Dischkrian:Grundkroft

--BsBsBs 06:35, 28. Aug. 2008 (CEST)== Lemma ==

Dischkuas

Guada Ardigl, abba leida a foischs Lemma. In Boarische Grammatik hoassts, dass da Baia koan Genitiv ned kennt. Muaß "Grundkräfte vo da Physik" hoaßn.BsBsBs 04:02, 27. Aug. 2008 (CEST)

Grammatisch stimmt nu mejara niat. A schejns Boarisch in technische Artikl war schou zimpfte. Dou kanntma zoing, daß aa sechtane Artikl guat af Boarisch gschrim wern kinna. Owa i endas zamtdean niat, wal nou hoißts åmend wida, daß des jå dean Schraiwa sai Idiolekt is, und mir hom jå olle dej Fraihait. -- Sinnierer 20:22, 27. Aug. 2008 (CEST)

Ou, ejtz howe grod gsea, daß Du da Schraiwa bist, BsBsBs. Nix fir unguat, ower gsågt is gsågt, und stimma douts aa ;-) -- Sinnierer 20:29, 27. Aug. 2008 (CEST)

Naa, wida redur. Da Schraiwa is doch a åndara, owa fir dean gülts aa, wose gsågt ho. Asu und asu ;-) -- Sinnierer 20:32, 27. Aug. 2008 (CEST)

Jetzd hod si da El bes derbarmt. Merse! (Und des hamma jezd dafo: Jetzad hoaßts 'fu' ois hätts mei Muatta gsogt, de war aa fu Norbaiann )--BsBsBs 06:35, 28. Aug. 2008 (CEST)

A so a Dikussion nua wega dem gloan Fehla? Lol, des is a amoi Säidn. I hob den Artikel so gschrim wia e red, wos jo de meistn do herin so machan. Zumindest soiad ma des scho efta glesn, und a Ändarung hobe bis jetz ned midgriagd. Wos technische Artikel oged, komma jo amoi am Stammtisch beren, wanns nodwendig is. Wobei ma des dann wieda auf jädn andan Bereich ausbroatn kannd/miasad. -- chatter - diskutier - Projekte 03:35, 31. Aug. 2008 (CEST)

Dou herinn wird schou ejamol a Gschiß gmåcht, wos ejtz "echt Boarisch" is und wos niat. Oa Lait schaicha holt ollas "Unboarische". Bå deane lurt hintaran jen Busch wos "Praißischs". Naa, i bi niat asu, i wais ner afs oane oda åndare hi, wos i holt woiß. Daß Boarisch a Sprouch is, des is fir mi klor. A Sprouch mit ollan Drum und Drå, Lauta, Wortschoz, Redewendunga, Grammatik, Pragmatik, und frale tout aar a Schrift nout, walmas jå schraim. Af d Schrift, af d Lauta und afn Wortschoz schaua d Lait ejera, owa bå da Grammatik und da Pragmatik schauts eftas nuniat su guat as, daßma ejtz song kannt, passt schå. Woißt, dou is amol a Zaitungsartikl gwen, in dean homs de boarische Wikipedia hibsch varissn, da Lesabrejf nu dazou. Owa horch, an grodåna gståndna Waldla, dean glawe normålawais schou, daßa koa Gschmarre niat vazapft, bols umn Dialekt gejt. Owa ejtz bine vo latta Schmadan gånz und gor von Thema Physik und technische Artikl okumma. -- Sinnierer 14:25, 31. Aug. 2008 (CEST)

Externe Links gendad

Griass enk Autorn,

I ho 1 externe Links af Grundkroft gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

• As Archiv https://web.archive.org/web/20150226192857/http://www.solstice.de/grundl_d_tph/sm_ww/sm_ww_04.html zan http://www.solstice.de/grundl_d_tph/sm_ww/sm_ww_04.html dazuagschriem

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 22:42, 11. Jen. 2020 (CET)