Staaföd

Is Staaföd (aumtlich: Steinfeld) is da sidliche Teu vom Weana Beckn im Industrieviadl in Niedaestareich. Staaföd haßts deshoib, weus a Schottaebane is. De Hächn liegt ba 230 bis 370 m ü. A..

De Fischaua Voabeag im Staaföd

De wichtigstn Städd san Weana Neistod und Neinkiachn. Entwässat wiad de Region duach de Schwoaza und de Piesting. Sidlich vom Staaföd liegt de Bucklige Wöd, im Westn de Beag Rax, Schneeberg und Hoche Waund.

Gschicht

De Haad is im 18. Joahundat unta da Kaisarin Maria Theresia mit Schwoazfean aufgfoastet wuan. Damit soit de Vasteppung vo da Laundschoft vahindat wean und de Bevökarung duach de Pecharei a zusätzliche Eaweabsmeglichkeit kriagn.

Wiatschoft und Infrastruktur

Da Bodn im Staaföd is ned bsundas fruchtboa und fian Ockabau wenig geignet. De Region is desweng a traditionös Insdustriegebiet. Und weus a Schodaebane is, gibst aa vü Schodagruam fia de Bauindustrie. Duachs Staaföd fian de wichtigstn Vakeasweg vo Wean iwan Semmaring in Südn.

Im Netz

• AEIOU iwas Staaföd

47.76388888888916.163888888889