S boarische Jouer
| Der Artikl is im Dialekt Westlichs Nordboarisch gschriem worn. |
De semtlinga Monatsnama in haintinga Boarischn ståmma asn Latainisch, dej han min remischn Kalender iwernumma worn. S zwölfmonatiche Mousunnajouer mit 365 Tach is ba de Remer in 7. Jh. v. Chr. agfejert worn. Ejers hout a rains Moujouer goltn ghått, des hout ner 304 Tach und 10 Monat ghått (nu one n Jenner und n Fewer), und hout min Mirz ågfångt ghått.
In Zimbrischn hom'se ålte Monatsnama bis haint ghåltn, lenger wej in Boarischn und in Standarddaitschn.
D Monat af Boarisch
Werkeln| Boarisch | Standarddaitsch | Wou des herkummt |
|---|---|---|
| Jenner, Jänner, Januar; zimbr.: Jènnar | Januar Jänner |
Jänner is in da frejnaihouchdaitschn Zait (durtmols jen(n)er) asn spejtlatainischn Ienuarius entlent worn. Januar is erscht in 18. Jorhundert entlent worn as latainisch (mensis) Januarius, von remischn Got Ianus. Bis durthi hout's Jänner ghoissn, des is ower nou in Daitschlånd vo Nordn her vo Januar vedrengt worn. Jänner is es ainggliche Wort in Boarischn, des wird haintzatoch ower aa in Boarischn in Åltbayern schej stad vo Januar vedrengt. |
| Fewer, Fewarar, Februar | Februar Feber |
Entlent as latainisch (mensis) februarius, ainggle Rainichungmonat, zo latainisch februare (= raining). Da Fewer wor s letzte Monat in åltremischn Kalender. S latainische Wort hout es öltere Hornung vadrengt. Fewer is an öltere boarische Form, dej wou haintzatoch in Boarischn in Åltbayern grejsstntols vaåltet is. |
| zimbr.: Hòrnikh | Frejers in Daitschn Hornung, ålthouchdaitsch hornung, zo horn (= Horn). Da Nåma kannt bezung sa af d Zait, wou d Hirsch eaner Gwai owerfa. | |
| Mirz; zimbr.: Mèertzo | März | Entlent as latainisch (mensem) martium, noun remischn Krejchsgot Mars. Ålthouchdaitsch marzeo, merzo |
| Aprül; zimbr.: Apréllen | April | Entlent as latainisch Aprilis (mensis), wou das's herkummt, is niat klor. S latainische Wort hout es öltere ålthouchdaitsche Wort ōstarmānōd (= Oustermonat) vedrengt. Ålthouchdaitsch aprello |
| Mai, Moa; zimbr.: Mòajo | Mai | Entlent as latainisch (mensis) Maius, noun remischn Got Jupiter Maius, der wou a Wåchstoum bringt. Schou ålthouchdaitsch meio, drum ölter boarisch aa Moa |
| Juni | Juni | Entlent as latainisch (mensis) Iunius, nouch da remischn Gettin Juno |
| zimbr.: Prachot | Naihouchdaitsch Brachet, Brachmonat is es ålte Wort firn Juni, mittlhouchdaitsch brāchōt = d Zait wou'ma d Földer broucht und umåckert | |
| Juli | Juli | Entlent as latainisch (mensis) Iulius, nouch C. Julius Caesar, af dean gejt aa da Julianische Kalender zruck |
| zimbr.: Hubiot | Naihouchdaitsch Heumonat, Heuert is es ålte Wort firn Juli, mittlhouchdaitsch houwot, houwet, höuwet = s Haichat, d Zait wou'ma s Hai arntt | |
| August; zimbr.: Agósten | August | Entlent as latainisch (mensis) Augustus, noun Koiser Octavian sain Bainåma Augustus, ålthouchdaitsch augusto |
| September; zimbr.: Siban-Maanont | September | Entlent as latainisch (mensis) September, vo septem = sime, s sibte Monat in åltremischn Kalenderjouer, wos ar in zimbrischn Wort drinnatsteckt. |
| Oktower; zimbr.: Achte-Maanont | Oktober | Entlent as latainisch (mensis) October, vo octo = åchte, s åchte Monat in åltremischn Kalenderjouer, wos ar in zimbrischn Wort drinnatsteckt |
| November; zimbr.: Naüne-Maanont | November | Entlent as latainisch (mensis) November, vo novem = naine, s nainte Monat in åltremischn Kalenderjouer, wos ar in zimbrischn Wort drinnatsteckt |
| Dezember | Dezember | Entlent as latainisch (mensis) December, vo decem = ziane, s ziante Monat in åltremischn Kalenderjouer; S Wort in ålthouchdaitscher Zait wor heilagmānōd. |
| zimbr.: Bainacht-Maanont | S Wainåchts-Monat |
Quölln, Literatur und Websites
Werkeln- Friedrich Kluge, bearb. v. Elmar Seebold: Etymologisches Wörterbuch der deutschen Sprache/Kluge, Walter de Gruyter, Berlin/New York, 2002, 24. Auflage, ISBN 3110174731
- Ludwig Zehetner: Bairisches Deutsch, Heinrich Hugendubel Verlag/edition vulpes, Kreuzlingen/München/Regensburg, 2005, ISBN 3980702871