Eastareichischa Erbfoigekriag

Da 'Eastareichische Erbfoigekriag' (1740-1748) is ausbrocha, ois noch dem Dod vo Kaisa Korl dem VI. (und domit dem Aussterbn vom Haus Hobsbuag im Mannesstomm) sei Tochta Maria Theresia den eastareichischn Erzherzogthron bsting und mehrare europäische Fiastn eigane Ospriech aaf de Hobsburgische Erblande beziehungsweis des reamisch-deitsche Kaisatum erhobn. Da Konflikt is se zu am wejtumspannendn Kriag ausgwachsn.

Ibablick

Maria Theresia hot Franz Stephan vo Lothringa gheirat. Beim Dod vo seim Vata Karl dem VI. ham folgande Vawandte Osprich aaf des Erbe erhobn:

• Karl Obrecht vo Baiern ois Ehemo vo Maria Amalie vo Eastareich, de jingste Tochta vo Kaisa Joseph I., dem eatestn Bruada Karls VI.
• Philipp V. vo Spanien, Haus Anjou, ois Erbe vo da erloschna spanischn Linie vo de Habsburga
• Friedrich August vo Sachsn ois Ehemo vo Maria Josepha vo Eastareich, da ealtestn Tochta vo Kaisa Joseph I.

Friedrich II. vo Preißn hot de Osprich gnutzt, indem er fia seine Oerkennunga vo de Pragmatischen Sanktiona de Provinz Schlesien valangt hot. Er is am 16. Dezemba 1740 in Schlesien eigruckt. Da Erste Schlesische Kriag hot den eastareichischn Erbfoigekriag ausgleast. Baiern und Spanien ham 1741 im Vatrog vo Nymphaburg a Bindnis gschlossn, dem aa spada Preißn, Sachsn, Frankreich, Schwedn, Neape, de Kurpfoiz und Kurköln beitretn. Mit Eastareich warn Großbritannien und de Niedalande, de traditionelln Gengspuia vo Frankreich. Im Rahma vom Eastareichischen Erbfoigekriag san aa andarne binationale Konfrontationa gfoin, wie da War of Jenkins' Ear zwischn Großbritannien und Spanien, da zwoate Aafstand vo de Jakobitn in Schottland sowia da Russisch-Schwedische Kriag. Teile vo dem Kriag wern vo de Kolonialmächte Frankreich und Großbritannien aa in Nordamerika und Indien austrogn. De Teilkonflikt san ois King George's War in Nordamerika und Ersta Karnatischa Kriag in Indien bekannt. Da Erbfoigekriag hot am 18. Oktoba 1748 mit dem Friednsschluss in Aachn geendt. Der Friedn stejt den Vorkriagszustand weitgehnd wieda her, hot alladings Schlsien Preißn zuagsprocha und Maria Theresias Thronerbschaftn o erkennt.

