Region Doana-Woid

De Region Doana-Woid (amtlich: Planungsregion Donau-Woid) is oane vo insgesamt 18 Planungsregiona vom Freistaat Baiern.

Struktur

De Planungsregion ligt im Ostn Baierns an da Grenz zu Behmen und Obaeastareich. In dem Regionaln Planungsvaband san foigende Körpaschaftn zammgschlossn: De beidn kroasfrein Städt Bassa und Strauwing und de finf Landkroase Degndorf, Freyung-Grofanau, Bassa, Reng und Strauwing-Bong sowia de dazuighearign Landkroasgmoa. In da Region lebn rund 660.000 Eiwohna auf ana Flächn vo 5.690 Quadratmeta. Obazentren vo da Region san Degndorf/Plattling(gemeinsams Obazentrum), Bassa und Strauwing. Zuagherige Mittlbereich san Bod Griasbach im Rotttoi, Bong, Freyung, Grofanau, Pocking/Ruhstorf an da Rott, Reng/Zwiesl, Viechtach und Vilshofa an da Doana.

Gschicht

1972 erfoigte de Eiteilung vom Freistaat Baiern in 18 Planungsregiona auf Grundlag vom Boarischn Landesplanungsgsetz vo 1970. Da Regionale Planungsvaband is 1973 entschdandn. Durch den Foi vom Eisarn Vorhang und de Erweitarung vo da Europäischn Union hot de an da Grenz glengne Region wieda stärkare Bedeitung gwonna. Aktuella Vabandsvorsitznda is Josef Laumer, Landrad vom Landkroas Strauwing-Bong.