Regionoiplanung

**Regionoiplanung**
	Raumordnung auf regionaler Ebene
	Medium hochladen
Untaklassn vo	Raumordnung,; Orwatsgebiit
Is Tei vo	Stadt- und Regionalplanung
Adresse
Original publication
Normdatei
	Q689022; GND-Numma: 4049040-3; LCAuth-Kennung: sh85112367; BNCF-Thesaurus: 13951; P3043:
	Reasonator; PetScan; Scholia; [[Special:Search/haswbstatement:P180=Q689022\|]];

De Regionoiplanung deant ois regionoie Raumoadnung da Konkretisierung, da fachlichn Integration und Umsetzung vo de Zui vo da Raumoadnung in de Regionan. Sie nimmt domit a vamittalnde Stöjllung zwischn gsamtstotlicha Planung (Landesentwicklung und kommunoia Gmoaentwicklung ei. Indem de Regionoiplanung Grundsätz und Zui fia Raumoadnung aafstöjt, azeigt's typischaweis mit Planungsmoßstäb zwischn 1:100.000 und 1:150.000. De Regionoiplanung is de rechtlichn Instrumente vo da Regionoientwicklung zuazumoadnan.

Im Fach Stod- und Regionoiplanung, des diverse Hochschuin ois Studiengang obietn, wern de Inhoite vo beide Fächa zammagfasst, de se ohnehi ibalappn. In da Regionoiplanung werd im Gengsatz zua Stodplanung aa de Entwicklung vo Landgmoa bzw. Deafa und Ländlichn ned vastädtatn Räume/Regionan berücksichtigt.

Eioadnung Werkeln

In Deitschland bsteht ibagoadnat aaf Ebane vom Bund und de Lända de Voagob vo da Raumoadnung, wöjche voawiegand textliche Festsetzunga enthoitn. Aaf Ebane vo de Lända werd de Raumoadnung duach de Landesraumordnungsplän ausfoamuliert. Dorunta findt se de Regionoiplanung, wöjche in de Raumoadnungsplän fia de Teilräume vo de Lända textle und grafisch Planungsvoagobn enthoit. In Eastareich und da Schweiz is de Kompetenz fia de Regionoiplanung aaf de Ebane vo de Lända bzw. Kantone valagat. Untahoib vo da Regionoiplanung is in Deitschland de kommunoie Bauleitplanung ogsiedlt, de in da Foam vo da Flächnnutzungsplanung des Gebiet vo ana Gmoa obdeckt. Ois untaste Ebane vo da räumlichn Planung bsteht de vabindliche Bauleitplanung in Foam vom Bebauungsplan aaf Stodteil- und Quartiersebane. Vagleichbore Regelunga findn se aa in da Schweiz und Eastareich. Grundsätzle soi se de Planung aaf ana Ebene an da Planung vo da ibagoadnetn Ebane orientiern bzw. se aus ihr entwickln. Andaraseits is in Deitschland des "Gegenstromprinzip" vaankat, demzufoig se de Planunga vertikal in olle zwoa Richtunga beeiflussn soin. In jedm Foi san de berechtigtn Intaressn vo de Betroffna zum hean und bei Konfikt gegananda obzumwäng.

Aafgabn Werkeln

De Regionoiplanung hot voa ollm foigande Aafgabn:

Aafstellung und Foatschreibung vom Regionoiplan.
Integration vom Landschoftsrahmaplan fia de Region in den Regionoiplan.
Berotung vo de Träga vo da Bauleitplanung, vo de andan eaffantlichn sowia de sonstinga (privatn) Planungsträga.
Mitwirkung bei da Aafstellung und Foatschreibung vom landesweitn Raumoadnungsplan und vo de fachlichn Entwicklungsplän vom Land.
Mitwirkung be de Fachplanunga vom Land.
Regionoipolitische Initiativna zua Feadarung und Entwicklung vo da Region im Rahma vom Regionoimanagement.
Kooperation mit Träga vo regionoie Gmoaschoftsaafgobn.

