De Via Labicana (heitiga Nam: Via Casilina) is a antike remische Stroß in Italien. Se hod ost-sidistli vo Rom ogfongd und hod de Haptstod mid Tusculum und'm namgemdn Ort Labici vabundn.

Ofong vo da Via Labicana im Ostn vo Rom

Van Zentrum aus hod de Stroß duach de no exisdiande Porta Esquilina in da Servianischn Maua aus da Kinizeid gfiahd und de Stod on da Porta Praenestina (heit: Porta Maggiore) valossn.[1]

In ana on deara Stroß glengne Villa vo da Livia Drusilla is 1910 a Statue van Augustus ois Pontifex Maximus afgfundn worn, de namasgmd fia a Gruppe vagleichboara Statuen worn is (Via-Labicana-Tipp). Heit bfindd se de Statue im Palazzo Massimo alle Terme im Remischn Nationalmuseum.

Om driddn Meijnstoa vo deara Stroß is unta Konstantin a Basilika mid ogrenzndn Mausoleum fia sei Muada, de heilige Helena, earichdd worn. Duat bfindd se aa de Katakombe vo de Heiling Marcellinus und Petrus.

Om fimfdn Meijnstoa is Koasa Didius Julianus noch seina Hihrichtung 193 bostattd worn.

Im NetzBearbeiten

  Commons: Via Labicana – Sammlung vo Buidl, Videos und Audiodateien

BelegBearbeiten

  1. Johann Heinrich Westphal - 1829 - Die römische Kampagne - Seite 95 - Google Books-Ergebnisseite: [1]