Boarische Wikipedia

Schwarza Reng (Fluss)

Da Scharze Reng is da linke und südeastliche Queifluss vom Reng in da Landkroas Reng (Niedabaiern) und Cham (Obapfoiz) in Baiern. Er entsteat in Zwiesl durch Zammfluss vom Groassn und klona Reng und werd hydrologisch (weng seina Greass) und hydrografisch (weng seina Läng) ois Haupststrang und nur ois Nebnarm vo dem gsamtn Fluss Reng ogsejng.

Eadkund

Werkeln

Valauf

Werkeln

Noch dem Zammfluss seina Quejfliss fliasst da Schwarze Reng Richtung Südwestn und vor da Kreasstod Reng durch den Renga See. Donoch knickt er noch Nordwesten ob valaft bis noch Viechtach durch a oblengne Landschoft, de aafgrund vo ihram Erscheinungsbuild gern ois "Bairisch Kanada" bezeichnet werd. Do ling die beidn Wildwassaoschnitt Bärenloch und Altriegel (Gumpenrieder Schwoi) de bei Kanufahrern sehr beliabt san. Für die zwoa Obschnitt, in dene scho einige zu Tod kema san, is Erfahrung und Wildwassa-Ausrüstung erfordalich, im Bärenloch san Rettungswestn und Heim Pflicht. Noch am Laufobschnitt durch unbesiedlts Gebiet, fliasst er durch Teisnach, wo da gleichnomige Fluss in den Schwarz Reng mündt. Im Oat is de Papierfabrik Teisnach ogsiedelt, de der Fluss mit Wassa fia des Babia vasorgt. Weida untahoi noch Viechtach valaft da Schwarze Reng durch zwoa Stauseen. Er durchfliasst erst den Höllensteinsee, passiert danoch de Regierungsbeziksgrenz vo Niedabaiern zur Obapfoiz und laft anschliessend durch den Blaibacher See. Untahoi davo, zwischen Bad Kötzting und Blaibach vaeinigt er se ois längara (insgsamt 84 km) und wassareichare (20,7 Kubikmeta pro Sekundn) Quejfluss mit dem Weißn Reng (38 Kilometa, 4,5 Kubikmeta pro Sekundn) zum Reng.

Zuiflüss

Werkeln
Voh „https://bar.wikipedia.org/w/index.php?title=Schwarza_Reng_(Fluss)&oldid=764886“