Vorgschicht: De Pragmatische Sanktion

Währand dem Spanischn Erbfoigekriag, welcha duach des Aussterbn vo da spanischn Habsburgalinie ausgleast worn is, hot se Kaisa Leopold I. , des Haupt vo da eastareichischn Habsburgalinie, dofia entschiedn, de Erbfoig festzumleng. Am 12. Septemba 1703 hot er mit seine zwo Seahn Joseph und Karl des Pactum mutuae successionis gschlossn, an geheim ghoitna Vatrog iba de Erbfoig. Der Pakt hot greglt, dass weibliche Familienmitglieda nua erbn ham kenna, wenn olle männlichn Linien ausgstorbn warn, und hot außadem de Erbfoig unta de zua dera Zeit lebndn Habsburga festglegt. Leopold is 1705 gstorbn und sei aetana Sohn is eahm ois Kaisa Joseph I. nochgfoigt. Ois der 1711 aa gstorb is, hot er zwoa unvaheirate Teachta hintalassn und is vo seim jiangan Bruada ois Karl VI. beerbt worn. Der hot am 19. Aprui 1713 mit da Pragmatischn Sanktion a neie Erbfoigregelung festglegt. Ferna hot de de Unteilbarkeit vo de habsburgischn Erblande vorgseng. Da Erbfoigepakt und de Pragmatische Sanktion stimman dorin ibaei, dass a weibliche Erbfoig erst noch dem Aussterbn olla männlichn Linien zuaglassn worn is. Währand da Erbfoigepakt de dann afoigande weibliche Erbfoig offnglassn hot, hot de Pragmatische Sanktion bstimmt, dass in dem Foi de Tochta vom letztn männlichn Throninhaba nochfoing sollt. Aaf de (domois meagliche und spadare tatsächlich eitrene) Situation, dass Karl VI. selba ohne männliche Erbn sterbn soit, bzong, bedeit des, dass Karls Tochta Maria Theresia (und ned etwa oane vo Josephs Teachta unta Berufung aaf dessn Primogenitur) nochfoing soit. Formal ham se Erbfoigepakt und Pragmatische Sanktion doduach untaschiedn, dass erstare nua a Hausgsetz dorgstejt hot und gheim ghoitn worn is, währand de Pragmatische Sanktion eaffantlich gmacht und de Landdog vo de Habsburga Erblande und dem Ungarischn Reichsdog vorglegt worn san, duach deren Annahme (1720-1723) ie in den Rang vo am Staatsgsetz erhobn worn san. In Anbetracht meaglicha Ospriech vo de Teachta Josephs und eahrnane Ehemonna hot se Karl VI. um de Oerkennung vo da Regelung duach de andarn europäischn Mächt bemiaht. In de Joahr 1725 bis 1730 hot eer zwor de Oerkennung vo de meistn ausländischn Mächt erreicht, so etwa duach Brandnburg-Preissn (1726/28) und Großbritannien. Des war jedo nua a bedingta Erfoig, denn noch dem Dod vom Kaisa am 20. Oktoba 1740 hot se an andane Situation zoagt: Karl Oibrecht, Kuafiast vo Baiarn, und Friedrich August, Kurfiast vo Sachsn, ham de Guitigkeit vo da Pragmatischn Sanktion bstrittn - ned aba vom Erbfoigepakt - und domit Maria Theresias Erbrecht und ham jeweis im Nama vo eahnane Ehefraun, de Teachta vo Joseph I., Ospruch aaf de habsburgischn Erbland erhobn. Friedrich II. vo Brandnburg-Preissn, dem sei Vata 1728 de Pragmatische Sanktion und domit sowoi de Erbfoigeregelung ois aa de Unteilbarkeit vo de Habsburga Territorien oerkennt hot, hot se aaf an (1686 aafgebna) Ospruch aaf Teile vo Schlesien beruafa und hot infoigedessn de Obtretung Schlesiens an Preissn gfordart.

Kriagsvalauf

1740

Am 11. Dezemba hot Friedrich II. Maria Theresia a Ultimatum gsetzt, in dem er Schlesien ois Preis fia sei Oerkennung vo da Pragmatischn Sanktion und sei Untastitzung fia de Woi vo ihrm Ehemo Franz vo Lothringa zum Kaisa gfordart hot. Ohne de Antwrt abzwartn, is des preissische Heer am 16. Dezemba in Schlesien eigfoin und hot's ohne vui Gengwehr bsetzt. Dobei hot Friedrich dovo profitiert, dass unta seim Vata, dem "Soidatnkini" Friedrich Wilhelm I., des preissische Heer zu oam vo de modernstn Europas ausbaut worn is. Zuadem war's im Gengsotz zua eastareichischn Armee a stehends Heer. Es hot sofort und ned erst noch langa Mobilisierung eigsetzt wern kenna. De Eastareicha, dene noch dem Kriag gega de Türkn nua wenige Truppn zua Vafügung gstandn san, ham se noch Beahma und Mährn zruckzong, und de Preissn ham unbeeinträchtigt Breslau bsetzn und in Schlesien ibawintarn kenna. Nua de Festunga Glogau, Brieg und Neisse san no vo eastareichische Garnisona ghoitn worn.

