Stiama (Fuassboi)

Der Artikl is im Dialekt Obaboarisch gschriem worn.

Stiama is a Spuiaposizion im Fuassboi und in ondan Moschoftsspoatoartn. Des is koa Funkzion, de wo in de Regln stähd, sondan ghead zua Spuitaktik. A Stiama soi in easchda Linie Tore schiassn. Sei Leistung und sei Weat wead noch da Chancnausnuzung beuateid.

A Stiama schiassd a Tor

Es gibd untaschiedliche Stiamaposiziona:

• Aussnstiama: Des san de Stiama, de wo om linkn bzw. rechtn Rond vo da Spuiflächn iahn Spuischwaapunkt hom.
• Hoibstiama: De Stiama, aa Vabindungsstiama gnennd, gibds nimma; des san heit de offensivn Middlfejdspuia.
• Middlstiama: Da klassische Middlstiama hoidd se in easchda Linie in da Middn vom Spuifejd, voam gengnarischn Tor, af. Heit wead vui flexibla gspuid. De Spitzn spuin ofd in da Hoibposizion, san owa on oin Stiamaposiziona z findn.