Statisches Maument

Es Statische Maument S [cm³] (dt. Statisches Moment) is a Flächnmaument easchta Uadnung, des wos ma fia de Berechnung vo da Schubspaunnung im Queaschnitt brauchd. Es hod aun jeda Stöö van Queaschnitt an aundan Weat, drum muassd das iwaroi extra rechnan, wosd das haum wüsd. Des maximole Statische Maument is af da Häh van Schweapunkt.

Rechteck-Queaschnitt mid da Fläch A und ihm Schweapunktsohstaund z_s

Plottnboikn-Queaschnitt, as maximole S_y is af da Häh van Schweapunkt

Ba Stoiprofüün san de Queaschnittsweate in Taböön auge'm

Ma berechnat se's ois Produkt vo da Flächn und ihm Schweapunktsohstaund.

$S_{y}=\int z_{s}\cdot dA$

$S_{z}=\int y_{s}\cdot dA$

Ba an Rechtecksqueaschnitt kaunst des vaoafochn zua:

$S_{y}=A\cdot z_{s}$

$S_{z}=A\cdot y_{s}$

Waun da Koordinatnuasprung mim Schweapunkt vo da Flächn zaumfoit, nocha is des Statische Maument nui, wäu da Schweapunktsohstaund nui wead und nui moi iagendwos is imma nui.

Rech ma uns des maximole S_y vo dem Plottnboiknqueaschnitt rechts im Büüd aus: mia schneidn af da Häh van Schweapunkt und schaun uns nua den untan oda den oban Täu au (wöchn ma nehman is wuascht, ba beidn kummds söwe ausse). Nehma ihn oban Täu. Des S_y is de easchte Flächn moi deran Schweapunktsohstaund plus de zwoate Flächn moi deran Schweapunktsohstaund.

$S_{y}=A_{1}\cdot z_{s1}+A_{2}\cdot z_{s2}$

Schau aa

• Statik
• Trägheitsmaument
• Widastaundsmaument
• Trägheitsradius