1741

Am 9. März 1741 is de Festung Glogau in am Nachtogriff vo preissische Truppn unta Leopold II. vo Anhalt-Dessau erobart worn. Währanddessn hot a eastareichische Armee unta Graf Neipperg begonna, gaga de preissisch Linien zum opariern und de belagatn Ort Neisse und Brieg zum bsetzn. Am 10. Aprui is es zua Schlacht bei Mollwitz kemma, in der de Preissn gsiegt ham. In da Foig san de Eastareicha defensiv blibn, do's ihr oanzigs Fejdheer ned leichtferte aafs Spui setzn woitn. Nochdem se scho am 16. Februar Großbritannien, Russland, Sachsn und de Niedalande in Dresdn mit Maria Theresia zu na antipreissischn Koalition zammagschlossn ham, hot se Preissn jetzat mit Frankreich in Person vom Marschall Belle-Isle vabündt. Im Somma ham se aa Baiern und Spanien dem Bündnis ogschlossn. Frankreich hot se a Schwächung vo seim Erzfeind Eastareich erhofft, und Spanien hot noch valorne Besitzunga in Italien gstrebt. Großbritannien hot jetza sein Neutralität aklärt, do's ned an am Konflikt mit de zwoa bourbonischn Mächt Frankreich und Spanien intaressiert war und außadem Kur-Hannover duach Preissn bedroht war. Im Septemba 1741 hot Sachsn in de anti-eastareichische Allianz gwechslt. Grund war a Abkomma Sachsns mit Karl Oibrecht vo Baiern; Sachsn hot Karl Oibrecht Untastitzung bei da Kaisawoi zugsogt. Des Abkumma mit Sachsn und de Intervention vo de Franzosn hot Friedrich am 9. Oktoba vaanlasst, oan mit britischa Huif ausghandltn geheima Waffnstuistand, de sognannte Geheimkonvention vo Klein-Schnellendorf, mit Maria Theresia zum schließn. Dobei hot er noch ana demonstrativn Belagarung de Festung Neisse erhoitn und Niedaschlesien. De preissische Armee hot am 26. Dezemba no Olmütz erobart und doraufhi Wintaquartiere bezong. Karl Oibrecht hot mit seine boarischn Truppn im Juli Bossa und Oidhaus bsetzt und is im Septemba mit Huif vo sächsische und französische Truppn noch Eastareich voagstessn, ohne jedo Wean zum bedrohn. Obwoi Neipperg mit seina Armee aus Schlesie herbeigeilt is, ham de Vabündetn am 26. Novemba Prag ned einnehma kenna, wo se Karl Oibrecht am 9. Dezemba vo de beahmischn Ständ zum Kini hot kreana lassn.

1742

Am 24. Januar 1742 is Karl Oibrecht in Frankfurt zum Kaisa Karl XII. gwejt worn und am 12. Februar vo seim Bruda Clemens August, dem Erzbischof vo Köln, aa krönt worn. Seit fast 300 Joahr war er da erste Kaisa, der ned aus dem Habsburga Gschlecht gstammt hot. De Eastareicha ham untadessn Truppn aus Italien und Ungarn zammzong und warn zum Gegnogriff ibaganga. Ludwig Andreas Graf Khevenhüller hot zerst Linz zruckerobart und is am Dog vo da Kaisakreanung Karl Oiberts in Minga eimaschiert. Doraufhi hot Karl Oibert Friedrich II. um Huif bitt. Der hot Brünn erobart und is aaf Wean vorganga. Ois eastareichische Truppna seine Rückzugslinien bedroht ham, is er noch Beahma zruckkehrt, wo er des Heer vom Prinzn Karl vo Lothringa in da Schlacht bei Chotusitz bsiegt hot. Um seine Eroberunga zum sicharn, hot Friedrich II. am 11. Juni 1742 mit Maria Theresia den Prälimiarfriedn vo Breslau gschlossn, dem am 28. Juli 1742 da Friedn vo Berlin gfoigt is. Preissn hot Schlesien und de Grafschaft Glatz erhoitn, währand Maria Theresia de freigwordna Truppn gega des bayrisch-französische Heer werfa hot kenna. Da französische Marschall de Broglie, der an da Moldau opariert hot, is daraufhi vo de Eastareicha zruckdrängt worn. Im August ham's Prag ergebnislos belagert. De Franzosn unta Marschall Belle-Isle ham vasucht de Stodt zum behauptn, ham se im Dezemba aba unta schwierige Bedingunga noch Ega zruckziang miassn. In Italien hot se a neia Kriagsschauplotz göffnet. Spanien hot vasuacht sei Territorium aaf Kostn vo Eastareich vo Neape aus zum erweitarn. Doch a eastareichisch-sardinisches Heer hot de Initiative ergriffa, hot Modena und Mirandola erobart und Mittlitalien gsäubart, nochdem se Neape, bedroht duach a britische Flottn, fia neutral aklärt hot. Im Septemba is a weitars spanisches Heer duach Frankreich kemmad gega Nizza vordrunga, hot se aber vor dem Wintaeibruch wieda noch Savoyen zruckziang miassn. Obwoi a französisch-boarische Armee bis zum Herbst vo dem Joahr Baiern zruckerobart hot, ham de Eastareicha Beahma und Mährn behauptn kenna. Großbritannien und de Niederlande warn seit dem 13. Mai aaf der Seitn vo Maria Theresia in den Kriag eintretn, um a Erstarkn vo Frankreich und Spanien aaf dem Kontinent zu vahindarn; und schließle war Preissn voaerst ois Gegna vo Eastareich ausgschiedn.

