Valle del Gran San Bernardo
Koordinaten: 45° 47′ N, 7° 18′ O
Des Valle del Gran San Bernardo (franzesisch: Vallée du Grand-Saint-Bernard) is a Seitntoi vom Aostatoi.
Geografie Werkeln
Des Valle del Gran San Bernardo valafft vo Aosta in noadwestlicha Richtung bis zum Groußn Sankt Bernhard Poss.
A Seitntoi vom Valle del Gran San Bernardo is des Valpelline. Es zweigt bei Gignod in noadestlicha Richtung ob und eastreckt se bis zum Stausee Lago di Place Moulin.
De wichtigstn Wosserlaif san: Da Altanavaz, dea in da Gengd vom Groußn Sankt Bernhard Poss entspringt und da Le Buthier di Valpeline ausm Valpelline. Se fliaßn bei Gignod zamm und buidn an Buthier, dea in Aosta in de Dora Baltea fliaßt.
De Gmoana im Valle del Gran San Bernardo vo Aosta san: Gignod, Allein, Étroubles, Saint-Oyen, und Saint-Rhémy-en-Bosses.
De Gmoana im Valpelline Seitntoi vo Gignod san: Doues, Valpelline, Oyace und Bionaz.
Noad-Sid Vabindung Werkeln
Duachs Valle del Gran San Bernardo valafft de Eiropastroß 27. Se is de Vabindung vom Aostatoi duachn 5,82 km longa Tunnel du Grand-Saint-Bernard ins Schweiza Rhonetoi.
Scho im Remischn Reich is duachs Toi de Stroß zum Groußn Sankt Bernhard Poss valaffa. Spada woar de Stroß Tei vom Via Francigena Pijgaweg noch Rom.