Staffeberg (Boarischa Woid)
(Weidagloadt vo Staffelberg (Niederbayern))
| Der Artikl is im Dialekt Niedaboarisch gschriem worn. |
Da Staffeberg (amtli: Staffelberg (Niederbayern)) (793 m) is s Woarzeichn vo Hauzenberg und liegt eppa zwanzg Kilometa aussahoib vo Bassa. S is a markante, pyramidnfeamige Eahebung im sidlichn Boarischn Woid direkt iwa da Stod Hauzenberg, wo zan Landkroas Bassa gheat.
| Staffeberg (Boarischa Woid) Staffelberg (Niederbayern) | ||
|---|---|---|
 Da Staffeberg hinta Hauzenberg | ||
| Häh | 793 m | |
| Log | Bayern | |
| Beag | Boarischa Woid | |
| Geographische Log | 48° 39′ 4″ N, 13° 39′ 5″ O | |
| ||
| Stoana | Gneis | |
Afm Gipfe ham de Hauzenberga an kloan Aussichtstuam baut, wo ma an guadn Ausblick af de Stod und afn Freidnsee hod. Zan Staffeberg affe fian drei Weg, wo recht stei san: vom Freidnsee, vo Germannsdorf und vo Hauzenberg.