Val Veny
Koordinaten: 45° 48′ N, 6° 55′ O
Des Val Veny (aa: Val Vény) is a Oipntoi in da italienischn Region Aostatoi. Es liegt sidwestli vo Courmayeur.
Geografie Werkeln
Des Val Veny begrenzt de estliche Mont-Blanc-Gruppn noch Sidn. Es werd vom italienisch-franzesischn Grenzkomm um bis zu 2500 Meta iwarogt. Noch Sidn (orografisch rechts) eahem se somftare teis bewoidte Häng. Sein Ursprung nimmt des Val Veny untahoib vom Col de la Seigne (2512 m), iwa den de italienisch-franzesische Grenz valafft. Es hod a Läng vo uma ejf Kilometa und endt bei Entrèves, zwoa Kilometa neadli vo Courmayeur.
Ds Trogtoi is moßgebli vo de Gletscha Ghiacciaio del Miage und Ghiacciaio del Brenva gfoamt worn. Des Toi untaliegt aa jetzt no stoakn Vaänderunga.[1]
De Geografie vom Toi is grob dreiteit:
- Vom Talschluss beim Col de la Seigne bis zum Miagegletscha valafft des Toi parallej zum Mont-Blanc Massiv.
- De Ebene Plan Vény: da Toibodn is mid Flussschotta afgefuijt und teiweis vasumpft.
- Ds Toiend werd vom Mont Blanc dominiat und is vom Brenva-Gletscha gfoamt worn.
Im Val Veny fliaßt da Boch Dora di Veny, dea im Wesntlichn om Ghiacciaio del Miage sein Ursprung nimmt und vo weitan Gletschan in de Sidhäng vo da Mont-Blanc-Gruppn gspeist werd. Bei Entrèves vaeinigt se de Dora di Veny mid da Dora di Ferret aus'm Val Ferret zua Dora Baltea.
In da noadestlichn Valängarung vom Toi befindt se znächst des italienische Val Ferret sowia jenseits vom Oipnhaptkomm ob'm Col du Ferret in da Schweiz des gleichnomige Val Ferret, des aa am Fuaß vom Montblanc-Massiv liegt.
Alpinismus Werkeln
Des Val Veny is Ausgongspunkt vom italienischn Noamoiweg af'n Mont Blanc. Da Weg fiaht iwa'n Miage-Gletscha zum Rifugio Francesco Gonella.
Tourismus Werkeln
Des Val Veny is Ausgongspunkt vo de Zuastiege zoireicha Beaghittn und Biwakschochtln:
- Rifugio Monte Bianco - 1700 m
- Rifugio Maison Vieille - 1956 m
- Rifugio Elisabetta Soldini Montanaro - 2195 m
- Rifugio Franco Monzino - 2590 m
- Rifugio Francesco Gonella - 3071 m
- Rifugio Durier - 3358 m
- Rifugio Quintino Sella - 3363 m
- Bivacco Lorenzo Borelli - Carlo Pivano - 2310 m
- Bivacco Adolfo Hess - 2958 m
- Bivacco Gino Rainetto - 3047 m
- Bivacco della Brenva - 3060 m
- Bivacco Piero Craveri - 3490 m
- Bivacco Alberico - Borgna alla Fourche - 3680 m
- Bivacco Marco Crippa - 3850 m
- Bivacco Giuseppe Lampugnani - 3860 m
Weitahi fiaht da haifig begongane Feanwondaweg Tour du Mont-Blanc duachs Toi.
Beleg Werkeln
- ↑ Giovanni Vezzoli: Erosion in the Western Alps (Dora Baltea Basin). In: Sedimentary Geology. 171, Nr. 1-4, 10 2004, S. 247–259, doi:10.1016/j.sedgeo.2004.05.018.
Im Netz Werkeln
Commons: Täla vo da Region Aostatal – Sammlung vo Buidl, Videos und Audiodateien