A Beispui vo da Aafgab vo da Regionoiplanung is de Ausweisung vo fia Oanzlhandl voagsengne Flächn (zua Obstimmung vo de nochgoadnatn Flächn- und Bebauungsplän) entsprechand de Voagam vo da Landesplanung und vom Zentroi-Oate-System. A Föjn entsprechanda regionoiplanarischa Voagom ko zum unawünschtn Wuidwuchs vo Flächnausweisunga aus kommunoia Ebane fiahn, wia in de erstn Joahr noch da Wiedavaeinigung in de nein Bundeslända zu beobachtn.

Nationois Werkeln

Deitschland Werkeln

Zua Ländaebane schau Landesplanung in Deitschland

Träga vo da Regionoiplanung Werkeln

Ois Träga vo da Regionoiplanung, oiso zua Umsetzung vo dene Aafgabn san in manche Bundeslända spezjöe Keapaschoftn vom eaffantlichn Recht buidt, de je noch Bundesland Regionoivabänd, Regionoie Planungsvabänd, Planungsgmoaschoftn oda Regionan gnennt wern. De Regionoiplanung konn emfois je noch Region undaschiedle bnennt sei, z. B. Regionoia Raumoadnungsplan, Regionoiplan, Ragionois Raumoadnungsprogramm usw.

Gsetzle Grundlog Werkeln

Noch § 13 Abs. 1 Nr. 2 ROG san in de Lända Raumoadnungsplän fia de Teilräum vo de Lända (Regionoiplän) aafzumstöjn. De Regionoiplän san aus dem Raumoadnungsplan fia des Landesgebiet zum entwickln. Dobei san de Stodstaatn Berlin, Bremen und Hambuag sowia des Saarland ausgnomma; sie keannan se de Planungsebane spoint und direkt mit da Flächnnutzungsplanung vaknüpfn.