1743

Im Fruahjoahr hot's in Deitschland zwoa Kriagsschauplätz gebn. In Kur-Hannova hot se unta Kini Georg II. a britisch-hannovarsche Armee gsammelt, de an den Moan gruckt is. Frankreich hot ihr aus dem Elsass a eigane Armee unta Marschoi Noailles entgenggschickt, de olladings in da Schlacht bei Dettinga am 27. Juni bsiegt worn is. In Süddeitschland ham de Baiern und de hessischn Vabündatn am 9. Mai a Gfecht bei Simboach am Inn valorn und ham doraafhi fast ganz Baiern rama miassn. Sowoi de Franzosn ois aa de Baiern san hinta den Rhein zruckgwicha, wo's in de Wintaquartier ganga san. Die Pragmatische Armee vo Kini Georg hot noch am kurzn Vorstoß iba den Rhein schließle in Westfaln und de Niedalande glagert, währand de nun keaniglich-ungarische Armee gnennte Truppn vo de Eastareicha in Baiern und am Rhein gleng is. In Italien san die Spanier erneit gega Modena vorgrückt, ham jedo in da Schlacht vo Camposanto am 8. Februar a Niedalag erlittn. Aa de spanische Armee in Südfrankreich hot erneit vasuacht, im Piemont vorzumgeh, hot se aba wia im Vorjoahr noch Savoyen zruckziang miassn.

1744

Im Fruahjoahr san a 80.000 Manna storke französische Armee unta Moritz vo Sachsn gega Brüssl und de britisch-niedaländische Armee vorganga. Sie erobatn Menin, Ypern, Furnes und Knock, ham danoch ollading den Großteil vo eahnana Truppn gega Karl vo Lothringas eastareichischn Armee schnickn miassn, de im Elsass den Rhoa ibaschrittn ham. Zu na Schlacht is es ned kemma, denn Karl vo Lothringa is im August noch Beahma zurckgeilt, noch dem bekannt worn war, dass preissische Truppn unt Friedrich II. erneit in den Kriag eigriffn ham. Gianstig is es jedoch erschina, dass se Sachsn im Mai heimle aaf da Seitn vo Eastareich gschlong hot. Friedrich II. ham des Erstarkn vo Maria Theresia gforchtn und glabt, dass Eastareich noch am Sieg iba Frankreich vasucha dat, se erneiert Schlesien zu bemöchtinga. Deshoib hot er sei Bündnis mit Frankreich erneiert und im August Beahma ogriffa. Im Septemba is Prag belagert und eignomma worn. Ois Friedrich II. weida vordrunga is, ham eahm eastareichische Husarn den Nochschub obgschnittn. Vo olle Seitn bedrängt duach de eastareichischn Reservetruppn, de sächsische Armee und schließle aa des Heer vo Karl vo Lothringa, hot se Friedrich II. noch Schlesien zuruckziang miassn. Durch de Entlastung war's in Baiern und Franzosn jedo glunga, Baiern zruckzumerobern. A französisch Heer unta dem perseanlicha Kommando vo Ludwig XV. hot noch sechsweachiga Belagarun de vordaeastareichische Hauptstodt Freiburg im Breisgau, währand a andars des eastareichische Schwobn ogriffa hot. Im Novemba hot se no a dritts Heer an da Mosl gsammelt. In Italien is a französisch-spanische Armee in Piemont eidrunga und hot des sardinische Heer an da Stura. Donoch hot sie Villafranca, Oneglia und Nizza eignomma. Im Herbst hot de Armee jedo wieda noch Piemont zruckmiassn. In Mittlitalien drängtn de Eastareicha de Spania aus Neapel zruck. Doch ois des sei Neutralität wieda aafgebn hot, hot se des eastareichische Heer bis in de Toskana zurckzong.

