Der Bulle von Tölz: Klassentreffen

Der Artikl is im Dialekt Obaboarisch gschriem worn.

Foig der Serie Der Bulle von Tölz
Originaltitl	Klassentreffen
Produktionsland	Deitschland
Originalsproch	Deitsch/Boarisch
Läng	90 Minutn
Oitasfreigob	FSK 6
Einordnung	Staffel 9, Foig 6 43. Foig insgesamt
Easchdausstrohlung	8. Oktoba 2003 auf Sat.1
Stab
Regie	Wolfgang F. Henschel
Drahbuach	Doris Jahn
Produktion	Ernst von Theumer junior
Musi	Uli Kümpfel
Kamera	Thomas Schwan
Schnitt	Michael Breining
Bsetzung
Ottfried Fischer: Hauptkommissar Benno Berghammer Katerina Jacob: Hauptkommissarin Sabrina Lorenz Ruth Drexel: Resi Berghammer Michael Lerchenberg: Prälat Hinter Udo Thomer: Polizist Anton Pfeiffer Maria Sebaldt: Margarethe Oberklammer Michael Brandner: Wolfgang Oberklammer Wolfgang Hinze: Max Mayer Brigitte Antonius: Elfie Reichinger Hilde Sochor: Rosemarie Assanger Christine Ostermayer: Klara Enzi Fuchs: Hilda Bacher Ursula Dirichs: Lotte Gusenbauer Norbert Heckner: Gerichtsmediziner Dr. Robert Sprung

Klassentreffen is a deitscha Feansehfuim van Wolfgang F. Henschel ausm Joar 2003 noch on Drahbuach vo da Doris Jahn. Es ist die 43. Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 8. Oktoba 2003 af Sat.1 ausgstroit worn.

Handlung

D’Resi Berghammer organisiat a Klassntreffa im Pfoarrhaus van Prälatn Hinter. Dort kochan de oidn Konflikt unta de Weiba wieda af. De vahosste Margarethe Oberklammer valosst ois Easchte de Vaonstoitung und losst si van Prälatn ins Hotej kutschian. Dort weads am nächstn Morgn tod in da Bodwonna gfundn. Da Grichtsmedizina Dr. Sprung stejd fest, doss as Opfa a Schlofmittl zammad mid Alkohoi eignumma hod. Des woar zwoar scho lemsbedrohlich, oba ned fian Tod vaontwortlich; de Oberklammerin is datrunga. Da Dr. Sprung hod zwoar koane Spuan vo Gewoitowendung ned gfundn, oba bei iam Zuastond häd aa ra Kind de Frau untataucha kinna; oiso kannt aa ebba nochghoifa hom. Wei as Schmuckkastl vo da Todn laar is, eamittln de Kriminala in Richtung Raubmoard.

Ois Täta kemman olle Weiba van Klassntreffa in Frog, oba raa da 50-jährige Sohn van Opfa, da Wolfgang Oberklammer, und da Hotejgost Max Mayer, dea wo seit Wocha oschreim losst und bei guad situiate Weiba sei Glick vasuacht. Aa da Prälat Hinter foid duach sei sejtsams Vahoidn af. Des liegt oba mehra dro, doss da Wolfgang Oberklammer eam on Briaf zoagt hod, in dem wo sei Voda, da gstorbne Oidbuagamoasta Gustav Hinter, an Wolfgang wissen losst, doss ea sei Voda is. Drum siagt da Prälat as Odenkn vo sein Voda in Dreck zong, wonn des effentlich wead.

Da Kommissar Berghammer schmeißt de Teinehmarinna van Klassntreffa, de wo in da „Pension Resi“ eiquartiat san, naus. Aft ziagt sei Muada mid ian ehemolign Schuikameradinna in a Jugendherberge um.

In ara Vanehmung gibt de Rosemarie Assanger zua, doss se af on Vorschlog vo da Elfie Reichinger da Oberklammerin a Praline untagschom hod, de wo mid on Schlofmittl vasetzt woar, dmids miad wead und de Feia vorzeiti valosst.

Di scho a weng demente Klara findt im Kostn vo da Oidnpflegarin Hilda Bacher a Hoiskettn, de wo an Opfa ghead hod. Wia d’Resi Berghammer ia an Schmuck obnehma und zua Polizei bringa wui, weaht si de Klara, und de Kettn reißt. In dem Moment taucht da Benno Berghammer af und losst as gonze Gschwerl van Polizistn Pfeiffer festnehma.

Wia de Kriminala Berghammer und Lorenz vo da Hilda Bacher eafoarn, doss se an Max Mayer gseng hod, wia dea a Hondtiachl entsorgt hod, in dem wo de Hoiskettn van Opfa woar, gibt dea zua, doss ea ins Zimma vo da Margarethe Oberklammer eidrunga is und de Kettn gstoin hod; mitm Moard wui ea oba nix z doa hom. Wia ra s Zimma valossn hod, is ea im Stiagnhaus mid ara ejdan Frau zammgstessn, de wo ea bstimmt wieda eakenna dadad. Bei da Vanehmung bricht da Max Mayer zamm und wead ins Kranknhaus brocht, weis a Heazinfarkt sei kannt, oba da Vadocht bstätigt si ned, und ea wead wida entlossn. Wia da Mayer zuafälli de Frau entdeckt, de wo eam im Hotej begegnt woar, bricht ea wieda zamm – desmoi stiabt ea, wei de betreffade Frau, de Hilda Bacher, eam fia on Simulantn hoid. Wia da Druck vo de Kriminala greßa wead, vazejhd se, doss da Gustav Hinter ia on Briaf fian Wolfgang Oberklammer ibagem hod. Se hod an Briaf vorm Obschicka glesn und an woahran Grund fias Plotzen vo iara Valobung vor 50 Joar außagfundn. Wias de Oberklammerin zua Red gstejd hod, is de ungriahd in d’Bodwonna gstieng und hod se ausglocht und gsogt, doss se hoid on Zohlungskräftign Voda fia ihr Kind braucht hod, oiso hods ian Valobtn kuazahond vafiahd. Se soi si ned so ostejn und ia liaba an Ruckn schrubba. Des hod s Fassl zun Ibalaffa brocht und de Hilda Bacher hod de Margarethe Oberklammer vor Wuat untataucht, bis de si neamma griahd hod. Se sogt, doss’s koa Obsicht woar, doss de Oberklammerin stiabt, oba berein duads nix; nua fian oidn Mo duads ia load.

Hintagrund

Gfuimt worn is unta ondam im Franziskanaklosta z Däiz; ois Schaublotz fia de „Pension Resi“ homs as Hollerhaus Irschnhausn heagnumma.

Kritik

De Programmzeitschrift TV Spielfilm schreibt: „Ein Bulle unter Glucken, zum Gackern komisch.“

Außadem

De Doarstejarinna vo de Teinehmarinna van Klassntreffa deckn in da Realität a Oidasspann vo iba zehn Joar ob. D’Enzi Fuchs ois Hilda Bacher is de Jingste (Joargang 1937, oiso zua Zeit vo de Drahorbatn fia de Foig 66 Joar oid), d’Hilde Sochor ois Rosemarie Assanger de Ejdeste (Joargang 1924, 79 Joar).

Im Netz

• Klassentreffen in der Internet Movie Database (englisch)Vorlage:IMDb/Wartung/Gleicher IMDb-Kenner in Wikipedia und Wikidata
• Klassentreffen bei Fernsehserien.de

Beleg

Vorherige Foig 2. Aprui 2003: Berliner Luft

Episodnlistn

Nächste Foig 15. Oktoba 2003: Strahlende Schönheit