Esterhazy-Duatn
De Esterhazy-Duatn is a östareichische und ungarische Schoko-Maundl-Duatn, de wos nochn Paul III Anton, Prince Esterházy benennt is, an Diplomatn in da k.u.k. Monarchie. Es is a Duatn, de wos in Östareich und Ungarn sehr beliabt is.
De Duatn is zum easchtn Moi im 19. Joahundat zu Ehrn vom Prinz Esterhazy gmocht woan. De Mitglieda vo da Famülie Esterhazy ghean heit no zu de reichstn Leidln in Östareich, mit Schlessan in Eisnstod und Foachtnstaa.
De Esterhazy-Duatn bsteht aus 4-5 Makaronidaag- oda Biskuitschichtn. Dazwischn kummt de Buddamassn, de wos mit Cognac vafeinat wiad. Iwa de Duatn mochd ma a weiße Glasua (Zucka und Wossa). Daun kummt de typische Esterhazy-Vaziarung drauf, de wos a bissl aun a Spinnennetz eainnad.
Es gibt vo dera Duatn vü vaschiedane Variantn, aa ois Esterhazy-Schnittn.