Da Uli-Hoeneß-Cup is a Gscheng vom FC Bayern zum Uli sein 60. Geburtsdoog. Ausgschpuid wead a (s easchde Moi) am 24. Juli 2013 in da Mingara Allianz Arena, obwoi an Uli sei 60. Geburtsdoog schoo am 5. Jenna 2012 war. Da Uli is doo schoo oanasechzgahoib Joar oid. Oiss, wos be dem Gschpui einagähd, wead fia guade Zweck gschpent. Schpuin duad da FC Bayern Minga geng an FC Barcelona. Dea hood domois nemle ais beste Mannschaft vo da ganzn Woid guitn.

S Gschpui war fias Easchte variabl oogsetzt, 18:30 Uhr oder 20:30 Uhr, um da Frauen-EM 2013 am gleichn Doog ausweicha z kina. Wa doo s Hoibfinale Deitschland geng Schwedn um 20:30 war, is dann da Uli-Hoeneß-Cup um 18:30 oogsetzt won. Freile war d Allianz Arena mid 71.000 Zuaschaua ausvokaft.[1] Sky und ZDF hamd s Gschpui live im Feansäa heazwoagt. Barcelona is a bissl spääda kema, wa s Probleme mim Vokehr ghooad hamd, und desweng hood s Gschpui mit uma 18 Minutn Voschpäädung oogfangd, aisa um 18:48 Uhr. Gwunga hood Bayern 2:0. S Oas-null hood da Philipp Lahm a da 15. Minuddn kepfed; dees war sei easchts Kopfboi-Tor fian FC Bayern. S Zwoa-null hood da Mario Mandžukić (87.) gschossn.[2]

Iwablick in Taboin-Form Werkeln

Es wead a Taboin ooglegt, wa mia hoffand, dass da Uli no mehra runde Geburtsdoog feiad, da Uli-Hoeneß-Cup aisa noo äfda ausdrong wead.

Joar Datum Uhrzeit Siega Voliara Ergebnis
2013 24. Juli 18:30 Uhr FC Bayern Minga FC Barcelona 2:0

Ehnlehe Wettkempf vo Bayern Minga Werkeln

Da Uli-Hoeneß-Cup is im Prinzip s Gleiche wia da Franz-Beckenbauer-Pokal, hoaßt grood andascht. De zwee Pokale weand, genauso wia da Audi Cup, bevor d neie Saison oogähd, ausgschpuid. Bem Audi Cup weand awa drei grouße Mannschaftn eigloond.

Beleg Werkeln

  1. Uli Hoeneß Cup ausverkauft Bericht auf fcbayern.telekom.de
  2. Lahm beschert den Bayern den Uli Hoeneß Cup Schpuibericht im Kicker