Des schåffs´d nia!
Des schåffs´d nia! (DSDN) (deitsch Das schaffst du nie!) is a deitscha YouTube-Kanoi, dea im Mai 2017 gründt woan is.[1] Dea Kanoi ghead zum BR-Jugendsenda Puls und zum Medienaungebot Funk.[2] Ois Moderatoren tretn im Jugendformat Sebastian Meinberg, Ariane Alter und Marc Seibold auf.[3] Turnusgemäß gibts jedn Dunnaståg um 15 Uhr a neiche Foing.[4]
Konzept
WerkelnDa Redakteur Marc Seibold vagibt vaschiedne Aufgom. Dé Aufgom san beispüsweise 1000 Báám in 24 Stund im Rengwoid pflaunzn, 24 Stund aufm Radl foann oda a Fluagzeig laundn.[5]
Waun Ariane oda Sebastian dé Aufgåb gwinnan, deafns Marc stråfn. Wauns sé valian, weans vau Marc gstråft.[6]
Im Rauhma vaum großen Challengemonat 2021 sans davau augwichn. Do san dé Ari und Meini ois Team bei dé Aufgom autretn, wobei sé Ari und Meini nåch jeda Aufgob åbwechsln. Wer z´east as Best of 5 gwunna hod, hod den aundan in a XXL-Stråf stråfn deafn.[7]
Aufång 2022 is as Konzept in „Best of Five“ gändat woan. Maximal fünf Aufgom woan hintaranaund. Waun Ariane und Sebastian z´east drei Aufgom gwunna haum, erfoigt a Stråf fian Marc, gewinnd er z´east drei Aufgom, hod er dé zwa stråfn deafn.[8]
Gschicht
WerkelnDé Gschicht vaum iatzigen Format gehd aufn Aufång vau Puls z´ruck. Ursprünglich woar dé Idee, dass Sebastian Meinberg und Vivian Perkovic jöweis desöwe Herausforderung getrennt vonanaund mochn miasn. Nåchdem Perkovic Puls valossn hod, is Ariane Alter nåchgruckd.[9]
Aus dé losn einzelna Aufgom is laungsaum a regelmäßigs Format wuan. Es is vau 2014 bis 2017 aufm Jugendnetzwerk vaum Boarischn Rundfunk ghostet woan.
Ungfähr 3 Joar späda, am 23. Mai 2017, is da eigene Kanoi fia Des schåffs´d nia! aufgmochd woan und ghead seitdem gleichzeitig zum Medienangebot funk.
Wödrekord
WerkelnIm November 2019 hod Das schaffst du nie! mid ana 72-stündigen Live-Moderation a Guinness-Wödrekord fa Dé längste Marathon-Talkshow (Team) aufgstöhd.[10] Passend zur ARD-Themenwoche "Zukunft Bildung"[11] hod sé in da Talkshow ois um wissnschåtliche, politische und Alltagsthemen draht.[12] Da Rekord is vau ARD-alpha live im Fernsehen auf dé YouTube-Kanäle vau Des schåffs´d nia! und ARD-alpha üwatrong woan. Á im Hauptprogramm vaum Eastn und vaum Boarischn Rundfunk san Ausschnitt aus da Moderation live üwatrong woan.[13] Fiann Wödrekord is a einzigartiges Upcycling-Bett augfertigt woan, wos im Nåchhinein af United Charity ersteigan hod kina, der Erlös is andn Verein Sternstunden gaunga.[14] Ariane und Sebastian haum an Redakteur Marc Seibold ois Stråf 72 Sozialstundn gehm. Dé woar aufteilt in: Fluss saubamochn, Hüf bei da Tafel, Måch’n Tiastoi sauba und vü mehr.