1745

Am 8. Januar 1745 hot Großbritannien, Eastareich, de Niedalande und Sachsn-Poln de Warschauer Quadrupe-Allianz gschlossn, de sich gega Preissn gricht hot. Zweaf Dog spada, am 20. Januar 1745, is Kaisa Karl VII. gstrobn und hot so a neie Kaisawoi neatig gmacht. Sei Sohn Maximilian III. vo Baiern hot weitare militärische Niedalagn, z. B. in da Schlacht bei Pfaffnhofa, den Friedn vo Füssn mit Maria Theresia, gschlossn, in dem er de eastareichische Suprematie im Reich oerkennt und zuagsichart hot, Maria Theresias Ehemo Franz b Friedrich II. hot plant, sich im foigendn Fejdzug defensiv zum vahoitn. Er is in Schlesien bliebn, wo er am 4. Juni in da Schlacht bei Hohenfriedberg an eastareichisch-säsisches Jeer entscheidnd gschlong hot. An weitern Erfoig is eahm am 30. Novemba in da Schlacht bei Soor glunga. Domit war Schlesien verteidigt und de Kampfhandlunga ham se aaf Sachsn konzentriert, wo se de eastareichisch-sächsischn Hauptkräft gsammlt ham. Nochdem do Leopold vo Anhoit-Dessau in da Schlacht bei Kesselsdorf de Eastareicha und Sachsn am 15. Dezemba entscheidnd ham schlong kenna, is Dresdn in preissische Händ gfoin. Am 25. Dezemba is do da Friedn vo Dresdn zwischn Preissn, Eastareich und Sachsn gschlossn worn, dem bereits am 16. August a preissischa Friednsvatrog mit Großbritannien-Hannova vorausganga war. De Aafmerksamkeit vo Frankreich hot se noch dem Ausscheidn vo Baiern und da Räumung sowoi vom Kuafiastntum ois aa vo Freibuag aaf Flandan gricht. Do hot a französische Armee unta Moritz Graf vo Sachsn Tournai belagat. Am 11. Mai is es zua Schlacht bei Fontenoy kemma, in wejcha de Pragmatische Armee unta dem Herzog vo Cumberland, de zum Entsatz vo da Festung ogruckt san, gschlong worn. In da Foig hot se Gent, Brügge und Tournai ergebn. Bis zum Jahresend san aa Nieuport, Dendermonde. Ath und Ostende in französische Händ gfoin. Mit französischa Untastützung is aa a kloane Espeditionsstreitmacht in Schottland glandt, um vo do aus gega Großbritannien vorzumgeh. Des is ois zwoata Aafstand vo de Jakobitn bekannt worn. In Mittlitalien hot des eastareichishe Heer noch da valorna Schlacht bei Rimini bis hinta den Tanaro zruckweicha miassn. So hot se des spanisch-französische und des spanisch-neapolitanische Heer bei Genua vaeinign kenna und gemeinsam Tortona, Piacenza, Parma und Pavia aobarn. Des eastareichisch-sardinische Heer hot in da Schlacht bei Bassignana a weitare Niedalag erlittn. Bis zum Joahresend ham de Vabündetn Piemont und fast de ganze Lombardei bsetzt.

