Temperatuavalauf

Damitst ihn Temperatuavalauf (dt. Temperaturverlauf) vo an Bautäu zeichnan kaunst, muasst easchta de Schichttemperatuan ausrechna. De Temperatuadifferenz in ana Schicht is proportionäu zan Wärmeduachlosswidastaund vo diesa Schicht. Waun ma de gsaumte Temperatuadiffarenz und den gsaumtn Wärmeduachgaungswidastaund, sowia den Wärmeduachlosswidastaund vo da betrochtetn Schicht kenna, kenn ma se ihn Temperatuaohfoi in dera Schicht ausrechna.

Temperatuavalauf in ana Außnwaund

Berechnung vom Temperatuavalauf vo an konventionöön Woamdachl

De aißarste Schicht is imma da Wärmeüwagaungswidastaund, wäu do geht de Temperatua scho amoi owe. Des is aa da Grund, warum de Waundowaflächn imma kööda is ois wia de Luaft harinnen, wauns draußn kööda is.

$\Delta T={\frac {R}{R_{T}}}\cdot \Delta T_{e-i}$

mit:

• ΔT ... Temperatuadifferenz in da betrochtetn Schicht [K]
• R ... Wärmeduachlosswidastaund bzw. Wärmeüwagaungswidastaund vo diesa Schicht [m²K/W]
• R_T ... Wärmeduachgaungswidastaund vom gsaumtn Bautäu [m²K/W]
• ΔT_e-i ... Temperatuadifferenz zwischn außn und innan [K], ΔT_e-i = |T_e - T_i|
• T_e ... Außntemperatua, [K] oda [°C], z. B. im Winta -12 °C, im Summa 40 °C
• T_i ... Innantemperatua, [K] oda [°C], z. B. 20 °C

De Temperatuadifferenzn wean oafoch vo da Innan- (oda Außn-) temperatua ohzogn (bzw. dazuazöht), so kriagst de Temperatua vo de oanzlnan Schichtgrenzn. Da Temperatuavalauf innahoib vo ana homogenan Schicht eafuigt linear, des haßt, mia kennans oafoch mit ana Grodn vabindn.

$T_{j}=T_{i}-\sum _{i}^{j}\Delta T$

mit:

• T_j ... Temperatua aun da Schichtgrenzn j, [K] oda [°C]
• T_i ... Innantemperatua, [K] oda [°C]
• Σ_ijΔT ... Summe vo de Temperaturdifferenzn vo oin Schichtn zwischn innan und da betrochtetn Schicht j, [K] oda [°C]

Schau aa

• Wärme und Feichtn
• Wärme
• Wärmeduachgaungskoeffizient