Shaaban Robert
| Der Artikl is im Dialekt Obaboarisch gschriem worn. |
Da Shaaban Robert oda Shaaban bin Robert (boarisch: Shaaban Sohn vom Robert; * 1. Jenna 1909 z Vibamba bei Tanga in Tansania; † 22. Juni 1962 z Tanga, Tansania) wor a tansanischa Lyrika, Autor und Essayist, wo si fia de Dahoidung vo afikanischa Lyrik-Tradion und da Swahili-Sproch eigsetzt hod.[1] Da Robert ois grossa Swahili-Denka und Schriftsteja in Ostafrika, wo aa ois "Poet Laureate vom Swahili" und ois "Voda vom Swahili bezeichnet worn is."[2]
Lebm
WerkelnIwa seine Ejtan und sei friahe Kindheit is nua a weng bekonnt. Es is behaptet worn, dass seine Ejtan vo an Clan vo Yao-Schamanen obstammen, bewiesn is dees owa ned. Da Famliennama Robert is woarscheinlich a Nama, wo sei Voda in da Grundschui griagt hod. Da Shaaban sejm hod si imma ois Swahili-Mo bezeichnet, nia ois Yao. Vo 1922 bis 1926 is aa z Dar es Salaam ind Schui ganga. Ea wor dreimoi vaheirat und hod 10 Kinda ghobt.
Noch da Schui hoda vaschiedane Postn in da britischn Kolonialvawoitung ghobt. Ea hod fia sei literarische Orbat an Wrong Memorial Prize for writing dahoidn und is vo da Britischn Regiarung ois Member of the British Empire (M.B.E.) aaszeichnet worn.[2]
Weak
WerkelnDa Robert hod si fia de Feadarung vo Swahili und fia de Menschnwiade eigsetzt. Ea wor iwazeigta Humanist und hod de domid vabundanen Weate untastitzt: Freiheit, Gleichberechtigung vo de Gschlechta und Religionen sowia Antirassismus. Da easchte President vo Tansania, Julius Nyerere, wor a grossa Bewundara vom Robert und hod sei Weake gfeadat. A boa vo seine Oabatn ghean zum Kanon vo da hehan Swahili-Schuibuidung.
Da Shaaban hod Gedichte, Biographien (u. a. a Autobiographie), Gschichtn und Essays gschriebm. Ea hod aa a Biographie vo da populean sansibarischn Sängarin Siti binti Saad (Siti Dochda vom Saad) vafosst, de weit iwa Ostafrika ausse bekonnt gwen is.
Bibliographie
Werkeln- Robert, Shaaban (trans.): Omar Khayyam Kwa Kiswahili London: Macmillan, 1952, (Swahili Iwasetzung vo da Rubaiyat of Omar Khayyam, Tanga, 1948.)
- Bin Robert, Shaaban: Utubora Mkulima (Diwani Ya Shaaban 8) Nelson, London, 1968
- Robert, Shaaban: Koja La Lugha Oxford Univ, Neirobi, 1969
Literatua
Werkeln- Lyndon Harries: Swahili Poetry. Oxford, 1962
- Jan Knappert: Traditional Swahili Poetry. Mouton, The Hague, 1968
- Edgar C. Polome: Swahili Language Handbook, 1967)
- Wilfred H. Whiteley: Swahili: The Rise of a National Language, 1969
Beleg
Werkeln- ↑ G. D. Killam, Ruth Rowe: The Companion to African Literatures. Indiana University Press 2000, ISBN 0253336333
- ↑ 2,0 2,1 Shaaban Robert. Encyclopedia.com. 2004. Abgerufen am 27. Juni 2008.