Regionoiplanung in de Bundeslända vo da Bundesrepublik Deitschland Werkeln

In Bodn-Wiattmbeag san zum 1. Januar 1973 duach des "Zwoate Gsetz zua Vawoitungsrefoam (Regionoivabandsgsetz) vom 26. Juli 1971 (Gbl. S. 336)" insgsamt 12 soichane Regionoivaband eigricht. Da Regionoivaband Mittlara Neckar mit Sitz in Stuttgart hot spada weidagehande Zuaständikeitn ahoitn und is dohea in den Vaband Region Stuttgart ibafiaht worn. De Region hot a direkt vom Voik gwöjte Vatretung ahoitn, de Regionoivasammlung. Zwoa vo de Regionoivabänd san inzwischn iba de Bundesgrenzn vo Bodn-Wiattmbeag naus zuastände. Olle Regionoivabänd vo Badn-Wiattmbeag san im Artikl Regionoivabänd in Bodn-Wiattmbeag bschriem. De Planungsregionan in Baiern san am 1. Aprui 1973 bei da Eiteilung vo Baiern in insgsamt 18 Regionan aaf Grundlog vom Boarischn Landesplanungsgsetz vo 1970 gschaffa worn. Fia jede Planungsregion is a Regionoia Planungsvaband eigricht worn, a Zammaschluss vo de Gmoa und Landkroas vo da Region, dea de Rechtsfoam vo ana Keapaschoft vom Eaffantlichn Recht hot. Des Land Brandnbuag is in 5 Regionoie Planungsgmoaschoftn aafteilt. Es gibt a Gmoasame Landesplanungsobteilung vo de Lända Berlin und Brandnbuag. In Hessn entsprechan de Planungsregionan de drei Regierungsbezirk Kassl (Noad- und Osthessn), Gießn (Mittlhessn) und Darmstod (Südhessn). In Niedasachsn san grundsätzle (Ausnahman: Großraum Braunschwoag, Region Hannova) de Landkroas und kreisfrein Städt de Träga vo da Regionoiplanung. 2014 san in Niedasachsn Regionoibeaaftrogte anannt worn, de fia de Gebiete vo de zwischn 1978 und 2004 bestehandn Regierungsbezirk zuastände san und de bisharign Regierungsvatretunga obleasn. Seit 1992 san fia de Regeionoiplanung in Mecklenbuag-Voapomman foigande vier Planungsregionan entstadn: Westmecklenbuag, Mittlares Mecklenbuag/Rostock, Voapomman und Landkroas Mecklenbuagische Seenplattn. Sie entwickln eigane Regionoie Raumentwicklungsprogramme (RREP) und trong zum Landesraumentwicklungsprogramm (LEP) bei. De Regiopolregion Rostock werd seit 2007 erstmois in Deitschland modellhoft entwicklt, sie is in den Planungsvaband Mittlares Mecklenbuag/Region Rostock eibundn. In Nordrhein-Westfaln is de Regionoiplanung bei de fünf (staatlichn) Bezirksregierunga mit de eahna zuagordnatn Regionoirät (stimmberechtigte Mitglieda wern vo de kreisfrein Städt und Kroas entsandt) ogsiedlt. Fia des Ruhrgebiet is olladings seit Oktoba 2009 da Regionoivaband Ruhr (RVR) (friahra Kommunoivaband KVR) fia de Regionoiplanung zuastände. De Bereich vom Ruhrgebiet san somit in de Regionoiplän dea des Ruhrgebiet betreffandn Bezirksregierunga nimma enthoitn. Im Land Rheinland-Pfoiz existiern Planungsgmoaschoftn fia de vier Planungsregionan: Mittlrhein-Westawoid, Trier, Rheinhessn-Nahe und Westpfoiz. De Aafgabn im Bereich vo da Region Rheinpfoiz san 2006 vom Vaband Region Rhein-Neckar ibanomma worn. De Stod Worms liegt sowoi in da Region Rheinhessn-Nahe ois aa in da Metropolregion Rhein-Neckar. Im Freistoot Freistoot Saxn gibt's seit 1991 fünf Planungsregionan. Fia jede vo dene Planungsregionan in Saxn existiert a gleichnomiga Regionoia Planungsvaband. In de Planungsregionan Westsaxn und Obalausitz-Niedaschlesien wern zuasätzle no Braunkohleplän (fia laafade Tagebaue) und Sanierungsrahmaplän (fia stillglegte Tagebaue) aafgstöjt. Seit August 2008 existiern duach a Fusion infoige vo da sächsischn Kroasreform ledigle no 4 Planungsregionan. Des Land Saxn-Anhoit is in foigande fünf Planungsregionan gliedat: Oidmarkt, Magdebuag, Anhoit-Bittaföjd-Wittnbeag (Dessau, Wittnbeag und Landkroas Anhoit-Bittaföjd, Halle (die Stod Halle, dea Buagnlandkroas, da Saalekroas und da ehemolige Landkroas Mansföjda Land) und Harz (Landkroas Harz und da ehemolige Landkroas Sangerhausn). Fia de Planungsregionan wern unta Beachtung vo ihra Eignoat und ihrar untaschiedlichn Entwicklungsvoaraussetzunga Regionoie Entwicklungsplän aafgstöjt. Im Land Schleswig-Hoistoa aoabat de Landesplanungsbeheade im Gschäftsbreich vom Ministerium fia Innas, ländliche Räume und Integratiion fia seine drei Planungsregionan Regionoiplän. In Thüringen gibt's 4 Planungsregionan (Nord-, Mittl-, Südwest- und Planungsregion Ostthüringen). Fia de stöjt de jeweilige regionoie Planungsgmoaschoft den Regionoiplan - friahare Bezeichnung Regionoie Raumoadnungsplän (RROP) - aaf. De Planungsregion bsteht aus mehrare Landkroas und außa in Nordthüringen jeweis 2 kroasfreie Städt. Koane eigane Planungsregionan gibt's im Saarland und de Stodstaatn Hambuag, Bremen und Berlin, in letztam jedo a gmoasame Landesplanungsobteilung mit Brandbuag.