Gelöschte Videos
WerkelnÁ dé Aufgåb Werde Karatemeister is auf privat gstöht woan, weis Kritik aufgrund vau da Verwendung vau asiatischen Stereotypen aus da Community gehm hod.[15]
Populäre Aufgom (Auswahl)
WerkelnDea Kanoi hod vü Videos rausbråchd, dé mehr ois a Müllion Aufruaf erzühd hod. Im Foigendn wean einige Beispüle gnaunnt:
- 24 Stund Radl foan: Ariane hod dé Aufgob ghobd, 24 Stund am Stück aufm Radl zum foan. Da Vaaunnstoitungsort woar a präparierte Gokart-Hoin. Wia in einigen aundare 24-Stundn-Aufgom hods a wieda klane Pausn gehm. Um dé Aufgåb spaunnenda z´mochn, san Menschn und as hoarige Einhorn eigsetzt woan, dé dé Ari tratzt haum.[16]
- 24 Stund im Whirlpool: Meinberg hod in dera Aufgob 24 Stunden am Stück im Whirlpool vabringa miasn, wobei kane Pausn erlaubt woan. Um a bissl Spannung in dé Aufgåb zum bringa, haum dé 60ga sowia as haarige Einhorn an Auftritt ghobd.[17]
- Italien-Roadtrip mid Schrottauto: In dera Aufgob aus 2018 soi da Meinberg mid ana Kraxn vau Münchn zum Gardasee foan. Dé Foahrt muas er bis zum Sonnenuntergang gmeistat haum. Störelemente san a voia Kofferraum, um an Kråftstoffvabrauch zum erhähn, wenig Göd fia Mautgebühren und Kråftstoff. Gega Énd vau da Reisn, ois dé Zeit knåpp woan is, is a Rafn zastochn woan, dea austauscht wean hod miasn. Zuaschaua haum as Auto gwinna kinna.[18]
- Durchquere die Wüstn in 24 Stund: Dé Herausforderung woar im marokkanischen Teil vau da Sahara. Ari und Meini haum innahoib vau 24 Stund a Stréckn in da Wüstn zrückleng miasn. Am Aufång haums an Teil vau da Wüst z´Fuaß bschreitn miasn. Aundare Bstaundteile vau da Aufgob woan as Foahn, Üwanåchtn und dé Entnauhme vau am Zettl aus ana Kistn, in dea Kobras woan. Ois Hüfsmittel haums a GPS-Gerät ghobd.[19]
Trivia
Werkeln- In einigen Aufgom låssn sé vaanzlt Musiksequenzen ausm The-Legend-of-Zelda-Franchise ois Hintagrundmusé findn. So kau ma in Erkenns´d ålle Såchn midm Flughåfnscanner? Epona's Song aus Ocarina of Time[20] und in da Stråf Nåchts ausgsetzt im Woid Field (Night) aus Breath of the Wild[21] hean. In da Herausforderung Find Goid im Fluss nimmd ma sogoa zwa Sequenzen woahr und zowar a Åbwaundlung vau Song of Storms aus Ocarina of Time[22] und a Sequenz ausm offiziön Trailer vau Breath of the Wild.[23][24]
Verweise
WerkelnEinzelnachweise
Werkeln- ↑ Funk: „Das schaffst du nie!“ ab heute auf Youtube. digitalfernsehen.de, 22. Juni 2017, abgerufen am 19. Februar 2021.
- ↑ Schlag ein Wunderkind beim Go-Kart! In: Bayern 3. Bayerischer Rundfunk, 19. Juli 2017, abgerufen am 26. Februar 2021.
- ↑ Das schaffst du nie! In: Funk. ARD und ZDF, abgerufen am 19. Februar 2021.
- ↑ Das schaffst du nie! - YouTube. Abgerufen am 22. September 2021.
- ↑ Kurt Sagat: 72-Stunden Dauertalk geplant. In: Der Tagesspiegel. 12. November 2019, abgerufen am 26. Februar 2021.
- ↑ Bestrafung: Fake-Macho interviewt Ari – „Das schaffst du nie!“ Abgerufen am 22. September 2021.
- ↑ Der große Challengemonat! Abgerufen am 14. Juli 2022.
- ↑ Das ist 2022 neu bei Das schaffst du nie! Abgerufen am 19. Januar 2022.
- ↑ Live-Challenge: 24 Stunden Ari-Hotline – Nimm alle Anrufe an || Das schaffst du nie! Abgerufen am 22. September 2021.
- ↑ 72h Livesendung: „Der 72h Talkshow-Weltrekord – Das schaffst du nie!“ Bayerischer Rundfunk, 12. November 2019, abgerufen am 19. Februar 2021.
- ↑ ARD-Themenwoche „Zukunft Bildung“. Westdeutscher Rundfunk, 28. Oktober 2019, abgerufen am 26. Februar 2021.
- ↑ Neuer Weltrekord im TV-Dauertalk aufgestellt. Der Tagesspiegel, 15. November 2019, abgerufen am 26. Februar 2021.
- ↑ Irrer Weltrekordversuch: Deutsche TV-Moderatoren planen längste Talkshow der Welt. In: Yahoo Sports. Altaba, 8. Oktober 2019, abgerufen am 26. Februar 2021.
- ↑ Upcycling-Bett aus der Weltrekord-Sendung von Das schaffst du nie. United Charity, 12. November 2019, abgerufen am 26. Februar 2021.
- ↑ https://www.youtube.com/watch?v=WhxikHGHnpY&t=127s
- ↑ https://www.youtube.com/watch?v=UOZ_1Wv-0LI
- ↑ https://www.youtube.com/watch?v=dL5oGKNlR6I
- ↑ https://www.youtube.com/watch?v=kIWwtLZOqkE
- ↑ https://www.youtube.com/watch?v=8YsOpt1CKms
- ↑ https://www.youtube.com/watch?v=puNAzGbhiyA?t=400s
- ↑ https://www.youtube.com/watch?v=_afR15cjrSY&t=169s
- ↑ https://www.youtube.com/watch?v=S7Q8CRy6p9A&t=289s
- ↑ https://www.youtube.com/watch?v=_afR15cjrSY&t=490s
- ↑ https://www.youtube.com/watch?v=1rPxiXXxftE&t=80s