32 heb auf

Der Artikl is im Dialekt Westmiddlboarisch (Bayern) gschriem worn.

Zwoaradreißg heb auf oda Zwoaradreißg glaub auf is eher a Gspass ois wia a Kartenspui und wead meistns gmacht um oan zum ärgan.

Spuiablauf

Zeascht fragt ma den, der wo die Kartn aufglaum soi, ob er a Rundn 32 heb auf spuin wui. Wenn a den Trick no net kennt und fragt, wos des is, na sagt ma, dass des ganz oafach is und er amoi ofanga soi.Meischdns sagt er na ja, dann schmeißt ma a Backerl Kartn (oft Schofkopfkarten mit 32 Stuck) aufn Bon und sagt, dass ers aufhem soi. Guade Leid macha des na o. Wennas aber scho kennt hat ma vaspuit.

Variantn

A Variantn is 36 heb auf. Des is as gleiche wia 32 heb auf, bloß dass do die Sechser o no dabei san.

Obacht

Obacht gem muas ma aber, wenn der die Kartn na ned aufhem wui und vaschwindt, weil mas na soiwa aufglaum ko.

Schau aa

• Zwigga