Sauwoid

Der Artikl is im Dialekt Ouwaöstaraechisch gschriem worn.

Da Sauwoid (aumtlich: Sauwald) is da greaßte Teil vo da Beamischn Masse in Ouwaöstaraech, wo siidle vo da Doana liegt. Da Plateaurückn ziagt se vo Bossa und Scharing am Inn bis Efading.

Namaheakunft: Bossa Woid

Voiksetymologie werd da Nama ois se vo de (ehemois osässinga) Woidsei obgleit deit, do vamutle riahrt da Ausdruck vo öjtane Naman Bossaa Woid. Des ganze Gebiet war imma in enga Vabindung mit dem Bistum Bossa bzw. da Stod Bossa.

Eadkund

Da Sauwoid valaaft umma 40 km paralloi zum Doanatoi, sei Breitn betrogt 10-20 km, sei Flächn rund 460 km². Des Landschoftsprofui foit noch Noadn hi steil zua Doana ob (Duachbruchstoi Roninga Leitn), in olle andan Richtunga laafan de Hügl a bissl sanfta ins Umland, des ouwaöstaraechische Oipnvoaland, aus. Trotzdem lasst se imma a klare Obgrenzung vo dem Massiv in da Natua ausmachan. Des Mittlgebirg findt sei westliche Foatsetzung im Neibuaga Woid, wo westle vum Inn aaf boarischm Gebiet liegt.