Eastareich Werkeln

De Bundeslända san in Eastareich fia de ibaeatliche Raumplanung zuastände und oabatn aaf Grundlog vo de jeweilign Landesgsetz Plän und Programm fia des Land oda fia bstimmte Regionan aus. Des werd ois Landes- und Regionoiplanung bzeichnat. De Regionoiplanung werd in Zammaoabat mit de Gmoa und/oda Regionoivabänd duachgfiaht. De Gmoa aoabatn doraaf aafbaud eatliche Raumoadnungskonzepte oda -programme, Flächnwidmungsplän und Bebauungsplän. Zua Obstimmung vo da Gmoaschoftsaafgob Raumplanung is de Eastareichische Raumoadnungskonfarenz (ÖROK) eigricht worn. Zentrois Weakzeig is des Eastareichische Raumentwicklungskonzept (ÖRK, ÖREK), des im Sinn vo ana Empfehlung de Intaressn vo de Gebietskeapaschoftn (Bund, Lända, Städt und Gmoa) und da EU vaeint, und ois Leitbuid a Richtlinie fia mittlfristige Rahmenplanung biet (Neiastellung jeweis im 10-Jahres-Intavoi). De ÖROK betreut aa de ibanationoin Programme, wia Alpine Space, INTERREG-Beteiligung (SOUTH-EAST EUROPE und CADSES), des European Spatial Planning Observation Network (ESPON) oda des europäische Austausch- und Lernprogramm URBACT Institutionan vo de Lända san:

Stabsstöj Raumoadnung und Wohnbaufeadarung, Landesamtsdirektion vo da Burgnländischn Landesregierung
Obteilung 20 - Landesplanung, Oats- und Regionoientwicklung/EU-Programmgschäftsstöj, Amt vo da Kärtna Landesregierung
Obteilung Raumoadnung und Regionoipolitik, Amt vo da NÖ Landesregierung
Direktion fia Landesplanung, wirtschoftliche und ländliche Entwicklung, Amt vo da Oö. Landesregierung
Obteilung Raumplanung, Land Soizbuag - Amt vo da Soizbuaga Landesregierung
Obteilunga A 17 Landes- und Regionoientwicklung und A13 Umwöjt und Raumoadnung, Land Steiamoak - Amt voa da Steiamärkischn Landesregierung
VII Bauwesn und Raumplanung, Amt vo da Voaoalbeaga Landesregierung
Stodentwicklung Wean a Kooparation vo zoireiche Magistratsobteilunga (Gschäftsgruppn - Stodentwicklung, Vakeah...; Magistratsdirektion-Stodbaudirektion, Gruppn Planun; MA 18 Stodentwicklung und Stodplanung; MA 19 Architektua und Stodgstoitung; und andane)

Schweiz Werkeln

De Kompetenz vo da Gsetzgebung liegt ibawiegand bei de Schweiza Kantone, wöjche eahnane Gmoa in da Regl an recht großn Planungsspuiraum ibalassn. De Gsetzgebung ramt de Intressn vom Privateigntum und da Bauwirtschoft an hohn Stellnwert ei.

Berufsvabänd/Intaressnvatretung Werkeln

De Regionoi- und Landesplana san zu am großn Teil in oam vo de Berufsvabänd zammagschlossn: Deitschland:

Vaeinigung fia Stod-, Regionoi- und Landesplanung e. V. (SRL)
Informationskroas fia Raumplanung e. V. (IfR)

In da Schweiz hoasst da Berufsvaband Fachvaband Schweiza Plana (FSU).