1746

Do Großbritannien, duach den Jakobitnaafstand bedrängt, Truppn vom Kontinent obziang hot miassn, hot de französische Armee vom Marschall vo Sachsn relativ ungehindart Brüssl, Mechelen, Antwerpn, Charleroi und Mons einehma kenna. Währand da Belagerung vo Namur hot Moritz vo Sachsn des eastareichische Entsatzheer in da Schlacht bei Huy gschlong. Er hot de Festung gnomma und de Eastareicha abamois in da Schlacht bei Roucoux besiegt. Zum End vom Joahr hi warn de Eastareichischn Niedalande und Luxmbuag in französischm Besitz. In Italien war hingeng a Offensive vom eastareichisch-sardinischn Heer erfoigreich. In de Schlachtn vo Guastalla, Piacenza und Rottofreno ham de Eastareicha gsiegt und ham se zu Herrn vo da Lombardei, Piemonts und Savoyens gmacht. De Spanier ham se noch Genua zruckzong und retiriertn noch Spanien. Mit Huif vo da britischn Flottn san de Eastareicha erfoigreich in de Provence vorsteassn und ham Antibes belagert. Im Zuge vom Erstn Karnatischn Kriag is es de Franzosn glunga, unta Admiral Betrand Francois Mahé de La Bourdonnais am 4. Septemba 1746 Madras zu erobarn. Madras war zu dera Zeit de Hauptstodt vo da britischn Madras Presidency, die den greaßtn Teil Südindiens umfasst hot.

1747

Noch da Erobarung vo de Eastareichischn Niedalande san de Franzosn jetzat aaf Holland vorgruckt. In da Schlacht bei Lauffeldt hot da Marschall vo Sachsn de eastareichsch-britisch-holländischn Truppn am 2. Juni besiegn kenna. Noch dreimonatiga Belagerung san danoch aa Bergen op Zoom und Holländosch-Flandarn in de Händ vom Marschall gfoin. Aus da Provence ham se de Eastareicha und Sardn scho im Januar weng Proviantmangl zruckziang miassn. Sie san nun an de Belagarung vo Genua ganga. A französische Armee unta dem Marschall Belle-Isle is zum Entsatz vo da Stodt herogrückt, woraufhi sich de Eastareicha in de Lombardei zurckzong ham. Belle-Isle hot sie znachst vafoigt, is dann aba sejba in de Wintaquartiere noch Nizza ganga. Am 30. Novemba hot Eastareich mit Russland an Vatrog gschlossn, der vorgseng hot, dass im foigndn Joahr 37.000 russische Soidatn zur Untastützung Maria Theresias an

1748

De Franzosen ham Maastricht belagat, währand de Armee vo de Britn, Hollända und Eastareicha nix do hot, um de Stodt zu entsetzn. De Vabündetn ham aaf des Eitreffa vo de russischn Truppn gwart, um dann gemeinsam gega den Marshall vo Sachsn vorzumgeh. Am 7. Mai hot Maastricht kapituliert und an allgemeina Waffenstillstand is vaeinbart worn. Aa in Italien is es zu koane weitarn Kampfhandlunga kemma. De Gefahr vo am russischn Eigreifa hot de Friednsvahandlunga beschleinigt und so is da Kriag am 18. Oktoba mit dem Friedn vo Aachn geendt.

Auswirkunga vom Kriag

Da Aachena Fridn hot de Pragmatische Sanktion bestätigt und de britische Thronfoige fia Hannova. Preissn ham no oamoi Schlesien und de Grafschaft Glatz zugsprocha bekomma. Domit hot Eastareich oine vo seine reichstn Provinzn valorn, währand Preissn zu na europäischn Großmacht aafgsting is. Des Zui vo Frankreich, den Erzfeind vo Eastareich signifikatn zu schwächn, war domit gscheidart. De Seahn vo da spanischn Königin ham Herzogtüma in Italien erhoitn, und aa Eastareich hot do mit einign Gebietsgewinnen den Valust vo Schlesien kompensiern kenna. In Eastareich san noch de Erfahrung vom Kriag wichtige Staats- und Heeresreforma eigleitet worn, wejche de eastareichische Armee qualitativ vabessert und aaf den foigenden Siebnjahrgn Kriag

(1756-1763) vorbereit.