Der Bulle von Tölz: Leiche dringend gesucht
| Der Artikl is im Dialekt Obaboarisch gschriem worn. |
| Foig der Serie Der Bulle von Tölz | |
|---|---|
| Originaltitl | Leiche dringend gesucht |
| Produktionsland | Deitschland |
| Originalsproch | Deitsch/Boarisch |
| Läng | 95 Minutn |
| Oitasfreigob | FSK 6 |
| Einordnung | Staffel 2, Foig 7 11. Foig insgesamt |
| Easchdausstrohlung | 23. Meaz 1997 auf Sat.1 |
| Stab | |
| Regie | Walter Bannert |
| Drahbuach | Franz-Xaver Wendleder |
| Produktion | Ernst von Theumer junior |
| Musi | Kristian Schultze |
| Kamera | Hanuš Polak |
| Schnitt | Ingrid Träutlein-Peer |
| Bsetzung | |
| |
Leiche dringend gesucht is a deitscha Feansehfuim van Walter Bannert ausm Joar 1997 noch on Drahbuach van Franz-Xaver Wendleder. Es is de ejfte Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 23. Meaz 1997 af Sat.1 ausgstroit worn.
Handlung
WerkelnDa Buchhalta Peter Köstner wead vor seina Wohnung vo an gstoinan Mercedes ogfoarn und stiabt. De Kriminala Benno Berghammer und Sabrina Lorenz stejn fest, doss de Wohnung van Opfa duachsuacht worn is. Sei Lemsgfährtin Gitti sogt aus, doss am nächstn Dog mid eam ind Karibik roasn woit. Ban Gepäck taucht a Koffa mid oana Million Mark Foischgejd af, oba de Gitti hod koa Eaklearung dafia.
De weidan Eamittlungan eagem, doss da Köstner am Vordog ban Bauuntanehma Richard Budera sein letztn Orbatsdog ghobt hod, und doss ea sein Orbatgeba und drei ondane Bauuntanehma eapresst hod, de wo si duach illegale Preisobsprochn finanzielle Vortei vaschofft hom, drunta da Buagamoasta Franz Wegener. Wei da Richard Budera pleite is, hod ea sein Otei am Schweigegejd ned beigsteiat, sondan de 750.000 Mark vo de ondan Bauuntanehma eigstrichn und duach oa Million Mark Foischgejd easetzt. Wia da Berghammer und de Lorenz eam vahoftn woin, is da Budera vaschwundn. Sei Frau Julia mocht si große Sorgn und bitt an Berghammer um Huif. An Richard Budera sei Auto wead in da Näh vo da Wohnung vo seina Sekretärin Ilona Meckle gfundn; mid dera hod ea a gschlampads Vahäitnis ghobt. Wei in sein Büro mehrane Ogfongne Briaf gfundn wean, wo z lesn is, doss ea mid ia Schluss mocha woit, grot de Meckle unta Vadocht, doss mid sein Vaschwindn wos z doa hod.
Wia da Benno Berghammer in da Garage vo de Budera de echtn 750.000 Mark findt, is kloar, doss da Bauuntanehma ned freiwilli obtaucht is, wei aa koane peasenlichn Sochan fejn. Drum wead ob sofort sei Leich gsuacht.
De Spuansicharung findt Bluadspuan van Budera im Koffaraum vo da Ilona Meckle ian Auto, außadem a Quittung vo da Müllvabrennungsanlog, de wo ois Datum an Dog noch an Budera sein Vaschwindn trogt. De Meckle wead festgnumma; se streit oba ois ob.
De Muada van Benno, d’Resi Berghammer, trifft in an Café zuafälli d’Julia Budera. Vo dera eafoarts, doss ia Mo a Lemsvasicharung vo iba fünf Millionan Mark obgschlossn hod, de wo oba bloß auszoid wean, wonn ea fia tod eakleart wead. De Kommissar san jetzad sicha, doss de Budera unta oana Deckn steckn und da Ilona Meckle de „Beweis“ untagschom hom. Laut Hausmoastarin is de Frau Budera zun Flughafn gfoarn, wo oba koa Ticket af ian Naman ned vorliegt. Da Benno Berghammer eainnad si dro, doss da Richard Budera eam vazejd hod, doss ea grod an Pilotnschein mocht. De Kriminala kennan an Start grod noh vahindan und nehman an Richard Budera wegan Moard und Vorteischn vo ana Stroftat fest, sei Frau wega Beihuif.
Da Buagamoasta Wegener kimmt ohne Strof davo, wei ea uneigschränkt mid Polizei und Stootsanwoitschoft zammgorbat hod, aa wead sei Otei am Schweigegejd ned eizong. Da Kommissar Berghammer ko eam ibazeing, dos as Gejd ban Eishockey-Nochwuchs guad oglegt is.
Hintagrund
WerkelnGfuimt worn is haptsächli z Däiz;[1] ois Schaublotz fia de „Pension Resi“ homs as Hollerhaus Irschnhausn heagnumma.
Im Netz
Werkeln- Leiche dringend gesucht in der Internet Movie Database (englisch)
- Leiche dringend gesucht bei Fernsehserien.de
Beleg
Werkeln- ↑ Leiche dringend gesucht – derbullevontoelz.de (Memento vom 29. Aprü 2016 im Internet Archive)
| Vorherige Foig 2. Meaz 1997: Waidmanns Zank |
Episodnlistn | Nächste Foig 13. Aprui 1997: Eine Hand wäscht die andere |