Boinaraad

Boinaraad (amtli: Pullenreuth), manche nennas aa Bulnaraad, is a Gmoi im Owerbfälza Landkroas Diascharaad und ghaiad zu da VG Neiasuach.

Woppn	Deitschlandkoatn
	49.91666666666712542
Basisdotn
Bundesland:	Bayern
Regiarungsbeziak:	Obapfoiz
Landkroas:	Tirschenreuth
Vawoitungs­gmoaschoft:	Neusorg
Hechn:	542 m ü. NHN
Flächn:	43,19 km2
Eihwohna:	1652 (31. Dez. 2020)
Bevökarungsdichtn:	38 Einwohner je km2
Postleitzoi:	95704
Voawoi:	09234
Autokennzeichn:	TIR, KEM
Gmoaschlissl:	09 3 77 148
Gmoagliedarung:	35 Oatstei
Address vo da Gmoavawoitung:	Kirchstr. 10 95704 Boinaraad
Webseitn:	www.pullenreuth.de
Buagamoasta:	Hubert Kraus (CSU)
Log vo da Gmoa Boinaraad im Landkroas
Karte

Ortsdaala

Arnoldsreuth Dechantsees Dreihäuser Funkenau Gibitzenhäusl Glasschleif Haid Haidelfurth Harlachberg

Haselbrunn Höll Kautzenhof Kellermühle Klausenhäusel Kreuzweiher Kronau Kunzenlohe Langentheilen

Leimgruben Lochau Mengersreuth Neuhof Neuköslarn Neuweiher Pilgramsreuth Pullenreuth Rehbühl

Rothenfurth Schindellohe Schlag Tannenhäusl Trevesen Trevesenhammer Waldhaus Zottenwies

Geografie

Geografische Log

Boinaraad liegd am Fous vom Staawold und grenzd diaregd ans Fichdlgebiach.

Nachbagmoi

Nachbagmoi san im Uhrzeichersinn Walderschuaf, Aanduaf, Kemmat, Kulma und Neiasuach

Gschichd

As Doaf Boinaraad is as aiaschd Mal 1244 uakundli erwähnd woan, ma gaid owa dafaa aas, dass d'Oadschafd scha mindasdns seid Amfang vom 11. Joahunad gid. Boinaraad beschdaid eichendle aas die Oadsdaala Boinaraad, Mengasraad (Böllanger) und Dechantsees. Dai drei sann owa im Laff vo da Zeid zu oin zammagwachsn. Nou da Gebiedsrefoam vo 1972 houd si as Gmoigebied erhebli vagraissad, waal Oadsdaala wai Lachau, Dreviersn oda Langadaaln dazoukumma sann, dai wou fraias sälwa a eingschdändicha Gmoi woan.

Herkumfd vom Oadsnammer

Die Endsülm -raad kummd vo Rodung. Mengasraad kummd vom Adlsgschlechd vo di Mengasreidda (Mengasraad vo Weinbeach in Frankn), dai homm si 1407 an Grund in Riglasraad kaffd und homm doad a Buach bauad.

Räligion

D'Boinareidda sann zuaran groussn Daal katholisch. Die ejaschd kadolisch' Kiachn is scha im 11. Joahundad gschdandn. 1668 is dann Boinaraad a eingne Pfoarei woan. Die heindiche Kiachn homs dann vo 1749 bis 1751 bauad.

Bolidig

Gemeinderad

Ergebnis vo da Gemeinderadswahl 2014:

• CSU 5 Sitz
• SPD 1 Sitz
• FWG 3 Sitz
• UWG 3 Sitz

Da Buachamoisda hoisd Hubert Kraus.

Wiadschafd und Imfraschdrugdua

Boinaraad woa fraias a Agrargmoi, midlawaaln sann owa nimmer fül Bauan iwri. A Daal vo die Boinareidda oawad in di Bedriebe, wou in da Gmoi aagsiedld sann, da Grousdaal is owa aaswäads beschäfdichd.

In Boinaraad sälwa gids Medall vaoaweidnde Bedriebe und aa Vadredungen vo Kombressafiamen.

Fia d'Kiner gibds an Kinergoadn, den wous surgoua aasbauad hom und a Kinergrippm eigricht hom. A Grundschöll gidds nimma. Dai houd si aids mid die anern Schölln aas da Vawaldungsgemeinschafd zammagschlossn. Die Kiner foan eitz midn Bus aaf Neiasuach oda Iamad.

Vaeinsmäßich is aa ziemli wos lous im Doaf, fia jedn Gschmooch is wos dabaa. Graissare Vaanschdaldungen fina im Feiawea- oda Schidsnheisl schdadd, im Summer aa am Fesdbloods.

Im Netz

• www.pullenreuth.de