Absolut Vodka
| Der Artikl is im Dialekt Klassisches Boarisch gschriem worn. |
Absolut Vodka is a Wodka, wo z Åhus in Schwedn seit 1879 produziat wead. Ea guit ois wejdweit fiarande Wodka-Markn. Da Wodka wead aus Woaz und Wossa aus oana oagnan Quejn heagstejt.
Absolut Vodka is aa duach a spezieje Floschnform bekonnt und zua Markn worn. De Form dainnad an schwedische Apotheknfloschn.
Ausgangspunkt vo Absolut Vodka wor de Eafindung vo da fraktioniatn Destillation vom schwedischn Untanehma Lars Olsson Smith. Damit hod a bsondas reina Oikohoi vo hoha Qualitet heagstejt wean kena. Sein Wodka hod a nacha Absolut Renat Brännvin (absolut reina Bronntwein) gnennt. Absolut hoda oschliassend glei ois Woarnzeichn eitrogn lossn.