtlicher Zeit sesshaft geworden waren und Städte gegründet hatten, die Pueblos, die an die Ksours in der Sahara erinnern."

[1]